صوت في دبل الباترول؟

[M7AL]

اسعد الله اوقاتكم بكل خير

عندي صوت في الدبل وتخميناتي تقول انه جنزير حبيت استفسر عن سعر الجنزير
؟

رغم اني حصلت دبل كامل في التشليح 2500 بدون تركيب ؟؟

لأهل الاختصاص وش الرأي لاهنتم ؟؟؟

[moooj]

صلحت القير او الدبل او غيرت كلتش او كراسي قير او مكينة او فكيت عصا القير قريب؟
وش طبيعة الصوت يعني طقة واحدة متقطعة او متواصلة ولا شلون؟
الزيت في القير والدبل متى آخر مرة شيكته؟
دخلت موية قريب او تمشي في موية؟
بالتوفيق

[M7AL]

ابد طال عمرك الموتر شد بلده ماغيرت شي

القير تماتيك

والصوت مزعج طررررررررررر متواصل مع تعشيق الدبل بسسسس

[moooj]

الصوت جاي من علبة الدبل او من يم الكفرات القدام؟
فحصت زيت الدبل والدفرنش القدام ؟
عموما الجنزير يا ينقص او ما يطلع صوت نهائيا
يعني يا تمام او ماله حس ولا فيه دبل
موفق

[ff-19]

ابد طال عمرك الموتر شد بلده ماغيرت شي

القير تماتيك

والصوت مزعج طررررررررررر متواصل مع تعشيق الدبل بسسسس




يعني انه جنزير سعر الجنزير 950 ريال اصلي شغل يد اختلاف من ورشة الى اخرى300 =1250 ريال

انتبه اثناء التركيب بعضهم ايقصر في الجنزير القديم اومايغيره بجديد او ياخذ الجديد:alarm: خلك عنده لين ايخلص ثم تأكد من التروس اللي راكب عليها الجنزير

[هوايتي مكشات]

لاتغير الدبل دامه شد بلد غير الجنزير وتوكل على الله

[T U R K I 0 9 0]

توني شاريه اليوم ب 1060 وشغل يد 600 موديل 91 قير عادي من الدمام وخوي شاريه من فس المحل ب 950 قبل فتره ان شالله افدتك

[_دربيل_999]

إخوي..
الدبل كامل فيه بــ1000 وأغلا شيء بـ2000 النظيف مرة طبعاَ مع الرجيع..
رح لتشليح الحاير..أو النظيم..وتحصله بالآسعار اللي قلت..

وإذا صلحت موترك إترك سحب السيارات ترى هو اللي يعدم الديل..

تحيتي لك..

الروقي

[M7AL]

الصوت جاي من علبة الدبل او من يم الكفرات القدام؟
فحصت زيت الدبل والدفرنش القدام ؟
عموما الجنزير يا ينقص او ما يطلع صوت نهائيا
يعني يا تمام او ماله حس ولا فيه دبل
موفق
الصوت من جهت الكفر الأيمن والزيوت تمام التمام

[M7AL]

اللي اعطاني السعر الله يجمل حالكم ماقصرتوا

[M7AL]

إخوي..
الدبل كامل فيه بــ1000 وأغلا شيء بـ2000 النظيف مرة طبعاَ مع الرجيع..
رح لتشليح الحاير..أو النظيم..وتحصله بالآسعار اللي قلت..

وإذا صلحت موترك إترك سحب السيارات ترى هو اللي يعدم الديل..

تحيتي لك..

الروقي

هلا بالروقي

شكل عندك عقدة من النتل وسحب السيارات هههههه أجل وشهو له شاري جيب؟

طيب تخيل اجي يوم واحصلك مغرز ومحتاج سحب واقول لك آسف انت نصحتني عن السحب وش بيكون وضعك هههههه امزح ترى

والله ياخوك ماسحبت احد الموتر توني شاريه ودبله بهالصوت قلت منكم نستفيد طال عمرك ؟؟

وتشاليح الحاير ويني وينها انا بالغربيه وماعندنا غير السلخ من هالصوماليين والسوادنه اقل مالقيت بـ2000 ريال بدون تركيب؟

[moooj]

الصوت من جهت الكفر الأيمن والزيوت تمام التمام


شيك راس العكس او الترس الي راكب براس العكس
اذا عندك عدة فكه عند البيت
والا وده لأقرب ورشة وقول له يفك ترس راس العكس وشيكه بنفسك اذا متآكل والا مكسور (الترس) وشيك راس العكس بعد ما ينشال الشحم والغالب ما يجيه شيء بس للتأكد وشيك بالمرة التسنين الي داخل الجرم الي يدخل فيه الترس بالتسنين الخارجي (الخشن)
بالتوفيق

[abrahim]

انا نفس مشكلك وغيرت الجنزير ب1200اصلي وبعد 3 شهور رجع الصوت
والى الحين ما صلحته ارجو الافاده اغيره كامل ولا؟

[رفيع المقآم]

الله يعينك وغير الجنزير

[المتزن]

نفس الصوت والمشكلة بسيارتي جيب باترول
والصوت جنزير الدبل يطلع الصوت اذا عشقت الدبل وحمل الموتر على الدبل سواء كنت بطعس او لفيت الكفر ومشيت عليه.
الحل اما انك تغير جنزير جديد وتكلفته تصل 1100قطع وشغل يد أو انك تمر الصناعيه القديمه بالرياض عند الورش اللي يصلحون ويبيعون القيرات والدبلات ويستبدلون الجنزير بمستخدم وعليه ضمان من 350 الى 450 وسلامتك

[M7AL]

كثروا اللي يعانون نفس معاني

بكره ان شاء الله افك الدبل واشوف المشكله وارد لكم

بس من جد قطع غيار نااااار الله يعين بس

[سوبر VTC]

اخوي
فيه كم شخص غيروا الجنزير و لاستفادوا
خرب بعد فترة
و بعضهم قصر الجنزير يعني خلاه اقصر
و بعد فترة خرب
افضل حل
تبي نصيحتي
ركب دبل ياباني :good: كامل من التشليح
نظيفات بالحيل
عندنا بتشاليح بريدة يركبونه مع الرجيع من 800 الى 1200
انصحك تغيره كامل
ميزة الياباني انه شد المصنع من الوكالة مافك ابد
و هن توفيق بعد الله

موفق

[فايق ورايق]

هلا بالروقي

شكل عندك عقدة من النتل وسحب السيارات هههههه أجل وشهو له شاري جيب؟

طيب تخيل اجي يوم واحصلك مغرز ومحتاج سحب واقول لك آسف انت نصحتني عن السحب وش بيكون وضعك هههههه امزح ترى

والله ياخوك ماسحبت احد الموتر توني شاريه ودبله بهالصوت قلت منكم نستفيد طال عمرك ؟؟

وتشاليح الحاير ويني وينها انا بالغربيه وماعندنا غير السلخ من هالصوماليين والسوادنه اقل مالقيت بـ2000 ريال بدون تركيب؟

تذكرت موقف يروية احد الاصدقاء

يقول : كنت مغرز بالثمامة ويجيني راعي جيب ويعطني اقتراحات احفر من جهة الكفر ونسم ذاك الكفر المهم الرجال ماقصر انواع الاقتراحات صديقنا ماشي معة ومتفاعل ويطبق كلامة المهم قالة خوينا اسحبني رد علية وقالة بالحرف الواحد اخرب دبلي ومشى وخلاهم :p

والله لو انا بمكان الرجال واحتاجني احد موب اخرب دبلي الا اخرب السيارة

[M7AL]

اخوي
فيه كم شخص غيروا الجنزير و لاستفادوا
خرب بعد فترة
و بعضهم قصر الجنزير يعني خلاه اقصر
و بعد فترة خرب
افضل حل
تبي نصيحتي
ركب دبل ياباني :good: كامل من التشليح
نظيفات بالحيل
عندنا بتشاليح بريدة يركبونه مع الرجيع من 800 الى 1200
انصحك تغيره كامل
ميزة الياباني انه شد المصنع من الوكالة مافك ابد
و هن توفيق بعد الله


موفق





اخوي سوبر كلامك واقعي وهذ اللي بسويه بس اخوي الدبل لقيته فوق الـ2000 غالي شوي من دون تركيب

[M7AL]

تذكرت موقف يروية احد الاصدقاء

يقول : كنت مغرز بالثمامة ويجيني راعي جيب ويعطني اقتراحات احفر من جهة الكفر ونسم ذاك الكفر المهم الرجال ماقصر انواع الاقتراحات صديقنا ماشي معة ومتفاعل ويطبق كلامة المهم قالة خوينا اسحبني رد علية وقالة بالحرف الواحد اخرب دبلي ومشى وخلاهم :p

والله لو انا بمكان الرجال واحتاجني احد موب اخرب دبلي الا اخرب السيارة
فايق ورايق

نورة الموضوع اخوي وفعلا هذا وقت الدبل ولا ليش متعني وشاري جيب
؟؟

[سوبر VTC]

اخوي سوبر كلامك واقعي وهذ اللي بسويه بس اخوي الدبل لقيته فوق الـ2000 غالي شوي من دون تركيب

اعانك الله اخوي
لكن عندنا سعره من 800 الى 1200 تقريبا
بحكم كثرة المكاين و الدبلات الاستخدام الياباني
ان بغيت ارقام لهم تستفسر علمن

[البرنس04]

مساء الخير
انا عندي مشكلة في الباترول صوت تحت القير اذا دوست على الكلتش راح الصوت وإذا رفعت رجلي من الكلتش رجع الصوت وإذا دبلت الجيب دبل الربع في الطعس يزيد الصوت إذا كانت السيارة تمشي بسرعة 20كم كشفت على عدة ميكانيكيين واحد يقول فحمه وكلتش واحد يقول التروس كل واحد له رأي وكل واحد يفتيك على كيفه افيدوني جزاك الله خير
علما بأن مديل الجيب 97سوبر سفاري

[محسن اليامي]

بما إنك توك شاريه يمكن فيه فرارات ( لوكات ) ويكون واحد فري واحد لوك

[ممدوح 2010]

مساء الخير
انا عندي مشكلة في الباترول صوت تحت القير اذا دوست على الكلتش راح الصوت وإذا رفعت رجلي من الكلتش رجع الصوت وإذا دبلت الجيب دبل الربع في الطعس يزيد الصوت إذا كانت السيارة تمشي بسرعة 20كم كشفت على عدة ميكانيكيين واحد يقول فحمه وكلتش واحد يقول التروس كل واحد له رأي وكل واحد يفتيك على كيفه افيدوني جزاك الله خير

اتوقع ان الفحمة والجنزير يبغن تغيير

[M7AL]

طقينا له دبل تشليح بقيمه 2000 ريال وطلع زي الحلاوه

المشكله طلعت من الجنزير منفرط

شاكر لكم جميعا اخواني