رايكم يالربع بالسلقه ..

[القبقب.87]

السلام عليكم ورحمه الله بركاته


ياهل مكشات شلونكم .. حبيت اني اخذ رايكم بسلقه عندي .. اسمها ورده ..
ملاحظه السلقه لها فتره ماطردت .. حاليا بس طرد جرابيع .. وقبل شهرين ونص ولدت وناس الله يهديهم سرقو عيالها قبل اسبوع .. وبالصور مبين ان بطنه نازل ترضع يعني ..


http://www.up-00.com/Mar10/Lsm78719.jpg (http://www.up-00.com/)

http://www.up-00.com/Mar10/L6279042.jpg (http://www.up-00.com/)



http://www.up-00.com/Mar10/jlz78719.jpg (http://www.up-00.com/)


واذا فيه احد حولي بالشرقيه وعنده ذيخ .. ياليت اذا ماعنده مانع ان تلقح منه ..

[قطمان المحازم]

رأأي انها لوقيه مهيب سلقه شف رقبتها ورأسها كبار السلقه تجيك مواطيها مواطي ظبي والرأس اصغر وأأأزقم والرقبه متناسق مع الرأس والله واعلم

[333]

سلقه طيبه وتشبع من صيدها
بس عليك بتطليق والمس

[ركوووون]

السلام عليكم
اخوي اول شي الله لايوفق من سرق الجراوة
ثانينا تاكل من صدية انشا االله
وشكل السلقة طيبة ماشا الله والله يخليها لك
اخوووك ركوووون
تقبل مروري

[kbsolh]

السلقه ماعليه جيده
بس ماهي سبوووق؟
صح

[صقر القصيم 16]

سلقه زوينه بس عايبها الرقبه والراس

[قنآص الرمله]

ماشاءالله تبارك الله

انا اتوقع طال عمرك

ابو السلقه كلب بلوسي وانتو كرامه وامها سلقه

والله اعلم

[الأكيدر]

مشكور على الصوره والسلقه اشوفها اقل من متوسطه ...
ورائي انك اذا تبي تنتج حاول انك تشوف لك سلقه اطيب عشان يطلع انتاج يستاهل التعب هذا رائي ...

[الخماش111]

هههههههههه حرام يالله اني ضحكت من قلبي اللي يقول سلقه طيبه وتشبع من صيدها انا احلف انه ماربى سلق ولا قتا ها ياريجيل الرجال طلبنا راينا واستشارتنا المجامله ليش هاذي ونا اخوك لوقيه 100%اخذ العلم الوكاد وكبك من اللي يقولك سلقه علي بالطلاق انه مايفهم فالسلق شي اخيرا تقبل مروري

[ابو الطحا وي]

رأأي انها لوقيه مهيب سلقه شف رقبتها ورأسها كبار السلقه تجيك مواطيها مواطي ظبي والرأس اصغر وأأأزقم والرقبه متناسق مع الرأس والله واعلم

.......................

[ابوسعودالسهلي]

هذي لوقيه .

[عاشق داورد]

كلام سليم يا خماش والله حكيم

[سوبر فزاع]

اخوي هذي مهب سلقه كامله

يعني الام غير الابو

[ادهم الطحاوى]

هذى لوقيه واعتقد ان الام سلوقيه ولكن الاب فصيله اخرى
تقبل مرورى

[قناص جواثا]

انا من الشرقيه الاحساء واذا ودك فيه ذيخ ممتاز سوري انوع
خذ رمي واشوف سلقتك طبيعه افضل 0544940031

[مدرب سلق]

اخوي بدون مجامله والله ولاتزعل علي

هاذي لوقيه ومافيه حيله لو لونها على سلق صح يبي يطلع طربه 0

في رابط راح تعرفشكل السلق الساحل وتعرف تقاسيم الوجه 0

والكتوف واليدين وغير هاذا الشي راح تستفيد مستقبلا

تقبل مرووري
مدرب سلق

[قناص الخبر]

هذي لوقيه وانا اخوك
مبين من راسها والوجه
تقبل مروري

[يزيد بن سعود]

لوقيه ماهب بسلقه

[القبقب.87]

رأأي انها لوقيه مهيب سلقه شف رقبتها ورأسها كبار السلقه تجيك مواطيها مواطي ظبي والرأس اصغر وأأأزقم والرقبه متناسق مع الرأس والله واعلم


اخوي قطمان لاهنت على هالرد الصريح .. وشاكر لك يالغالي .. ومنكم نستفيد

[القبقب.87]

سلقه طيبه وتشبع من صيدها
بس عليك بتطليق والمس


اخوي لاهنت يالغالي على رفع معنوياتي .. :) ومشكور على هالرد يالذيب

[القبقب.87]

السلام عليكم
اخوي اول شي الله لايوفق من سرق الجراوة
ثانينا تاكل من صدية انشا االله
وشكل السلقة طيبة ماشا الله والله يخليها لك
اخوووك ركوووون
تقبل مروري

اخوي ركون اهنيك على اسلوبك الرائع وعسا تطلع مثل ما انت تقول لان الشباب يقولون غير هالكلام لكن الشكوى لله على قولتهم مد رجلك على قد لحافك .. :) شاكر لك مره ثانيه يالذيب

[القبقب.87]

السلقه ماعليه جيده
بس ماهي سبوووق؟
صح

كانك تدري يالخوي بس ماجربتها للحين غير على الجرابيع يبيلي اجرب على حصني ولا غيره تبين اذا طيبه ولا لوقيه على قولت الربع .. وشاكر لك ردك

[القبقب.87]

سلقه زوينه بس عايبها الرقبه والراس

تسلم لي يالصقر تقدر تقول رزق من الله ياحياه الله .. ..

[القبقب.87]

ماشاءالله تبارك الله

انا اتوقع طال عمرك

ابو السلقه كلب بلوسي وانتو كرامه وامها سلقه

والله اعلم


والله يالخوي احتمال ان كلامك صحيح .. لاني انا ماخذها من واحد مايفهم بالسلق شي وانا بعد شكيت فيها

ولاهنت على الرد ياذيب

[القبقب.87]

مشكور على الصوره والسلقه اشوفها اقل من متوسطه ...
ورائي انك اذا تبي تنتج حاول انك تشوف لك سلقه اطيب عشان يطلع انتاج يستاهل التعب هذا رائي ...


والله يالذيب كلامك صحيح لكن انا مالي بالسلق لكن بحكم ان عندي مخيم جتني هالسلقه .. وتقدر تقول ودي ادخل بالسلق اكثر .. بس تخبر مامن تشجيع .. اول كانت عندي سلقه سبوق وطيب حيل بس كالعاده انسرقت .. وبعدها انقطعت عن هالشي ..

[القبقب.87]

هههههههههه حرام يالله اني ضحكت من قلبي اللي يقول سلقه طيبه وتشبع من صيدها انا احلف انه ماربى سلق ولا قتا ها ياريجيل الرجال طلبنا راينا واستشارتنا المجامله ليش هاذي ونا اخوك لوقيه 100%اخذ العلم الوكاد وكبك من اللي يقولك سلقه علي بالطلاق انه مايفهم فالسلق شي اخيرا تقبل مروري

والله يالخوي اهنيك على هالصراحه .. :)

والربع ودهم يرفعون معنوياتي شوي مثل اللي يقولك ماء بارد ثم حار .. ههههه

وانا علي اتحمل بما اني طلبت راي الكل فلابد اتحمل نقد الجميع .. ولاهنت على الرد يالذيب

[القبقب.87]

انا من الشرقيه الاحساء واذا ودك فيه ذيخ ممتاز سوري انوع
خذ رمي واشوف سلقتك طبيعه افضل 0544940031

قناص ونعم فيك .. وماهو غريب الطيب من منبع الطيب ..

وان شاء الله بيننا اتصال .. ولاهنت يالغلا على الرد ..

[القبقب.87]

اخوي بدون مجامله والله ولاتزعل علي

هاذي لوقيه ومافيه حيله لو لونها على سلق صح يبي يطلع طربه 0

في رابط راح تعرفشكل السلق الساحل وتعرف تقاسيم الوجه 0

والكتوف واليدين وغير هاذا الشي راح تستفيد مستقبلا

تقبل مرووري
مدرب سلق

يابعدي والله يامدرب السلق .. وان شاء الله مامن زعل والسلقه جتني عطيه من واحد ماله بالسلق وانا طلبت الراي فلازم اتحمل النقد .. لكن ان شاء الله الربع ماهم بمقصرين ورب يرزقنا بسلق طيب .. ان شاء الله ..

[القبقب.87]

هذي لوقيه وانا اخوك
مبين من راسها والوجه
تقبل مروري

والله يالخوي مالي باسلق معرفه يعني مالي في المجال هذا بس كان عندي سلقه طيبه حيل جلست عندي شهرين وانسرقت ما امداني حتى اتهنى فيها هههههه ..

[العاشق639]

اخوي الصور ماهي بطالعه ياريت تعيد رفعها

[الكايد 123]

مشاء الله عليها تاكل من صيدها

[DR.TAREQ]

بالتوفيق يالغالي

[DR.TAREQ]

بس تراها ماهي سلقه ذي والله اعلم