صوت طقه عند التعشيق

[brenc]

ياشباب الي عنده علم لايبخل علينا
1- انا معي فكسار 2003 قير تماتيك أذا جيت اغير القير من Rالىd اسمع صوت طقه احيان يكون خفيف وأحيان يكون قوي ياليت اقدر اعرف وشفيه وكيف الصلحها وكم تبي تكلفني وأذا فيه ورشه ممتازه في الرياض ياليت تدلوني عليها
2-عندي لمبت الزيت شغاله على طول فصلت صبع البطاريه وخليتها ربع ساعه وشبكتها ما نفعت ياليت تفيدوني عنها

وعتذر على الاطاله

[جداوي صميم]

والله يالغالي مقدر افيدك لاكن انا معاي كامري
وكانت فيها طقه قووية بالريوس وتكوون خفيفة احيانن
وغيرت فيها كراسي المكينة وياحلااوه
عاد مدري انت وش مشكلك لاكن شيك على الكراسي
وان شاء الله الاخوان مايقصروون معاك

[brenc]

مشكور على مرورك أخوي جداوي صميم وأنتظر مرور باقي الاخوان

[بنز560]

ممكن اخوي بسبب الدفع الرباعي المستمر اذا عشقت يطق الدبل هذا في الجكسار الغيت الرباعي وراحة
الطقه

[brenc]

مشكور اخوي بنز560 على مرورك ويليت لو يكون فيه تفصيل أكثر

[الوسم للخيام]

السلام عليكم ورحمة الله
الطقة اخي العزيز انا سألت عنها مهندس تويوتا قال لأنك ماتشغل الأوفر درايفر (الزر موجود في عصا القير على اليسار ) داخل المدينة على طول ولذلك السيارة تعشق للرابع بسرعة

[aooa]

تاكــد من الصلبان يمكن تكون السبب ... لا بد من التشحيم ولا يكون الشحم كثير لان كثيره يضر ..

[brenc]

اخوي الوسم للخيام القير عندي مافيه زر من 2003 وفوق زي الكزس

[brenc]

تاكــد من الصلبان يمكن تكون السبب ... لا بد من التشحيم ولا يكون الشحم كثير لان كثيره يضر ..
مشكور اخوي وراح اتاكد من الصلبان

[عبدالله 102]

يا الغالي مشكلتك ان شاء الله ما تحتاج ورشة

اللي عليك طال عمرك انك تروح لمشحمة وتخليه يشحم العمود و الصلبان

وان شاء الله تشوف الفرق

[a2005bdullah]

اخوي عند الانتقال من r ال d حاول توقف ب n ثواني حتى يفصل الريوس و بعده عشق d بتشوف فرق و شحم الصلبان بعد احسن

[هاوي سمر]

بسم الله

اخوي اذا جيت تغير القير من نمره لنمره اصبر شوي

وبعدين شيك على الصلبان وشحم الموتر من تحت كله

وشيك على زيت القير لا تنساه


والله يكون بعونك

[brenc]

مشكورين أخواني على اردود وراح اسوي الي قلتولي ونشالله تضبط
بس ما علمتوني عن السوال الثاني وش المشكله وكيف حلها

[ونش]

اخوي كان عندي اكسبلولر وكنت اسمع نفس المشكله وديته الوكاله وغيرو الحساسات ب1200 على الضمان ونتهت ولمبه الزيت نصيحه لا تتهاون فيها وتقول التماس كهرب ترا احتمال يخبط عليك الموتر لازم تفحص نصيحه احتمال طربه الزيت خربانه

[المذهـــــــب]

إن شاء الله تلقى من يفيدك الجواب الكافي
وأنا ما عندي علم ولكن أكثر الأخوان تكلمو عن الصلبان والتشحيم وأتوقع أنه صحيح

[راكان الاول]

موترك ماشي من 300 ال فاكثر وهذا واضح من الطقة ولمبة الزيت وانصحك بتشحيم العمود وان لم يذهب الصوت فقم بفحص الصليبات عند متخصص (لاتذهب الى ورشات البوريالين) خليهم يغيرون لك الصلبان بأصلي وانتبه ترا ما كلن يعرف رح الصناعية القديمة كانك بالرياض فيه ورشة متخصصة بالاعمدة.
وفقك الله

[brenc]

موترك ماشي من 300 ال فاكثر وهذا واضح من الطقة ولمبة الزيت وانصحك بتشحيم العمود وان لم يذهب الصوت فقم بفحص الصليبات عند متخصص (لاتذهب الى ورشات البوريالين) خليهم يغيرون لك الصلبان بأصلي وانتبه ترا ما كلن يعرف رح الصناعية القديمة كانك بالرياض فيه ورشة متخصصة بالاعمدة.
وفقك الله
مشكور اخوي بس موتري مامشى ال 130 وبعدين الورشه الي ذكرتها وش اسمها وين في الصناعيه

[حبو 1]

السلام عليكم ورحمة الله وبركاتة

اخوي فية ورشة متخصصة وهي مخرطة الصفدي مختصين عمدان ومكانهم الصناعية القديمة مخرج 17 امام ورشة النويصر للتربيط

[a2005bdullah]

شوف الموضوع هذا يمكن يفيدك
http://www.mekshat.com/vb/showthread.php?t=276100

[--ابو سعود--]

شيك على الصلبان والعامود والعكوس حسب ماعرف

[بارق تميم1]

بالنسبه لطقه انا كان عندي موترين Vx_r 2002 و2004 وكلهم فيهم الطقه الي انت تتكلم عنه وفيه واحد من اخوياي معه موديل 2001 وفيه نفس الطقه (فأتوقع انها طبيعيه)

بعض الشباب ذكروا في ردودهم ان المشكله ممكن تكون من الصلبان
طريقة تشييك الصلبان الصحيحه هي إنك لازم تفك عامود الكردان ومن ثم تشيك على الصلبان (هذي قالها لي مكانيكي ثقه )
والسبب قبل سنه تقريبا مريت العضيب الي في مخرج 15 بالرياض وقالي الصلبان تحتاج تغيير (طبعا قالي بدون مايفك العامود)
طبعا مادخل كلامه مزاجي وسحبت عليه
قبل اسبوع بالضبط دخلت موتري الورشه وقلتلهم يشيكون على الصلبان
قالولي سليمه ومافيها اي مشكله (طبعا تشييكهم كان بتجربة السياره وفك العمود)

طبعا كل هذا علشان تاخذ حذرك وانا اخوك

تقبل مداخلتي :)

[بدوي جنوبي]

يمنع كتابة مشاكل السيارات بهذا القسم

يوجد قسم مخصص للاعطال
ينقل لقسم الاعطال

[بندررر]

شيك على الصليب

[$سهام الليل$]

والله يالغالي مقدر افيدك لاكن انا معاي كامري
وكانت فيها طقه قووية بالريوس وتكوون خفيفة احيانن
وغيرت فيها كراسي المكينة وياحلااوه
عاد مدري انت وش مشكلك لاكن شيك على الكراسي
وان شاء الله الاخوان مايقصروون معاك
مداخله انا عندي كامري غراندي صوت كل ماعشقت قدام والا ورا اسمع حتى في الخط لما ارفع عن دواست البنزين وارجع ادوس اسمع الصوت والله جنني هصوت والسيارة غيرعايدي بس اصوت اسمعه عند الكفر والسيارة مافيه رجه حتى سرعة240

[PLYAMZ]

اخي انا عندي نفس المشكله مع ان سيارتي vxr٢٠٠٩ مع الشحيم يخف الصوت وبعد فتره يرجع الصوت واخيرا الوكاله غيرو العمود واختفي الصوت نهائيا ...

[brenc]

ياشباب أنا فحصت السياره اليوم فحص كمبيوتر وقالولي كف الغير مدري تتوقعون كلامه صحيح ولا لا مع اني شحمة الصلبان والعمود مستفدت شي

[رفيع المقآم]

الله يعينك