تصاريح الأسلحة والصيد من الألف إلى الياء

[YUKON_GMC]

الله يعينك - طيب والتصريح الجديد ياشباب مسموح والا ممنوع ..؟؟

[السالمي حاتم]

خلك في النظام وامشي نظامي اذا ماتبغى السلاح يروح عليك

[smk115]

طيب الحين اللي معة 5 اسلحة وش يسوي

[غربي هواوي]

سالفة انه ما تصرح غير سلاحين سمعت فيها في أكثر من منتدى

والحل وانا اخوك خذلك شوزن بدون تصريح والله يعينك

[عمر العصيمي]

سمك 115

لا تصرح الا لسلاحين فقط نق أحسنهم من البنادق أقتناء وفرد حمل

[عاشق ورق]

ياحبيبي لايضيق صدرك
لا تصرح ولاشي الاقتناء وش فايدته
بدون تصريح وقض شغلك ولا مسكوك يحلها ربك
لي يبي ينظم لا يعقد الناس
تحياتي

[الشمالي 8008]

الله يعين بس

الى وش سالفه الكشف الطبي انا مقدم على زواج ولا وظيفه

خرابيط ناس تعقد النظام

[البواردي.]

بسم الله الرحمن الرحيم

اخواني اقدم لكم

( تعليمات الترخيص لحمل البنادق الهوائية )

وهـــي كالاتي :

1- يمنع حمل البندقية داخل المدن و المناطق العسكرية و التجمعات السكنية .

2- لايجوز إعاره السلاح أو تسليمة للغير أو إهداءه .

3- المرخص له مسؤولية كاملة عن أي ضرر ينتج عنها .

4- لايجوز إستخدام هـــذه البندقيه إلا فــي صيد الطيور المهاجرة فــي الفترات المعلن عنها .
5- مــدة الرخصة عشر سنوات اعتباراً مــن تاريخها .


ودمتم بالف خير وصحه وسلامه

تقبلوا تقديري واحترامي :
البواردي.

:good2:

[صياد الجبل]

مشكور والله يعطيك الف عافيه

[هكر مسوي جكر]

من موقع مستعمل هو عطاني
ونسيت حتى النك نيم تبعو وسوري ع الرد المتئخر النت كان مفصول عندي
احترامي لكم

[أبو لافي00]

طيب اخوي تعرف اسم الموضوع ؟؟

[bnsniper]

اخوي البواردي سمعت انها الترخيص ايضا يشمل 18 فمآ فوق .. فهل هذا الخبر صحيح ؟؟!!


وشكرا لك على المعلومات ياذيبان

[المنذراوي]

انا عندي ولله الحمد خمس قطع اقتناء ومصرحه كلها .غير الحمل المسدس......قبل ثلاث سنوات صرحتهن.

[comابوسليمانwww]

اشكرك اخوي ضب وقميريه و فارس بلا خيل و عمر العصيمي و هوايتي مكشات وفرخ الشمال و غربي هواوي وعاشق ورق و الشمالي 8008 و المنذراوي

على المرور ..

[comابوسليمانwww]

خلك في النظام وامشي نظامي اذا ماتبغى السلاح يروح عليك

اخوي انا ابي النظام ...... لكن هم الي مايبونك تصير نظامي

[comابوسليمانwww]

الله يعينك - طيب والتصريح الجديد ياشباب مسموح والا ممنوع ..؟؟

لا التصريح الجديد ممنوع ..... الآن مسموح التنازل فقط

[comابوسليمانwww]

الي يبي ينظم لا يعقد الناس
تحياتي


صح لسانك .............هذا والله الكلام

[سحاب2]

100 ريال غرامه عن كل سنه والله حرام

[نقا جهام]

اخواني في المنتدا من عنده معلومه عن تجديد رخصة السلاح ولاورق المطلوبه ارجو الافاده

[سعوَد آلبقميّ]

اعتقد فية بس بدس عموما ما يقصرون معاك الشباب

[ابوسيف الغامدي]

اخواني في المنتدا من عنده معلومه عن تجديد رخصة السلاح ولاورق المطلوبه ارجو الافاده


ابد يالغالي نموذج من إدارة السلاح تقوم بتعبئته مع صور شخصيه مقاس 4/6
مع صورتين للبطاقه الشخصيه وملف علاقي وإحضار السلاح
وسلامتك
ابوسيف الغامدي

[مطنوخ عبس]

اخوي قبل ايام نقلت بندق شوزن طبعاً من شرطة النسيم والمطلوب للنقل اوالتجديد
اول ما تجيهم راح يعطيك العسكري ورقة كشف طبي ومسجل عليها المطلوب وهو
ثلاث صور شخصيه خلفيه بيضاء 4-6
صورة التصريح اللي معك
صورة بطاقة الاحوال
ملف علاقي اخضر
طبعاً الكشف من اي مستوصف يعني 50ريال وانت ماشي
وتقبل تحياتي

[قيس التميمي]

بالنسبة للسلاح الجديد متى يبدأ فتح التصاريح فيه ياليت الي عنده معلومة يفيدنا

[ثويني]

الله يجزاك خير على الإيضاح

[وجه النهار]

بارك الله فيك اخوي
كفيت ووفيت شرح وافي
من رجل سنافي !!

[adahsh]

ياشباب هل لديكم علم متى تفتح التصاريح

[أبو رامه]

السلام عليكم ورحمة الله وبركاته
متى تفتح التصاريح ياليت الي عنده خبر يفيدنا

[9 ملم]

للان مافتحت ولا احد يقدر يقول لك متى بالضبط ولكن اول ماتفتح بيشيع الخبر

انا لي فتره كل ماسالت قالو لي للان مافتحت التصاريح لكن يجيب الله اللي فيه الخير

والاخوان اذا عندهم معلومات ماراح يقصرون

[الاسد النائم]

يسعد صباحك اخوي

انا ماني من سكان الرياض

لكن فيه صديق لي ومسئول دق علي امس وقالي خلال يومين تكون

اوراقك عندي قلتله وش الجديد قالي بعد اسبوعين بتفتح التصاريح

وانا ماشي بكره انشاء الله للرياض

هذي اخر الاخبار عن التصاريح

[comابوسليمانwww]

والله ياخوي ماظنيت انه بيفتح ..خصوصا بها الوقت

[ساحل غربي 25]

والله ماعندي خبر

اخي الاسد النائم :

ان شاء الله .... هكذا تكتب وليس مثل ماتكتب
انشاء الله


لا اتتبع الاخطاء ولكن من باب النصيحه ...

[اابوكايد]

الله يجزاك خير على المعلومة

[الاسد النائم]

والله ياخوي ماظنيت انه بيفتح ..خصوصا بها الوقت

يا الحبيب تفائل با الخير انشاء الله ان الخبر صحيح

[صقار محترف]

وانا مثلك انتظر برخص مسدس

لكن مع الاوضاع هذي اليومين لا اتوقع انه بيفتح قريب . يمكن بعد اشهر او سنه والله اعلم
لكن اول مايفتح بتسمع الخبر على طول
بالتوفيق للجميع

[ااالفهد]

بيض الله وجهك يا برق الشتاء على هذا الطرح الجميل :
س) عندي بارود مرخصة بإسم الوالد رحمه الله وهيى مطوف ترخيصها وأريد أن أجددها كيف الإجراء ؟

[OSAMA1167]

جزاك الله خير

[ولد دوارد]

بسم الله الرحمن الرحيم
اخواني الاعزاء عندي شوزن وابي اصرحهه متا يفتحونه

ووش شروطه
من ناحييه العمر
وغيرها

ومكاني الدوادمي وين اصرحهها في مركز الشرطه ؟:)

[صقار محترف]

بفيدك بالشي اللي اعرفه .. والله اعلم

أولا بالنسبه لموعد الفسح .. للان لايوجد اي اخبار والله اعلم ان السالفه مطوله خصوصا ان الاحوال هاليومين فيهآ شوشره ..

اما من ناحية الشروط .. اللي اعرفه ان يكون العمر تقريبا فوق 23 او 24 سنه
وماعندك سوابق .. وياخذون بصمات ويتاكدون انك مادخلت السجن وماعليك اي قضية او مشاكل . ويمكن شهادة تعريف من العمل او من العمده .

لا مركز الشرطه ماله اي دخل بالتصاريح
هذي تصدر طال عمرك عن طريق شعبة الاسلحة والمتفجرات عن طريق الأماااااااااره .. تروح هناك بسلاحك ويشوفون السلاح وياخذون الارقام اللي عليه والصناعه ووكل شي.

بعض الممعلومات اللي فوق انا متاكد منها والبعض منها مجرد توقع او تخمين .. بالتوفيق أخي

[منصور]

السلام عليكم ورحمة الله وبركاته
الاخوة الكرام
اليوم مريت اجدد تصريح السلاح وجد مواضيع على الطلبات حبيت اطلعكم عليها
1-صورة بطاقة الاحوال
-2-عدد2 صورة لتصاريح السلاح وحده لك يصدقون عليها وحده لهم.
3-يعطونك خطاب كشف طبي لعمله في اي مستوصف حكومي او خاص.
4-عدد صور شمسيه من 4 الى عدد التصاريح
5-المهم حضور صاحب التصريح مع السلاح المراد تجديده.
6- اهم شئ دفع غرامه عن التأخيرعن تجديد التصريح ولا ادري كم قالوا يبون
يرسلونه رساله على الجوال.

** لا يطلب منك اي تعريف لا عمده ولا غيره
هذا النموذج اكمل النموذج ورح علشان تخلص بسرعه اضغط على اللي تحت
:type: (http://www.moi.gov.sa/wps/wcm/connect/fe6809004fe55fd78e068edb3fe24c79/%D9%86%D9%85%D9%88%D8%B0%D8%AC_%D8%A7%D8%B3%D8%AA% D9%85%D8%A7%D8%B1%D8%A9_%D8%B1%D8%AE%D8%B5%D8%A9_% D8%B3%D9%84%D8%A7%D8%AD_%D9%86%D8%A7%D8%B1%D9%8A.p df?MOD=AJPERES&CACHEID=fe6809004fe55fd78e068edb3fe24c79) :row: (http://www.moi.gov.sa/wps/wcm/connect/fe6809004fe55fd78e068edb3fe24c79/%D9%86%D9%85%D9%88%D8%B0%D8%AC_%D8%A7%D8%B3%D8%AA% D9%85%D8%A7%D8%B1%D8%A9_%D8%B1%D8%AE%D8%B5%D8%A9_% D8%B3%D9%84%D8%A7%D8%AD_%D9%86%D8%A7%D8%B1%D9%8A.p df?MOD=AJPERES&CACHEID=fe6809004fe55fd78e068edb3fe24c79)
عن موقعهم في جده انتقلوا الى شارع فلسطين متجه الى الغرب (البحر) بعد شارع المكرونه خلف الطازج من شمال.

هذا العلم وسلامتكم

[مريقب العيفار]

الله يجزاك خير

نبهتني اشيك على تصريحي لا يكون مطوف

[sahhr]

الله يعطيك العافية تــــــذكـــــيررر مهـــــــــــــــــــــــــــــــــــــــــــــم الف شكر

[جفنان ينبع]

يعطيك الف عافيه اخوي على المعلومات

[bader_max]

طيب مافتح التصريح كاني سمعت انهم فتحو طبعا مشكوك في الخبر ياليت الافاده

[جنرال المدينه]

جزاكـ الله ألف خير بس هل ينتهي تصريح الهوائيـ،،
ولا ،،ــ،،ــ للأبــــــــــــد

[زلفاااااوي]

جزاك الله خير
ومشكووووور على التنبيه
ابسميك (منبه مكشات)
موفق ,,,,,,,,,,,

[إبن صالح]

جزاك الله خير
ومشكور على التنبيه

[بيكال وغزال]

طيب يالربع ما فكو التصاريح نبي نصرح السلاح قبل شهر كانو موقفين الي عندو علم يعطينا الله لايهينه

[kASER-999]

هل التصاريح فتحت ؟؟ ام لا ؟؟
الله يعطيك العافيه

[ابومحمد999]

بالنسبه للجديد مابعد صدر امر له

[منصور]

كما ذكر ابو محمد بالنسبه للجديد ما فتحوا الى الان.
موفقين

[C_J_O_JI]

تنبيه موفق وتشكر عليه

[sameer_1798]

تكفى كم الغرامه توني تذكرته ولقيت اني مطوف اربعة اشهر (ياسرع الايام :mad: )....... هل يلزم وجود ذخيره معي أم لا ؟

[قلبي طيب]

هل يلزم احضار السلاح والطلقات ؟؟؟


اشكرك على جهودك المباركة

[الشمالي 8008]

الله يعطيك العافيه

انا مستغرب من شي الي هو (كشف طبي)

انا مقدم على وظيفه ولا وش

[abuaesa]

السلام عليكم ورحمة الله وبركاته

اشكر اخي منصور على المعلومات

انا تقدمت بتجديد اكثر من تصريح عندي في 1432/3/10
قبل انتهاء الرخص بعشرين يوم
وتم تعبأة نموذج بيانات المتقدم (صاحب الطلب )
وتعريف يوقع من جهة العمل او العمدة وخلصناه من جهة العمل
وصورتين وصورة البطاقة وملف علاق اخضر

فقط

طبعًا احضرت السلاح للمطابقة بدون ذخيرة

وموعدي معهم الاسبوع الي جاي( والسبب مشغولين الله يهداهم مرة المختص في دورة ومرة مجاز ومرة عندهم احتفال ولا فيه الي يسد مسدهم ... الله المستعان )

وبالنسبة لغرامة التأخير سألت عنها قلوا مية ريال للرخصة الواحدة
مهما كانت سنوات الأخير

ودمتم

[ع العمرو]

الله يعطيك العافية

[aborajwa]

جزاك الله خير اما التطويف من يوم طلعته في سنة 1423 ماعاد نظرت فيه ولا عندي نية اجدد الاهم هو انه مصرح واذا مسك خير ان شاء الله مصادرة ما يقدرون .. ذبحتنا المراجعات تجديد في كل شيء الله المستعان ..

[الصارم1]

السلام عليكم ورحمة الله وبركاته

الي ضايع تصريح بندقه وش يسوي وش الاجراءات

وهل احد صارله نفس الوضع هذا

ولاهنتوا

[فواز 55]

اصلا وش لون اطللع تصريح

[الكونترولCONTROL]

أنا ما أعرف الإجراء النظامي
لكن من البديهي جدا أن أول خطوة هي الإعلان الفوري عنه
في أقرب مركز شرطة و الإحتفاظ بنموذج البلاغ مع التأكد من تسجيل التاريخ
و ذلك لكي لا تقع ضحية إساءة استخدامه لا سمح الله ..

[اخو سعود]

صحيح بلغ عنه

[ابو سمسم]

قبل اسبوع رحت وانا واخوي هو بيجدد وانا ينقل تصريح باسمي

المهم طلبو صور من اخوي وعبوا النموذج وقالو خلال شهر ندق عليك


اما المصـــــــــــــــــــــــــــــــــيبة والمشكلة في التصريح والنظام الجديد على كلامهم

لك الحق في قطعتين واحد حمل الي هو ( المسدس ) والثاني اقتناء ( ياخرازه او شوزن ) فقط يعني ما في اكثر من كذا

قلت له انا ما ابغى حمل ابغى القطعتين كلها اقتنا قال هذا نظام

[black baikal]

يا اخوان انا لقيت خرازه مصرحه وانا ما عندي تصريح ولا عمري طلعت
اقدر انقلها لاسمي والا لا
والا لازم يفتحون التصاريح

[R.C 36]

بيض الله وجهك يالغالي

[عاشق كحيلان]

يعطيكم العافية علىآ موضوعكم آلجميل ، لكن عندي تعليق بسيط سوىءن مرخص ولا مو مرخص ساحبينك ساحبينك للمركز والله يعينيك تدور لك على كفيل

[الحصان 1]

بيض الله وجهك ورحم الله والديك

[ابن نجد .]

ياشباب تكفون متى يفتح تصريح السلاح الي عنده خلفية عنه يعلمنا
تعبنا من الهروب من نقاط التفاتيش

[المعتصم بالله555]

بيض الله وجهك على هذا الموضوع

[عزوز تبوك]

أخوي برق الشتاء/ عندي استفسار بسيط الله يطول عمرك
أنا ضيعت مسدس ربع مرخص وسويت عنه بلاغ وسحبوا علي الرخصة وقالوا بنعمم عنه.المهم الى الان لاحس ولاخبر.
سؤالي/ أنا الان اريد اطلع رخصة مسدس ثاني وايضا عدد2 بندقيه . هل يؤثر فقدان المسدس السابق على اجراءات التصريح الجديده لأني سمعت ان فيه غرامه ومدري كم قيمتها. ياليت توضح لي .

[باب ساير]

السلام عليكم،،

اخوي الغالي برق الشتاء ولا يهون الباقين،،

انا عندي عدد 2 سكتون وناوي اروح ان شاء الله للقصيم فهل فيه مشكله آخذهم معي ؟؟
وبالتأكيد مصرحات.

[الدحمنه]

السلام عليكم

بالنسبة للتنازل أنا شريت بندق مصرحة ومريت على شعبة الأسلحة والمتفجرات وعطوني الطلبات وهي :

1_ صورتين للبطاقة الشخصية مكبرة
2_ صورة للتصريح من الامام والخلف
3_ صور شمسية ملونة 4*6 الخلفية بيضاء
4_ ملف علاقي بلاستيك
5_ يعطونك نموذج تعريف تصدقه أنت من جهة العمل أو من العمدة للمتسبب ( وهذي أنا لي استفسار عنها للي مجرب أو عنده خبر , أنا مدرس هل أصدقه من المدرسة يكفي أو لازم من الإدارة _ شؤون الموظفين_)
طبعا مع حضور شاهدين وصاحب السلاح وشكرا

[quab]

سلااام عليكم \

انا عندي سلاااح مصرح وابي اعرف كيف ابيعه في القصيم وابي اعرف وش المطلووب مني ...؟؟


وهل فيه احد مجرررب باايع سلاااح مصرح في القصيم ...؟؟؟


ابوعبدالله من الرياااض ...

[abdullah_765]

وشو سلاحك الي بتبيعه

[quab]

مشكل...

حديد واااجد

(كوكتيل )

[عبرود]

اخوي تبيع عادي في القصيم او غير القصيم الاجراء واحد ونظام المملكه واحد تروح لشرطه قسم الذخيره والمتفجرات يعطونك اوراق تنازل انت والشخص المتنازل له تعبونها وتجيبون السلاح لهم وتم الاجراء بسرعه بس

[الحصان 1]

اخوي تبيع عادي في القصيم او غير القصيم الاجراء واحد ونظام المملكه واحد تروح لشرطه قسم الذخيره والمتفجرات يعطونك اوراق تنازل انت والشخص المتنازل له تعبونها وتجيبون السلاح لهم وتم الاجراء بسرعه بس

افادك الاخ عبرود وماقصر

[storm way]

الطريقه سهل جداً

تسوي تنازل عن الترخيص الخاص بالسلاح فقط

المطلوب منك صوره من بطاقه الاحول مع الاساس

وصوره من الترخيص مع الاساس

والمشتري تعريف ومشهد حسن سيره وسلوك

وصوره من بطاقة الاحوال مع الاساس

[بيضان]

ماقصروا معك الاخوان

[السلوم 2005]

سؤؤالي : كم العمر المطلوب لعمل تصريح سلاح ؟؟
ومشكورين

[هاووي الطير]

فوق 20

وان شاء الله اكون افدتك

[السلوم 2005]

مشكورين وجزاكم الله الف خير


وصلت المعلومه الحمد لله

[أميرالعشاق]

اعذروني للمداخلة...اذا عندي سلاح وودي ارخصه الحين...ممكن؟؟؟؟
وش الشروط وكيف الطريقة؟؟

[مفتون الضبي]

اخواني سمعت ان التصاريح توقفت حتى اشعار ااخر صححييح الكلام ذا ولا لا

[فارس الحربي1]

التصاريح وقفت واحتمال يفتحونها كل عامين مره
والعمر من فوق 20

[مغرم بالفتك]

افاااادوك الاخوااان

[كنق الجيوب]

الله يعطك العافيه

[فارس الحربي1]

حرام بالله انك ماقصرت بيض الله وجهك يوم تسود الوجوه

[عطيب الشوق]

السلام عليكم يا اخوان عندي قطعه اريد ان اتنازل عنها طبعا مصرحه لشخص آخر لا يحصل له انه صرح من قبل هل هذا مسموح ؟؟ لأني سمعت بأنه لا يمكن التنازل لشخص غير مصرح في الاصل اتمنا تفيدونا ..

ابوسعد

[عطيب الشوق]

ما زال السؤال حاير في بحر الاجابه منذ 11 يوووووووووووووووم ؟؟؟؟؟؟؟؟؟؟؟؟؟؟؟ !!!!!

ابوسعد

[الطنب]

بجاوبك يابو سعد نعم مسموح

[ابوطيف2]

نظام متناقض حسبي الله عليهم ليش يغلقوا التصريح الى متى ؟؟؟؟؟؟؟

[F.M.K111]

على هذا الموضوع المميز والتوضيح الجميل

لاهنت يالغالي على هذا الجهد بارك الله فيك وجزاك الله عنا خير الجزاء

[السبعي007]

اخواني صبحكم الله بالخير
عندي شوزن من ايام جدي الله يرحمه
بدون تصريح لها اكثر من 40 سنه خخ
يمديني اطلع تصريح ولا لا

[بدر العبدالعزيز]

اية يمديك بس خلهم يفتحون التصاريح

و يصرحون الي تبي من الاسلحة

[saleh333]

يمدي بس خلهم يفتحون التصاريح لهم تقريباً 5 سنوات مافتحو التصاريح

[قناص طيبه]

لا لا لا ما يمدييييييك...(لا تستغرب تراي مقهور) عندي شوزن وامنية اني اصرحها .بس اللي صار صادروها مني ومرمطوني مرمطه.

ونظام التصريح صاكينه من فترة.

[السبعي007]

طيب اذا صادوها معي وين يرسلوها الاماره والا الشرطه

طيب الهوائيه اذا كانت مصرحه باسم واحد ومسكوها مع واحداخر مثل ولد عمه او زي كذا يشيلوها ولا لا

[Auto-5]

أنا لو معي بندق لجدي والله ما أصرحها ولا شيء غير أتركها البيت ذكرى لا تقدر بثمن , أفرض صار عليها مشكله وصادروها هل تعووض بندق الجد والاب !
بالنسبة لي لا تعوض لو أشري شوزل بعشرين ألف تتصادر اهون عندي من بندق جدي وأبوي لوهو ماتسوى بقيمة السوق ألفين ...
مجرد وجهة نظرحبيت أشارك فيها ولاأنصح بتصريحها لو فتحت التصاريح .

[السبعي007]

أنا لو معي بندق لجدي والله ما أصرحها ولا شيء غير أتركها البيت ذكرى لا تقدر بثمن , أفرض صار عليها مشكله وصادروها هل تعووض بندق الجد والاب !
بالنسبة لي لا تعوض لو أشري شوزل بعشرين ألف تتصادر اهون عندي من بندق جدي وأبوي لوهو ماتسوى بقيمة السوق ألفين ...
مجرد وجهة نظرحبيت أشارك فيها ولاأنصح بتصريحها لو فتحت التصاريح .



اشكر على مرورك وطرح وجه نظرك ونتشرف بها

[السبعي007]

طيب اذا صادوها معي وين يرسلوها الاماره والا الشرطه

طيب الهوائيه اذا كانت مصرحه باسم واحد ومسكوها مع واحداخر مثل ولد عمه او زي كذا يشيلوها ولا لا


up

up

up

[meezaan]

السلام عليكم ورحمه الله



موضوع رائع الله يعطيكم العافيه

لدي سؤال لمن يستطيع افادتي جزاه الله خير

البنادق الأثريه....مثل المقمع اللي تستعمل في
الالعاب الشعبيه.....كيف تصريحها؟...ومن اي فئه هي؟؟

وهل ممكن اجيبها معي من الخارج وتصريحها؟؟



-

[جربوع 200]

كذب يصادرون المصرح الساكتون

[انين الحروف]

يالربع مين يفيدني؟؟


رحت اجدد رخصة السلاح قالوا لي عندك مسدس ترخيصه قديم قلت ..

والمسدس ترخيصه من 30سنه

ممكن يصادرون السلاح؟؟

والا يجددونه ويضيفونه مع باقي الاسلحه؟؟


ابغى واحد مرت عليه نفس سالفتي

[مانع767]

السلام عليكم اخي العزيز من ناحية انهم يجددون لك التصريح يضمونه الى بقية اسلحك صحيح اذاكان التصريح الاول حمل و لا يوجدلديك تصريح غيره يكون حمل اذا وجدلديك سلاح رخصة حمل مسدس يرخص له اقتناء اي استفسار حاضرين

[انين الحروف]

مشكوور الاخ مانع والله يبيض وجهك

[عاشق الصقوور]

الله لا يهينكم اللي عنده علم بالتصاريح بغيت اسئل عن طريقة تصريح الشوازن ومن وين

[حطاب الشمال]

والله لتبطي وحنا ماتفاهمنا \\\\\\\\\\\\\\

[قناص خلاوي]

التجديد والتنازل مفتوح
تصريح جديد للحين مافتح
واذا فتح لا تشيل هم المنتديات كلها بتتكلم عنه :)

[عزوز 2005]

سؤال/ عندي خرازة مصرحة هل أقدر أطلع تصريح آخر للشوزن أللي عندي
لأني سمعت أنهم مايطلعون إلا تصريحين فقط للشخص الواحد (بندق و مسدس)
لكن تصريحين لبندقين لا هل هالكلام صحيح...؟

[m.shamsi]

هالحين اذا تصريح اسلحة الصيد للاقتناء فقط

كيف نطلع نتصيد اذا صرنا مصرحين

[جذآآآب]

الي اعرف خمس قطع لحد الحين

واذا فتح التصاريح رايح يكون فيها تعليمات

[فايروخ80]

طيب ايش فايدته مدام ممنوع حمله\ ولا هنت

[البوااردي 07]

اخواني الكراااام
سؤالي : هل استطيع طلب اصدار تصريح لشراء شوزن من خارج السعودية وعند وصولها يتم فسحها من الجمارك وارسالها الى قسم الاسلحه والمتفجرات لاصدار تصريحها ؟؟؟
ارجو من لدية اي معلومة ان يدلوا بدلوه لنا ونكون شاكرين لكم ذلك ...
تحياتي ...

[ابوميثاء]

بالنسبة للشوزن لا يسمح الا تصريح اقتناء اما حمل لا ,,, طيب وش الفايدة هي بندق صيد ومكانها ماهو البيت وهل من الانصاف ان بندق شريتها بمبلغ وقدره تصادر علي لانه مامعي تصريح حمل ؟؟!!

[عسام الوقت555]

الله يعطيك العافية لماذا التصاريح اذن

[PAJERO]

مشكووووووووووور

[بياع]

الكلام اللي يجمد على الشارب ..


الاولات الروابح .. يعني فازو بالتصاريح الناس اللي صرحو اسلحتهم قبل اما النظام الجديد لا يسمح بتصريح الا قطعتين وحده اقتناء والثانية حمل

يعني الخرازة والشوزن مع بعض في تصريح واحد ممنوع


على العموم ان شاء الله التصاريح راح تفتح شهر صفر من السنة القادمة اذا الله احيانا او قبلها بقليل وتذكؤو كلامي :)

بالنسبة لحل هذي المشكلة ( صرح باسمك وباسم اخوك وباسم اخوك الثاني ) اللي مالهم ومال الصيد والمقانيص ههههههههههه

عشان تقدر تصرح اكثر من قطعة



اما الفرق بين حمل واقتناء

بالمختصر المفيد : اي مسدس حمل واي قطعة ثانية اقتناء

[البوااردي 07]

ارجو الاجابة على سؤالي يااهل الاختصاص ؟؟؟؟

اخواني الكراااام
سؤالي : هل استطيع طلب اصدار تصريح لشراء شوزن من خارج السعودية وعند وصولها يتم فسحها من الجمارك وارسالها الى قسم الاسلحه والمتفجرات لاصدار تصريحها ؟؟؟
ارجو من لدية اي معلومة ان يدلوا بدلوه لنا ونكون شاكرين لكم ذلك ...
تحياتي ...

[جذآآآب]

شباب افرض اني صرحة قطعتين على حد كلامكم هل اقدر اشتري قطعه ثالث ونقلها بسمي والا

[بن عاقول]

إخواني رحت قبل فترة لشعبة الأسلحة والمتفجرات بغرض تجديد ترخيص سلاح شخصي "مسدس" وتغيرت المتطلبات ، صاروا يطلبون فحص طبي ، الحاصل خذت الطلب علشان الفحص ، والسؤال هل الفحص فى مستشفى حكومي ولا الأمر سيان أهلي أو حكومي مقبول ؟ آمل إفادتي مشكورين

[صياد العلا]

يعطيك الف عافيية

[بياع]

شباب افرض اني صرحة قطعتين على حد كلامكم هل اقدر اشتري قطعه ثالث ونقلها بسمي والا



للاسف ما تقدر تضيف اي قطعة فوق القطعتين الموجودة في التصريح

يعني لو فتحو التصاريح ما تقدر تصرح الا قطعة اقتناء وقطعة حمل .. يعني مثلا عندك بندقية شوزن وهذي القطعة تصريحها اقتناء وتبي تشتري خرازة ما تقدر تضيفها على الموجود عندك الا بعد التنازل عن التصريح حق الشوزن



اتمنى اني افدتكم يا اخوان

[جذآآآب]

مشكووووووووور اخوي على التوضيح

[جذآآآب]

ولكن انا عندي رشاش هل يصرح

[بياع]

ولكن انا عندي رشاش هل يصرح


اذا فتحو التصاريح يتصرح اقتناء

[عوير الدوسري]

بيض الله وجهك والله يعطيك العافيه
ابي بس متى يفتح حق التصاريح
بس وشكرا

[حكمة الصمت]

الله يعطيك العافية اخوي وماقصرت


تقبل مروري

[مشاري الجوف]

مووووووووووووووضوع

[مشاري الجوف]

مووووووووووووووضوع ممتاز بس متى يفتحووون التصاريح هذي الزبدة

[بياع]

هلا والله بالجميع

وشكرا لكم .... بالنسبة للتصاريح والله حسب ما وصلني من اخبار اتوقع بمصداقيتها ولا اجزم بها


بداية السنة الجديدة شهر 1 او 2

[حنين الطير]

السلام عليكم

يعطيك العافية برق الشتاء عندي استفسار لو تكرمت

ماهي عقوبة عدم حمل ترخيص للأسلحة الهوائية ؟

[البواردي 2000]

دائماً مبدع اخوي (برق الشتا ) انا من المتابعين لموظوعاتك الاكثر من رائعة
تقبل مروري اخوك البواردي 2000
الله لا يهينك

[مكشاتي 33]

السلام عليكم ورحمة الله وبركاته
ارجووووا الفايدة
لي خوي عنده شوزن ام سيلان ولا لها تصريح الظاهر ضايع
س1/هل يقدر يطلع تصريح او كيف الطريقة معها

[مكشاتي 33]

ارجوا الفاايدة

[مكشاتي2012]

يفيدونك الاخوان

[علاوي العيسي]

الله يوفقك في الدنيا والاخرة
كنت انتظر هالموضوع من زمان

[مكشاتي 33]

معقووولة مااافيه احد يعرف ؟؟؟؟؟؟؟؟

[ya 7bny lk]

متى يفتحـون التصآريح ؟؟

[ابوطيف2]

التصريح نصيحة لا تسمعون الإشاعات مغلق منذ سنوات وكل سنة يقولون يبون يفتحونه تروه مثل سالفة الراتبين انا متابع لهم دايم

[د.داهوم]

انا عندي تصريح رشاش ناسيه منتهي من خمس سنوات كم غرامة التأخير؟؟ وما هي المستندات المطلوبة للتجديد؟؟.
وهل هناك مشاكل على عدم التجديد؟؟

ارجو الإفادة لو تكرمتوا.

[ابو نادين2012]

متى ان شاء الله يفتح حق التصاريح
وماهي اجراءات التصريح اخواني المسلمين

[بن معدل]

اخوي برق الشتاء استفسار عن اللي يبي يشري بندق مصرحة وهو ما عنده تصريح سابق هل ينقلون التصريح باسمه اذا كانت فترة التصاريح مغلقة

[مكشاتي سبشل]

في حال سويت نقل تصريح كم يجلس ويجيني موافقت النقل

[قـــزاز]

السلام عليكم

هل تصريح الساكتون حمل او اقتناء

يعني يمسكني التفتيش و يغربلن ولا لا

[AL3OFI]

السكتون الهوائية تصريحها حمل

[الهاجري 4800]

هل التصريح الان مفتوح؟؟ ووين مكانهم بالظبط في الشرقية

[راع المققناص]

سلمت يابرق الشتاء
لاهنت بغيت انشدك بالنسبة لتصريح الصيد انا صيد قليل وفي البر القريب من القرى هل لازم علي اطلع تصريح ودمت برعاية الله