سؤال فني لأهل الخبرة العالية بالمواتر

[الداهي]

السلام عليكم
مساكم الله بالخير جميع
يالربع شنو حل ريح الدخان والبانزين داخل الغماره
مشكلة لي فترة أعاني منها موتري نيسان
وخاصة اذا كان الزجاج مفتوح وكبست للموتر
بعض المرات أخرج راسي من الغمارة بشم هواء نظيف
لدرجة أن ريح ثيابي كلها كربون
يرجى الافادة جزاكم الله خير

[سسته]

ريحه الدخان انت تقصد التتن ....

والبنزيم / شف غطاء الانكي خربان ينسم .. غيرة بواحد اصلي ,,, راح تمام ماراح غير البواجي اذا كانت قديمة .

[moooj]

تأكد ان مافيه تهريب بانزين من الكربريتر
تأكد من توصيلات الشكمان ما فيها تنسيم
نظف الكربريتر (مع طقم اصلاح)
وتأكد ان غطاء التانكي اصلي
تأكد ما فيه تهريب بانزين من التانكي او التمديدات من التانكي الى المكينة
اذا احتاج بواجي باسلاكهن
موفق

[رفيع المقآم]

غير ربلات فيه ربلاتمدري وين موقعهن بالظبط بس راح يفيدونك الشباب

[بدوي جنوبي]

اخوى الداهى انا ما ابى احطمك

كان عندى لكزس والله عجزت القى حل لريحة الكربون داخل السياره
فحصت الكنداسة والقزوز وربلات الشنطة
وفكيت المراتب الخلفيه ،، اتأكد اذا فيه فتحات فى نفس البدى ما لقيت شيئ
فحصت دبات التلوث مافى فايده ،،،

واللى يقهر اذا قفلت القزاز (الدريشه - الطاقه -النافذه ) :) ما يظهر الدخان

لكن اذا فتحت الطاقه ريحة الكربون تطلع على طول
على طوووول عيونى تحمّر وريحة ملابسى كلها كربون

فى الاخير بعتها وارتحت منها
انتبه من الكربون تراه خطيرررر ،،، ويسبب تسمم فى الدم



بالتوفيق

[moooj]

اخوى الداهى انا ما ابى احطمك

كان عندى لكزس والله عجزت القى حل لريحة الكربون داخل السياره
فحصت الكنداسة والقزوز وربلات الشنطة
وفكيت المراتب الخلفيه ،، اتأكد اذا فيه فتحات فى نفس البدى ما لقيت شيئ
فحصت دبات التلوث مافى فايده ،،،

واللى يقهر اذا قفلت القزاز (الدريشه - الطاقه -النافذه ) :) ما يظهر الدخان

لكن اذا فتحت الطاقه ريحة الكربون تطلع على طول
على طوووول عيونى تحمّر وريحة ملابسى كلها كربون

فى الاخير بعتها وارتحت منها
انتبه من الكربون تراه خطيرررر ،،، ويسبب تسمم فى الدم



بالتوفيق


طيب وانا اخوك من وييييين مصدر الدخان؟؟
وهل كانت كذا من الوكاااالة ؟

[الداهي]

طيب وانا اخوك من وييييين مصدر الدخان؟؟
وهل كانت كذا من الوكاااالة ؟

الموتر شاريه مستعمل
ومصدر الدخان غير معلوم
لو أدري وين مكانه كان سويته

[وليد 5]

اخوي تاكد من الهوايه حقت المكيف لتكون الدخل الهوا الخارجي تكون متقفل مزبوط اذكانت مافيه شي مالك الي تحط عزال دخل الغماره تحت الفارشه

[صيادالجبيل]

عليكم السلام ورحمة الله وبركاتة
شيك على الكربريتروالتوصيلات القريبة منة اكيدبتلقاءتهريب في البنزين على حديدحاريطلع دخان خفيف كأنة كربون ولابدمن الفحص بهدؤوتمعن لأن البنزين يجف بسرعة ممكن مايكون واضح وأذاماحصلت تهريب شف التوصيلات الخاصة بالبنزين وخل واحد يدعس بنزين وتتبع التوصيلات من الكربريتر الى التانكي ممكن التهريب مايطلع الاأذاضغط البنزين على التوصيلات من الداخل وشيك على الكنداسة من البداية الى اخرها ممكن فيها تسيم

[واثق الخطوه-]

اخوي الداهي
انا سمعت ان تركيب الهدرز يسبب كذا عاد ما ادري هل الكلام صحيح ولا لا

[عصام 861]

اخوى العزيز افصل هوز الدفاية الهواء الحار فى بلاك الميكانيكى يعرف وجرب

[النوبل]

السلام عليكم ورحمة الله وبركاته



أخواني الأعزاء



فيه ربل بين القير والبدي تسبب الروائح هذي


مكانها : بعد ماتفك ديكور القير والتلبيسه الي على القير بيكون فيه ربله بين عصى القير وبدي


السياره وأخرى بين عصا القير وجرم القير


احيان تتلف بشقوق او تكون يابسه وتدخل روائح زيت وكربون الى داخل السياره مع فتح الزجاج


حصلت معي منذ سنتين في GXR والحمد لله بدلتها وارتحت


ياكثر الفنيين الي يتفلسفون وهم ماعندهم سالفه ( أقصد اصحاب الورش الي مريت عليهم )


واجد منهم قال لي وجيه المكينه تبخر زيت !!!!




تجربه مريت بها وعسى يكون حل مشكلة اخينا من هذه التجربه

[_دربيل_999]

اخوي..
افحص الربلات الخلفية حقت الابواب..
هي اللي دايم تسبب دخول ريحة الشكمان لانها عند منطقة التفريغ للغاز..

تحيتي لك..

الروقي

[سوبر VTC]

اخوي في غالب السيارات
علبة سوداء مدورة بداخله مثل التربه لونه اسود
وظيفته امتصاص الكربون
هو حلقة وصل بين المكينة و القير
تاكد من الليات حقاته لا تكون منفصله او مقطوع
تحصل العلبة عند المكينة باحد الرفارف
او عند التانكي