خروج الإيرباق بشكل مفاجئ سؤال مهم

[GALM1]

السلام عليكم ورحمه الله وبركاته

اخواني عندي استفسار عن شي غريب صار بالسيارة عندي

عندي يوكن 2009 .... جديد ونظيف ..... شغلت الموتر الصبح بروح للدوام نزلت من السيارة عشان اجيب كم غرض من الكراج ... أول ما سكرت الباب انفجرت (طلعت ) الإيرباقات الجانبية كلها ............ أنا ظليت واقف كذا :eek: فترة طويله مو مستوعب وش اللي صار شلت المفتاح واتصل على السطحه


........ فياليت تفيدوني بمعلومه أو سبب ... او تنبهوني على شي خطأ عندي صاير سبب هالمشكلة
+ كلام الوكاله ( حساس الإيرباق ما يطلع الا اذا جاته ضربه + ممكن يكون شي اصطدم فيها وهي واقفه .... أقولهم السيارة واقفه ماجاها شي صدمها ...يقولون مستحيل تطلع اذا ما صدمت بشي :eek: :eek: :eek: :eek: :eek: :eek: :eek: :eek: :eek: )

[هذاب السرايا]

مرحبا اخوي
انا مرة شفت تاهو واقف عند العيسى و شكله جديد مرررة توه طالع من الوكاله ولا فيه صدمات وطالع الاير باق الجانبي اليمين و اليسار
و اتوقع ان الشي هذا خلل في نفس الحساس حق الاير باق
و واحد من الشباب صار معه خلل في الاير باق الجانبي بس كان السبب انهم فاكين مراتب السيارة و فرش الارضية عشان يلبسها بلاستيك
و راح للوكاله و برمجوها له و ضبطت الامور
بلغنا وش يصير معك وبالتوفيق

[moooj]

هذا خلل من المصنع سمعت عنه من اول ما طلع الشكل الجديد 2007
اذ السيارة تحت الضمان خلهم يصلحونها الوكالة على حسابهم
وعطنا المستجدات لا هنت
بالتوفيق

[aooa]

عادي جدا على السيارات الامريكيه لانها سيارات كرتونيه وهم يحاسبون جميع الدول على عيوب الصناعه اما صناعتهم فلا يحق لاحد انتقادهم .. اما السيارات الامريكيه القديمه كانت افضل وامتن ...

زميلي مطلع تاهو وكاله وكل يوم طالع له عيب يوم الحساسات اللي بالصدام طايحه ويوم نور الاريباقات مضاءه

راح للوكاله قالوا له انت طالع به للبر فاكيد المطبات القويه لها تأثير .. اقسم لهم بالله انه لم يطلع به خارج الاسفلت مع انه شاريه دفع رباعي لغرض الطلعات .. واستشارني , قلت له بعه وارجع لتويوتا حيث كان عنده vxr 98 ويحلف ان موتره القديم افضل بكثير من السيارات الامريكيه ..

[ابواسامة 97]

السلام عليكم

اخوي برجعك شوي للماضي بس بسأل وش صار عليك لآن صار لي نفس المشكلة .. والظاهر انه عيب مصنعي يالليت ترد على . واذا فيه احد صاره وا يعرف احد صارت له نفس المشكلة ياليت تتواصل معي على الخاص او ايميلي .. وجزاكم الله خير