افيدوني يا راعين البل

[المحيشرية]

السلام عليكم ورحمة الله وبركاته
عندي بكرا شعله بهذلتني في الشبك
من ماتت امها وهي ما تبي الشبك
بالرغم اني مكرمها واناديها باسمها وتجيني
المشكلة الشبوك قطعتها وعمدان الخشب كسرتهن لا يمكن تنام في الشبك 0 عليها طريقه تبرك عند الشبك ثم تزحف لين تطلع الحمدلله انها ما تبعد عند الوايت او تحته او تدخل على شبك الرودس وتنام فيه او تروح لشبك الخلفات وتبرك حول اخوها بالرغم ان الحوار مضييره على خلفه ميت حوارها
افيدوني يالربع اخليها على كيفها ولا وش السوات 0

[بازار شريف]

اخوي اذا كان الشبك اللي حاطها فيه صغير وسع عليها الله يوسع عليك وحط معها
اخرى لاتخليها بلحالها واذا ماتخرب اذا خرجت ماعليها المهم لاتتعود على الخروج من تحت الشبك
ماعاد تقدر تحوشها وبتخرب عليك طبع البل

[هليَل]

اولا ...استعمل شبوك( الدرف) .. لا تستعمل الشايك ابدا للحشوان.
ثانيا... خل شبك البكره قريب مرّه من شبوك الحشو او الابل وكبره شوي.
ثالثا... مافيه بأس تطقها بقياد في يديدها إن لزم الامر.
واخيرا .... بارك الله لك فيها وفي الابل

[راعي الوضح.]

يمكن تكسره على شان تجي عند امهاتها

لاتبعدها عن امهاتها ولا حطها عندهن

[المحيشرية]

مشكورين على الردود والنصائح
البكره معها في شبكها بكرتين وثلاث من اللقحات ومابينها وبين باقي الابل المجاهيم غير الشبك الفاصل بينهم
والشبك كبير جدا
راح سنامها من هالشبوك
مالي الا سلسلة ومجول بجربها
الله يجزاكم خير

[محمد آلسبيعي]

اخوي العزيز

خلاص تعوض الله خرب طبعها وهو من الشبك

الشبك شايك ولها فراغ تطلع من تحته

لكن حدها صغيره حطها في درف مع الحشو

ويمكن تنسا هالطبع لكن ماضني

[طالب معرفة]

الدرف الدرف :good2:

[ابو شدون]

الله يعينك

[هليَل]

[quote=المحيشرية;4084219]


مالي الا سلسلة ومجول بجربها

الله يجزاكم خير



القصاب اهون ون حط بكيرة في سلسله ومجول ياراعي البل!!؟

[هليَل]

[quote=المحيشرية;4084219]


مالي الا سلسلة ومجول بجربها

الله يجزاكم خير



القصاب اهون من حط "بكيرة" في سلسله ومجول ياراعي البل!!؟ اقول ما خبرت!!

[المحيشرية]

اخوي هليل
الموضوع حاطه نبي المشوره منكم
ومسالة القصاب بعيد عن شواربه
لو اخليها تمرح وتسرح بكيفها
وكل شي يتغير

[هليَل]

اولا ...استعمل شبوك( الدرف) .. لا تستعمل الشايك ابدا للحشوان.
ثانيا... خل شبك البكره قريب مرّه من شبوك الحشو او الابل وكبره شوي.
ثالثا... مافيه بأس تطقها بقياد في يديدها إن لزم الامر.
واخيرا .... بارك الله لك فيها وفي الابل


هذا رأينا وتعليقنا اللي كتبناه من قبل على موضوعك بارك الله فيك
وما خبرت الله يحفظك إن البكار يحط لها سلسله ومجول

[المحيشرية]

الله يجزاك خير اخوي هليل

[صمت النار]

البكره متروح عن امهتها فكها

[اجودي]

السلام عليكم ورحمة الله وبركاته

حاول تحط من الجهه الى تخرج منها شنكو او ان كان قريبك شيول خله يسولك عقم (سد ترابي ارتفاع نص متر داير على الشبك

[راعي الغاليه]

انا من وجهه نظري ان ماكان حولك شوارع خلها تنام برا
خلها على كيفها اهم شي انك ماتكدر خاطرها