ياهــــــــــل الخيـــــــــــل

[قليط]

السلام عليكم ورحمه الله وبركاته

ياخون انا عندي فرس وشلون اعرف انه لقحه

انا من شريته لي 8 شهور وراعيه يقول توي ملقحه

وانا مادري وشلون اعرفه قلولي جب له فحل وجبت ورفضات

وبطنه اعتقد والله اعلم انه ما تغير وين اهل الخبره

[الشيخ قوقل]

خذ الفرس للجامعة
او جب له الدكتور
على شان يسوّيله عمليّة تنظيف
وبعدين لا تلقّحة لما تشيع
وفقك الله
وفالك الفلوة

[قليط]

خذ الفرس للجامعة

او جب له الدكتور
على شان يسوّيله عمليّة تنظيف
وبعدين لا تلقّحة لما تشيع
وفقك الله
وفالك الفلوة

تنظيف وين وليه

وشو معنا تشيع وضح الله يجزاك الخير

[خبوت الشمال]

تطلب الحصان

[محمد ابوبيادر]

اعرضها علا حصان وان رفضت انشاء الله انها باطح (لاقح)
او جيب لك بيطري يفحصها
او لاحظ ثديها نزل وتلاقي عليه ماده زي الصمغ من عند الحلمات
وان شاء الله انها باطح ( لاقح)
والتشييع اخوي اذا قرب من الفرس فحل ونزلت ماده من حياها من ورى يعني بتكون مو لاقحه وتبي الفحل يركبها

[ملاعب الطير]

اعرضها علا حصان وان رفضت انشاء الله انها باطح (لاقح)
او جيب لك بيطري يفحصها
او لاحظ ثديها نزل وتلاقي عليه ماده زي الصمغ من عند الحلمات
وان شاء الله انها باطح ( لاقح)
والتشييع اخوي اذا قرب من الفرس فحل ونزلت ماده من حياها من ورى يعني بتكون مو لاقحه وتبي الفحل يركبها



عداك العيب
كلام جميل

ياراعي الموضوع
خذ كلامه وماجاك عندي

اضيف شي بسيط
هل لاحظت تغير في طبوع الفرس وعاداتها
يعني كانت هاديه وبعدين تغيرت والعكس
او ثقلت حركتها
يعني تغير اي تغير
مثلأ كانت تخليك تقربلها ولحين تغيرت
تراه علامه على انها باطح طبعا" بعد كلام الذيب اللي فوق
وبأذن الله تكون باطح
وبالتوفيق

[معين الهوى]

فيه علاج يباع عند البيطري يوضح اذا كانت الفرس حامل او لا بـ(150) ريال اذكره يمكن تغير مادري . اذا كانت بالاشهر الاخيرة .

وسلامتكم .










الفرس / الحسامية .