نارية برنو تشيكية

[راعي القطا]

اخواني في مكشات

اشتريت نارية برنو وقال لي صاحبه أنها نظيفة وهو صادق لكن يوم جيت ارمي فيها ماتصيب
والله ماأدري وارجو منكم تفسرو لي ليش

[SKY CRUISER]

السلام عليكم

اوزنها واعرف وقعها وبتصيب إن شاءالله والبرنومافيهاكلام ماشاءالله

تحياتي لك،،

[ابو سفيان]

يخوي في نضريات لمعرفة ان البندقيه تصيب او ماتصيب ولازم يكون معاك خبير
انا حتى لو ما صابت اعرف ان السلاح ميه في الميه او لا
لازملك واحد يكون خبير فيها

[هاوي الترحال]

وضح اكثر شلون ماتصيب؟

[علي101]

ثبت هدف وارمه بثلاث طلقات = وأنت راكد وبدون حركة=
وتأكد من وقع الطلقات , فإن كن في مكان واحد ( ركز في مكان واحد )
في الهدف أو بجواره فبندقيتك سليمة . ووجب عليك وزن العيار

[ابن سكران]

ما يبيله شي وانا اخوك وزن عليها ورافع وانزل بالنيشان

[أبا الذيابه]

أخوي أش مديله لان فيه مديلات ما تصيب؟؟
عليك بالتسعين البرنوا والله ما مثله

بالنسبة للتجربة كانت عندي برنوا 99 أول ما جبتها تصيب الزقارة لكن بعد وقت أختلف رميها ووزنتها بنفسي وعرضتها للرجال تفهم بالبنادق لكن ما فيه أي فايده؟؟

وعقب ما شريت ال90 ولله الحمد زي رميها الأول وأحسن

الله يعطيك من خيرها ويكفيك شرها

[برق الشتاء]

اخوي اود تنبيهك ان هناك نوعية من فشق الساكتون النارية مضروبة نوعيتها رديئة يتقطع العبرود بعد خروجه من السبطانة ... وبعضها خفيف يخلف مساره الهواء .

جرب البندق بأكثر من نوع الفشق . ان وجدت السوبر او ابو ارنب او الليزر يكون افضل

موفق خير

[kASER-999]

ثبت هدف وارمه بثلاث طلقات = وأنت راكد وبدون حركة=
وتأكد من وقع الطلقات , فإن كن في مكان واحد ( ركز في مكان واحد )
في الهدف أو بجواره فبندقيتك سليمة . ووجب عليك وزن العيار
كلامك سليم 100%100 ولا يحتاج وهذي هي الطريقه الصحيحه اذا بتشتري سلاح جديد :good2::good2::good2::good2::good2::good2::good2:: good2::good2:
جبتهاااا يالذيب

[الجنوب]

البندق وانا خوك مو توجها على الهدف وترمي وتصيب الهدف على طول البدق يبيلها ركاده ومعرفة كيف تضع الحبة على النيشان حتى تتمكن من اصابة الهدف .




اما اذا كان الرمي يأتي يمين الهدف او يسار اعتقد انا المشكله من البندق .