استفسار لاهل الدداسن

[عاشق االجمس]

.
.
.
.
..
.
.



السلام عليكم

كيف حالكم يامكشاتيين

يالربع انا عندي ددسن وعزم الموتر ضعيف ومادري اشارو علي بعض الاخوان

اني اركب اسلاك بواجي حقت كرسيدا

مادري فيه احد قد جربها وهل هي كويسه وتنفع على الددسن ولا لا

علما ان مديل الموتر 94

[عاشق صمت]

وعليكم السلام
اخوي انا معي ددسن 98 وعزمها قل علما اني اتردد عليها للدوام
غيرت فلتر هوى
بواجي
اسلاك بواجي
صفاية بنزين
وكنها صارت احسن
هذا والله اعلم..
ثانيا اخوي تأكد من الكبليتر هو صاحي ولا لا
اما بالنسبة لأسلاك بواجي الكرسيدا ماادري عنها
واسأل اهل الخبرة احسن..........

[عاشق االجمس]

يعطيك العافيه

اخوي عاشق صمت

لاكن انا غيرت البواجي ونظفت كلبليتر كنه احسن لاكن ماش مايبرد قلبي يعني ماينفع تمسك خط فيها

120 الى 130 ويالله يالله تجيبها

[ابا الأفلح]

وعليكم السلام
انا مر علي ددسنين واحد 93 والثاني 2001 وكلها كلبريتر
شف اذا الموتر ما هو موظب شيك عندك 1- الديلكو وزن خارجي وداخلي2- الكلتش3-عمل تصفيه شامله للفلاترواسلاك البواجي والبواجي ونظف الكلبليتر بزيت فرامل فك الشوته وصبه واحد يدعس بنزين وحطلك نص علبة زيت مكينه اخلطها مع البنزين داخل التانكي واذا ما فاد تأكد من الشكمان لا يكون مسكر

[ميمون111]

الي اعرفه الددسن يمشي وعزمة قوي
اتوقع عندك مشكلة في البليتين او البواجي اووزن الديلكو
شيك عليها وشوف

[عاشق االجمس]

يعطيكم العافيه ياشباب

كل اللي قلتوه سويته والله

الا الديلكو والله ماجيته لاكن بشوف الديلكو بوزنه وبنشوف ان شاء الله تضبط

[بدوي جنوبي]

يمنع كتابة مشاكل السيارات بهذا القسم

يوجد قسم مخصص للاعطال
ينقل لقسم الاعطال

[بندررر]

يمكن من البواجي
يبيلها تغير

[عاشق االجمس]

البواجي توني مغيرها والبليتين

لاكن هالمشكله واقفه لي

مادري هل اقدر اركب بواجي كرسيدا ولا سدرك يمكن تضبط لان فيه ناس قالو لي كذا والله انلحس مخي

[فكاك العقد]

وعليكم السلام
انا مر علي ددسنين واحد 93 والثاني 2001 وكلها كلبريتر
شف اذا الموتر ما هو موظب شيك عندك 1- الديلكو وزن خارجي وداخلي2- الكلتش3-عمل تصفيه شامله للفلاترواسلاك البواجي والبواجي ونظف الكلبليتر بزيت فرامل فك الشوته وصبه واحد يدعس بنزين وحطلك نص علبة زيت مكينه اخلطها مع البنزين داخل التانكي واذا ما فاد تأكد من الشكمان لا يكون مسكر
--------------------------------------------------------------
تبي تدمر سيارة الرجال وشلون يحط زيت بالكبليتر ؟؟؟؟ والكبليتر ما يدخله الا البانزين بالعكس "أنت زدت الطين بله" لا ويحط نص علبة زيت مكينه بالتانكي تبي تخلي سيارته مثل المدخنه وين ما راح تلقى الدخان وراه كأنه يستخدم ديزل ؟؟؟؟ توجد منظفات للكبليتر بقيمة 10 ريال والافضل بقيمة 15 ريال وإذا مايبي يرووح لميكانكي ويفك الكبليتر وينظفه قطعه قطعه افضل من الوصفه اللي قلته له ... تحياتي وابي تأخذ ملاحظتي على كلامك بصدرٍ رحب

[arif12]

مشـــــــــــــكوووور

[ممدوح 2010]

انا شفت مكانيكي يحط زيت فرامل بالكلبليتر وهي شغالة
اما زيت ماكينة يصبة بالتانكي اول مرة اسمع فيها