وش الحل مع صوت فحمة الكلتش

[سالم11]

السلام عليكم

عندي صوت فحمة الكلتش على كلام المكيانيكي ولا ادري وش الحل معها

السياره سفاري 2007 قير عادي

ومشكله ابنزل القير علشان اغيرها صح وان كان فيه حل لان الصوت مزعج صراحه ويضيق الصدر

طبعا الصوت من اغير من الرابع للثالث او الثالث للثاني ورجلي عل الكلتش يطلع الصوت

الفزعة يا النشاما

[_دربيل_999]

أخوي..
صوت الفحمة مايجي مع التغييرات..
صوت الفحمة يجي والسيارة واققة..وإذا دعست الكلتش يختفي الصوت..

مين اللي قال لك انها الفحمة..ماعنده سنع..
حسب كلامك.. أعتقد أن الصوت في القير...

تحيتي لك..

الروقي

[سالم11]

طيب وش الحل يا الربع نبي وصفة ورش في القصيم تعرف لنا المشكله

[_دربيل_999]

اخوي الصوت اللي عندك شيء يشبه الأحتكاك..وتشعر فيه يدك إذا كانت على عصا القير..
إذا كان كذا هذا عطل داخل القير..

الشباب بيفيدونك باسم ورشة تتحقق لك من المشكلة وتصلحها لك باذن الله..

وفقك الله..

الروقي

[سالم11]

مشكور يا الروقي ما قصرت والله يسهل الامور وننتظر الافاده من الاخوه

[A L T A M I M I]

أخوي سالم 11 ان شاء الله تشوف حل لمشكلتك ، وأنا أبستغل هالفرصة بعد اذنك وأذكر مشكلة بموتري قريبة من مشكلتك .

( إذا كان موتري واقف مشتغل أسمع صوت حنة تحتي يم القير ، واذا ضغطت الكلتش اختفت هل هي صحن كلتش ؟ )

أرجو الإفادة

[ممدوح 2010]

أخوي سالم 11 ان شاء الله تشوف حل لمشكلتك ، وأنا أبستغل هالفرصة بعد اذنك وأذكر مشكلة بموتري قريبة من مشكلتك .

( إذا كان موتري واقف مشتغل أسمع صوت حنة تحتي يم القير ، واذا ضغطت الكلتش اختفت هل هي صحن كلتش ؟ )

أرجو الإفادة


مثل ماذكر اخوي دربيل 999 الله والعليم ان الصوت صوت فحمة

[ابو شدون]

حبيب قلبي خذ العلم اذكان الموتر واقف او مشى ممشى خفيف ويطلع صوت خرفشه هاذي فحمة القير تراها مالها وقت معين تخترب فيه وهي تراها اللحين مكسوره داخل القير ومصديه ولا فيها سيولة زيت الرمان اللي داخل الفحمه متكسر الله يوفقك سعرها رخيص بس التركيب شوي غالي

[بدوي جنوبي]

موضوع يفيدك ان شاء الله

๑ஐ◄▓▒--> طريقة عمل الكلتش(فلاش)<--▒▓►ஐ๑ (http://www.mekshat.com/vb/showthread.php?t=116129)

بالتوفيق

[زيدالتميمي]

الله يعينك أخوي

[سالم11]

مشكورين يا الربع
الصوت ما يطلع والسياره واقفه

فقط اذا مشيت وعند التعشيق ورجلي على الكلتش ومنزل النمره من الرابع الى الثالث او الثالث للثاني

[قمة افرست]

صوت طبيعي الفحمه ولايضر فقط الصوت مزعج اذا زاد يحتاج تغييير وهذا بالتايوتا مشهور اكثر من النيسان ملازم للقير ولايوجد حل الا التغيير
وسببه الغبار والصحراء
طبعا الصوت يظهر بعد ماتريح السيارة وتكون الدعسه ثابته تسمع صوت حححححححح
حكه تشابه حكت القماش وكل ماتطور الخراب زاد الصوت
طبعا الصوت يفصل اول ماتدعس كلتش
وللمعلومه اذا الصوت خفيف يمشي 100 الف بعدين تغيرة

موفق

[_دربيل_999]

يا إخوان..
الرجال يقول الصوت والسيارة تمشي,,
يعني المشكلة في التعشيقات..يعني داخل القير,,
لو كانت فحمة..كان قال الرجال يختفي الصوت إذا دعست كلتش أو يسمعه والسيارة واقفة..
الصوت اللي عنده يقول والسيارة تمشي ومع دعسة الكلتش اثناء التغيير..كيف تقولون فحمة..

إخوي أتمنى تكون الفحمة لأنها لاتؤثر ..ولكن وحسب كلامك..الصوت داخل القير..

تحيتي للجميع..

الروقي

[المؤمن كالغيث]

وعليكم السلام ورحمة الله وبركاته

قد تكون المشكله في التروس

لانك تقول عند التعشيق يطلع الصوت او يكون زيت القير ناقص

الافضل ان توديه لورشه ثقه حتى ماتكبر المشكله .

الله يسخر لك ويحل مشكلتك .

[سالم11]

مشكورين والله يسهل الامور

[سوبر VTC]

هل تريد ورشة متخصصة بالرياض ؟
ام ببريدة ؟

[سالم11]

في بريده الله يجزاك خير يا سوبر

[سالم11]

يا سوبر الله يرحم والديك عن النار ويوفقك نبي وصف الورش بالتفصيل

[سوبر VTC]

وياك و كل مسلم
جزاك الله خير
لك رسالة على الخاص
موفق

[بندر842]

اخوي سالم انا معي نفس موترك وعندي نفس الصوت اللي طلع عندك ياليت اذا حصلت حل تقول لي

[الشهابة]

صوت فحمة الكلتش مثل صوت العصافير و صوت صرصره و اذا دعست الكلتش اختفى و اذا شلت رجلك ظهر الصوت و بعض الاحيان يظهر و بعض الاحيان يختفي و لا تتعب نفسك و تغيرها لأنها فتره و يرجع نفس الصوت و تغييرها او تركها ما يأثر على القير و أداءه .. بالتوفيق

[بارق الوادي]

طيب يا أخوان أنا عندي العكس !!
إذا السيارة واقفة ودعست كلتش يطلع صوت شبيه بالصوت لمن يكون زيت الدركسون ناقص !!
بدون دعس الكلتش الصوت طبيعي والتعشيقات سليمة ..
أفيدوني بارك الله فيكم