المساعد الشخصي الرقمي

مشاهدة النسخة كاملة : .. دلوني نفسي اكل سمك صح وين احصل بالرياض ..


ابوسليم
08/03/2010, 02:50 PM
اخواني .... حياكم الله ... الموضوع باختصار ..وين احصل في مدينة الرياض محل اسماك يخليك تدفع افلوسك ونت مبسوط وما تحسف بعد ماتاكل منه ... بحثت يمين ويسار ما حولك احد غاليين على لاشي .
وجزاكم الله خير ,,,
ابورايف
08/03/2010, 02:59 PM
ندك اسماك النافورة
عبادي 2009
08/03/2010, 02:59 PM
جربت عمو حمزة ؟؟
ابو زهرةM
08/03/2010, 03:05 PM
مطعم البحار بشارع جرير :good2:
ياعين ابوي
08/03/2010, 03:06 PM
حياك الله أخوي ..

عندك مطعم ( دارين ) .. في طريق الملك عبدالله

أفضل الجميع .. صح غالي شوي بس يستاهل من يدفع فيه ..
سعود الحربي
08/03/2010, 03:36 PM
عز الله ولاش اعز من الله انك مانت محصل في الرياض سمك صح كل اللي بالرياض مااااااش


تبي السمك صح ليا رحت لجده عليك بطريق المدينه عند اسماك المرجان واطلب ناجل

او في حي السلااامه هناك محل والله نسيت اسمه شي فوق الخيال وان رحت لجده قريب دز لي رساله واسال لك عن اسمه
اما الرياض ياربي لك الحمد
دوسريه كول
08/03/2010, 04:33 PM
تبي محل تشري منه اسماك وتطبخها بنفسك ولا مطعم تاكل فيه ؟؟؟؟؟
من البدائع
08/03/2010, 05:09 PM
اسماك الزهراني بالرياض افضل الموجود

نهاية شارع العروبه مع تقاطعه مع شارع العليا

وكذلك الشركه السعوديه للاسماك لها عدة فروع وبعض فروعهم عندهم خدمة الطبخ بطريقه التي تريدها
الحربي 2010
08/03/2010, 05:34 PM
هنا اسم سمك فقط00000 لكن انا جربت اسماك الصياد ممتازه نوعا ما. محلها مخرج 11 شرق قبل طريق خالد بن الوليد على اليمين وكذلك كما سبقنا به الاخوان اسماك النافوره
عجاج السناف
08/03/2010, 05:42 PM
تبي سمك تشتريه وانت تسويه
بالمربع سوق السمك
هذا ما راح تصدق كنك بجده او بالدمام
وجنب السوق ناس يسوون لك السمك اذا حبيت
شوي وقلي

تبي الوصف
كلم 905 واطلب اسماك الزهراني بالمربع
وراح يوصف لك
ابوسليم
08/03/2010, 09:51 PM
اخواني ... ترى الموضوع وجهات نظر يعني لاتزعلون علينا وانا صراحة احب اروح الى ينبع عشان مطعم الغريافي عندهم سمك خاصة ناجل ودك تبتل تاكل عندهم بس غالين لاكن يستاهل .

ابورواف ...النافورة غالين بزيادة واكلهم جيد ....تحياتي لك
عبادي 2009.... النافورة عايدي ...واسعارهم مرتفعه ...لاهنت
ابو زهرة ... ان ساكن شمال الرياض وتعرف ودك بمطعمن حولك ....مع الشكر الجزيل
ياعين ابوي ...ان شاءالله بنسير عليه ...مع تحياتي لك
سعود الحربي ... يحقلكم يااهل جدة محترفين الأسماك عندكم الله يخلف علينا ..تحياتي
دوسريه كول ... ياليت نقدر نضبطه في البيت مثل المطاعم كان ماسألت عن مطعم مشهور ...تحياتي لك
من البدايع ...الزهراني ماجربته ... الشركة السعوديه في فرع حولنا نمره ان شاءالله ... مع الشكر الجزيل
الحربي 2010 ...اكثرت اسماء المطاعم لاكن وين الي عليه العلم ... تحياتي الطيبة لك
عجاج السناف ...وانا اخوك المربع ابعيد علينا على مانطلب وناصل البيت الا برد ... اقول جعلك سالم غانم ,,
عبادي 2009
08/03/2010, 09:56 PM
عبادي 2009.... النافورة عايدي ...واسعارهم مرتفعه ...لاهنت


أنا قلت عمو حمزة :D
القناص مكحول
16/03/2010, 11:22 PM
مدامك في الرياض مالك الى عمو حمزه
«نجم الخير»
16/03/2010, 11:29 PM
اسمك الرياض كلها من المشاريع
لاتكب البيالة
17/03/2010, 06:10 AM
السلام عليكم
عندك محل ااسماك الروضة على شارع عنيزه ورى سوق الخظرة بالربوة ممتاز وسعره معقول
محمدالرياض
17/03/2010, 06:29 AM
مالك الا عمو حمزه
farwana
20/02/2011, 08:10 PM
نفسك توكل سمك صح في الرياض

عليك بمطعم الاسماك الطازجة في العليا 4614619 جوال 0590212800

عنده سنجاري بثمار البحر

وطاجن هامور

وشوربة سي فوود

وجميع الاسماك طازجة مقليه ومشوية
ابن الاصيل
22/02/2011, 10:39 PM
يخوي السمك اذا ماتسويه بالبيت مايصلح
بن حاضر
24/02/2011, 01:42 PM
انقز لعمو حمزه ..
واطلب صحن عمو حمزه يجي نفرين مع صحن مقبلات وصحنين رز مع مشروب
بـ 100 رريال طبعا يجي منه نفر .. وانا اطلبة مشوي يعني ما قد جربت المقلي عندهم مدري عن طعم المقلي بصراحه .....
بس لا يفوتك المشوي ..
بحر الموده
24/02/2011, 01:51 PM
هنا اسم سمك فقط00000 لكن انا جربت اسماك الصياد ممتازه نوعا ما. محلها مخرج 11 شرق قبل طريق خالد بن الوليد على اليمين وكذلك كما سبقنا به الاخوان اسماك النافوره
الصياد اسواء محل سمك في الرياض انا تعشيت فيه مره النظافه زفت والسمك جابوه لم يستوي
مركز الثقل
24/02/2011, 02:05 PM
حياك الله أخوي ..



عندك مطعم ( دارين ) .. في طريق الملك عبدالله



أفضل الجميع .. صح غالي شوي بس يستاهل من يدفع فيه ..

انا اؤمن بذوقها اسمع الكلام

واذا انت بجدة البحار بحي السلامة اتركك من وصاخة حقين الرحيلي اللي علي طريق المدينة:good:
farwana
26/02/2011, 04:46 PM
اخواني .... حياكم الله ... الموضوع باختصار ..وين احصل في مدينة الرياض محل اسماك يخليك تدفع افلوسك ونت مبسوط وما تحسف بعد ماتاكل منه ... بحثت يمين ويسار ما حولك احد غاليين على لاشي .


وجزاكم الله خير ,,,

عليك وعلى مطعم بشارع الامير سلطان بن سلمان تقاطع شارع العليا تلفونه 4614619 عنده ما لذ وطاب من الاسماك وخاصة طبخ السنجاري والطواجن وشوربة السي فود.
بس مشكلته ما في جلسات كله طلبات خارجية
ابوعبدالله البدراني
28/02/2011, 04:06 PM
مطاعم دارين
ابو عبدالرحمن 76
20/03/2011, 01:17 PM
بالنسبة لي انا ما يطربني الا المطعم الصيني في الرياض اذا بغيت سمك مقلي و طعم هبال
مطعم الخليج الصيني بطريق الملك فهد الله يرحمة او مطعم ميراج عند محلات الاتصالات عند اليورومارشية
اطلب سمكة كاملة دييييبب فرايد Deep fried بدون توابل او اي شي
طبعا السمك هامور لكن تاكل صوابعك وراة

الناجل مافي مثلة لكن لا تاكلة الا في جدة اي ناجل في الراض يكون من جيزان او الدمام و لا فية اي طعم و غالي حيل
ذهب صافي
20/03/2011, 01:35 PM
اللهم لك الحمد والفضل والثناء الحسن

ياربي ارزقنا شكر النعمة أمن وأمان وأكل مما لذا وطاب

يا أحبه صدقوني سنسأل عن هذه النعمة اللهم ارزقنا شكرها
SMKTNA.com
07/09/2011, 05:10 AM
ربنا يسهل وابشروا
SMKTNA .COM

للامانة ادلك - طريق الملك فهد قبل بيت الرياض الجريسي تدخل يمين اتجاه الشرق وتتجاوز تقاطع شارع العليا على يسارك المطاعم البحرية - اختر ما تشاء من الاسماك شوي كتاب ويوجد نوعين من الرز جيده

اذا افتتح SMKTNA ابشروا بما يسركم ان شاء الله
طحنون
07/09/2011, 06:44 AM
عمو حمزه سيئ جدا جدا سمكه ماله طعم ابد حتى ملحه ناقص والربيان اللي عنده مثلج
والسمك اطبخه انت مافيه اسهل منه واذا انت ماتعرف تطبخ او عجاز عندك القصديره حط عباس على دباس مع التبهيره الزينه
وعلى جنب رز ابيض مع سلطه حاره او طحينه حسب المزاج
والطريقه الثانيه سهله جدا
جيب سمك كنعد حسب الكميه
نفرض مثلا قطعه واحده وزنها كيلو
جيب القدر وقطع البصل شرايح مع الطماط والثوم مع ملعقتين سمن او ربع كوب زيت اوثلاث معالق زيت
مع البهارات اللي تحبها او بهارات البرياني تنباع علبه بريالين او ثلاثه ريال نسيتها
وحط الخلطه على السمك وقصر على النار مع الملح طبعا واسلق الرز نص سلقه بعدين اشخله (يعني ابعد عنه الماء)
اذا نضج السمك او يبيله شوي كب الرزعلى الخليط مع السمك
او قبل ماتكب الرز رش الخليط بالكركم او رشه زعفران علشان يتلون الرز وتحس انك طباخ فنان
بعدين اكتمه وقصرعلى النار
راح تدعيلي
والطبخه الثانيه صينه الفرن معروفه تسويها حسب المزاج بالمقاديروالبهارات اللي تحبها

السمك مافيه احسن منه لامن سويته بنفسك
واجعل يوم او يومين في الاسبوع وجبه وتكون غداء حتى لو كنت عزوبي تفنن فيه وعندك النت تلاقي طرق كثيره
وابعد عن المطاعم لان زيوتها فاشله في القلي والنظافه سيئه

واذا مريت الدمام سيرعلينا نسويلك سمك على الطريقه الطحنونيه
شاهي العلمين
07/09/2011, 06:51 AM
ياخوي واضح انك تحب السمك ومتعود عليه طازج صيد اليوم
وعندنا الله يسلمك كله من الفائض حق جده ولا يجي الظاهر الا بعد يومين ماعاد ينفع فيه لا قلي ولا شوي
والمطاعم اللي ذكروها الاخوان من عمو حمزه والنافوره والمطاعم البحريه وخلافه نصيحة اخ لك لاتروح ولا تعب نفسك جميعها سئيه سمك لا طعم له ولا رائحه
وكلام اخوي عجاج السناف سمعت عنه كثيير بس والله مارحت اشوفه والظاهر اني بجربه هاليومين وادور عليه ويارب يكون طازج طازج !!

هذه نصيحتي لك وبالعافيه والهناء
عبدالرحمن11
16/09/2011, 11:33 PM
مشكورين على المعلومات
حبيب الملايين
02/04/2014, 06:10 AM
الذ رز صيادية
والذ حبار و ربيان مشوي ومقلي حتاكله

ولا تنسى السمك المشوي والسنجاري


مطاعم اسماك ندى
الربوه الرياض
شارع الامير متعب تلفون 0114459019

قول لهم من طرف ابوابراهيم وازهل الباقي ان شاء الله

الله يجملنا معكم
Raselny
02/04/2014, 06:20 AM
أنا مجرب تقريبا أغلب مطاعم الاسماك بالرياض الغالي والرخيص وبصراحة ماجازلي ولا واحد ماعدا مطاعم بحرية
اكلت بفرع الروضة وكان ممتاز وسعر جيد مقارنة بالباقين
اما اسوء تجربة مرت علي هي اسماك النافورة بصراحة

ولولا اختلاف الاذواق لبارت السلع
ابن العرض
10/04/2014, 10:05 AM
المشكله قبل فترة طلع خبر يقول 60بالميه من اسماك الرياض غير صالحه للاستهلاك الادمى .احترناء
ابوسليم
10/04/2014, 02:46 PM
اظاهر والي واضح من المناقشات الي صارت انه اذا انت منت ساكن على المدن الساحلية ولا قريب منها
ياانك ماتاكل سمك ولا كل ولا ادقق وكثر البهارات ..... والله يحفظنا واياكم ..
رنجروفر
27/06/2014, 08:20 PM
سوق السمك الي بالشمال

جنب سوق الخضار واسواق القصيم

ممتازه

لكن انتبه اغلبهم يغشون في اسم او نوع السمك

يعني مثلاً يقولك ناجل وهو مش ناجل