يالربع عند مشكله بالكامري

[$سهام الليل$]

ياشباب ابي فزعتكم صارت لي مشكله بالكامري غراندي 2006 عند تعشيق السيارة ورفع رجلي عن الكلاتش اسمع صوت مثل صوت الصليب وديتها للمكانيكي قال عندك العكس الأيسر والأيمن كلها رايحه ورحت اسعر قيمة العكس الواحد 1350 وانا ماني من اهل التفحيط والسيارة جديدة توها ماشيه155000 ابي شورتكم وفزعتكم

[ابوريما99]

في الصناعية القديمه بالرياض
فيه مخارط تخرط لك العكس القديم وترجع له الحياة
بسعر رخيص مايوصل الـ 50 ريال
او تحصل عندهم عكوس مخروطه ومجدده للبيع
واسعارها حليوه

[رفيع المقآم]

الله يعينك طيب ما تقدر ترهم لها ولا تجيب من التشليح يمكن يكون ممتاز

[السد الغزير]

رح لورشة الوفاء في الصناعية قدام تشليح العضيب .

هناك هندي مضبوط في شغل العكوس .

أنا معي كامري . قال تبيني أصلحة ولا أغير لك واحد مستعمل ياباني جاي من اليابان . قلت غيره . كلفني الثنين يمين ويسار بـ600ريال

وله ألحين 4شهور ممتاز جدا - - وبعد ماتركبه دايم دايم شيك على جلبة العكس لاتهرب . وسلامتك

[السرحان502]

الله يعينك

[$سهام الليل$]

ياشباب ابي فزعتكم صارت لي مشكله بالكامري غراندي 2006 عند تعشيق السيارة ورفع رجلي عن الكلاتش اسمع صوت مثل صوت الصليب وديتها للمكانيكي قال عندك العكس الأيسر والأيمن كلها رايحه ورحت اسعر قيمة العكس الواحد 1350 وانا ماني من اهل التفحيط والسيارة جديدة توها ماشيه155000 ابي شورتكم وفزعتكم
الفزعه ياهل الكوامري

[كاشت...]

لقيت حل للمشكة ؟؟ والا
أنا كان عندي مشكله في العكس لكامري 2001 وطبعا العكس غاليبـ 1500 ريال
دورت لي من التشليح لقيت نظيف بـ 500 ريال
عموما فيه نوعية جديده ياباني و أرخص ..
اذا بغيتها اشوف المحل واعطيك اسمها . :)