شوفو وش كثر الفقع ( صورهـ) !!

[الضاري]

السلام عليكم ورحمة الله

مساكم الله بالخير جميعاً

وصلتني هذه الصوره وحبيت اعرضها لكم

من يقول لي كم فقعه بالصوره :D

http://www.mekshat.com/pix/upload01/prof008/mk658_fqaa2.jpg

[برق الشفاء]

عشر طعش هههههههههههههههههه
يعطيك العافيه أخوي الضاري,,,,,,,,,,,,,,

[صقر البحيرات]

وعليكم السلام ورحمة الله وبركاته


ما شاء الله تبارك الله .... لو يتهيالي ربع الكووووم


ما ابي غيرها


الله يسامحك يابو ضاري ........ هذا وقتها هههههه


وكانك بلشان بعددهن
هاتهن لي وأعدهن لك عدا مضبووووط
ولابه جدااااال





******* صوره رائعه **************


تسلم عليها يالغالي

[محمد-الرس]

تدري هذا يسوى 500ريال بالسوق ويمكن 1000ريال بالراحة هذا فقع مب لعب وله عشاق يشترونه بأغلى الاثمان ويتعبون لين يحصلونه-----بالتوفيق

[عبد السلام ضيف الله الشلاش]

بسم الله الرحمن الرحيم

وشلونك مشرفنا الضاري عساك بخير , ما شاء الله كل اللي بالصوره زبيدي , يمكن ملقوط من مكان محمي مثل المزارع المشبوكه .

في سنة من السنين في حائل كان واحد له نخل بالضلع , ذهب ليلقح نخله ولما اقبل عليه شاف الأرض من دونه كلها بيضاء , وعندما وصل وجده كله زبيدي , حمل سيارته منه وباعه بالسوق بسبع وعشرين الف ريال , والله هو الرزاق .

احلى مافي الزبيدي ان تأكله بعد جنيه بوقت لا يتعدى ست ساعات , ستشعر بطعمه اللذيذ خلافاً للزبيدي الذي يباع ومر يوم او عدة ايام على جنيه , هذا الكلام عن تجربه .

اذا لم تأكل الزبيدي في حينه يصبح طعمه قريب من هذه الفطره ( نسميه في حائل فطر ) وخساره تدفع فيه فلوس , على العكس من الجباة الحمراء التي تحتفظ بطعمها لعدة ايام .


http://up.arb-up.com/i/00131/1v6cw98saa11.jpg




تدري هذا يسوى 500ريال بالسوق ويمكن 1000ريال بالراحة هذا فقع مب لعب وله عشاق يشترونه بأغلى الاثمان ويتعبون لين يحصلونه-----بالتوفيق

وشو الفه انت صادق او تمزح , هذا يسوى له عشرين ورقه من امهات خمسميه , اذا هو رخيص .

عكرش الثالث
حائل

[الشيخ قوقل]

ما شاء الله
تصدّق أوّل ما شفته كلت ثوم وبعضه عراجين !!!!!
أي والله فقع
على أهله بالعافية
ومشكور على العرض

[اويامال]

يعطيك العافية على الصورة

[ابوراشد04]

تدري هذا يسوى 500ريال بالسوق ويمكن 1000ريال بالراحة هذا فقع مب لعب وله عشاق يشترونه بأغلى الاثمان ويتعبون لين يحصلونه-----بالتوفيق

هههههههههههههههههههههه ان ماطقت الخمسه وزود بهالوقت فانا ما افهم

[333]

عددهن طعشن طعش
والله يرزقني ربعهن

[mr.muhmmed]

هههههههههههههههههههههه ان ماطقت الخمسه وزود بهالوقت فانا ما افهم

لا والله شكلك ما تفهم <<< اامزح

هذا اذا صار رخيص ولا وده يبيعه دقعه وحده بـ20 الف ريال

احسب الكرتون اللفلين قد يص الى 200 لاكن قل 100

كم يجي من صندوق ذااا

والله والعالم حتى انا ما افهم احس انه فوق العشرين بزياده

ماء شاء الله

لاكن ما به زراعي او مختص زراعي

فكر في انشاء مشروع زراعة الفقع

والغرب هذاهم يزرعون فطر المشروم او عش الغراب

وكل ذولي فطر فااكيد هناك طرية لزراعته

[عاشق البانيلي]

لتوقع بالطعميه

[ذيب هزان]

وعليكم السلام ماشاء الله بالعافيه بس من وين ملقطينه