الي الفاضل عبدالله الجوعي ... ومن لدية خبرة,,,, لا يهونون الباقين

[بن ذيب]

اخواني ,,,,
عند استخدام جارمن الجوال في وضع خارج الطريق
وطلب موقع , يعطيني خط لونة وردي الي المكان المراد
وهذا الخط يتحرك مع السيارة اثناء السير ويكون ملازم لها
وهذا ممتاز جدا ...
* وعند استخدامي جهاز النوفي 715 بنفس الوضع فان الخط يبقي
ثابتا علي مكان السيارة اول مرة ولا يتحرك معها....
فما السبب جزاكم اللة خير.......

[راعي الخريب]

الي اعرفه الخط الوردي تمشي علية لين توصل محلك الي انت مختارة
وهذا شي طيب

[بن ذيب]

اخوي راعي الخريب
هذا صحيح عندي في الجارمن ,,ولكن في النوفي يبقي ثابت
عند اول مرة واطوفة واروح وهو يؤشر علي المكان المطلوب
ومكان السيارة اول مرة,,, شي غريب

[عبدالله الجوعي]

اعتقد إن النوفي يحفظ الموقع اللي أنت موجود فيه عند طلب النقطة المرادة ولذلك يثبت في مكانه
ياليت فيه أحد الخبراء بالنوفي يخبرنا هل توجد خيارات لخارج الطريق

[sameer_1798]

نعم قرأت بأن هذه المشكله موجوده ولايوجد لها حل .
تصدق اخذ معي النوفي اكثر من سنه ولم انتبه لهذه المشكله لأني ماكنت استخدمه في البر (خارج الطريق ) كان يغنيني عنه جارمن 276 .
كنت استخدم النوفي فقط في تصفح الخريطه عشانها بالعربي .

[بن ذيب]

اذا كان النوفي علي هالحال وش فايدتة
في البر عندما تحفظ موقع وتريد العودة
لة مرة اخري ,,, الحمد للة اني ما بعت
ال276c ....

[سلمان المرزوقي]

الي اعرفه الخط الوردي تمشي علية لين توصل محلك الي انت مختارة
وهذا شي طيب
وأنا كذلك هذا اللي أعرفه لكن راح أتأكد من أجهزة الشباب وأشوف . لأن الجهاز اللي عندي 276c ومع ذلك أظن أن جهاز رفيقي 215w يعطي نفس الجوال وال 276c ولا يثبت في مكانه

[بن ذيب]

للرفع والنقاش

حتي نستطيع ان نعرف الاستخدام الامثل للنوفي في البر
في حالة الانقطاع او الضياع وهو المهم للاغلبية .
اما في المدينة اي تاكسي يوديني الي اي مكان .
ارجو ان نتوصل الى حل لهذة المشكلة...

[نفود بريدة]

والله يا اخوي انا عندي نوفي 205w , واذا ضبطت الاعدادت الى خارج الطريق

وحددت نقطة يرسملي خط وردي ثابت , وخط ثاني يمشي مع السياره ,

وحتى لو جنحت عن الخط الثابت , يطلع معك الخط الثاني ويكون ملازم للسياره ولا يطلقها ابد , وينطلق من النقطه المحدده الى مكان السياره ويمشي معها

ارجو انك فهمت كلامي


وبالنسبه للي يقول النوفي ما ينفع بالبر , اقوله كيف الحال ؟ لانه شكله ما يعرف له ولا يعرف يستخدمه فعلى شان كذا يسبه

انا قطعت فيه الصمان تقطيع , ولا فيه اي خلاف وماشي زي العسل الحمد لله

طبعا انا اتكلم عن 205w وما ادري عن الاجهزة الباقيه من النوفي

[بن ذيب]

واللة ياخوي نفود بريدة كان ودي ذلك
لكن ما يطلعي الا خط واحد فقط ويثبت
مكانة اول مرة ( راعي الرعلة ) ولا يتحرك
وجهازي 715 نوفي ,, وعسي اللة يلهم اخواننا
الخبراء بحل هالمشكلة ,,, قول اميييين

[fsoly]

للرفع .. للأهميه ..


الموضوع مهم جدا .. ولا لقيناله حل للحين .. الي عنده النوفي يجرب الطريقه ذي واذا ضبطت معه .. ياريت يحط نوع اصدار البرنامج و نوع الجهاز ..

شكرا ..

[نفود بريدة]

واللة ياخوي نفود بريدة كان ودي ذلك
لكن ما يطلعي الا خط واحد فقط ويثبت
مكانة اول مرة ( راعي الرعلة ) ولا يتحرك
وجهازي 715 نوفي ,, وعسي اللة يلهم اخواننا
الخبراء بحل هالمشكلة ,,, قول اميييين

طيب انت فهمت كلامي بالرد السابق ؟

وابيك تشرحلي اكثر عن مشكلتك , وياليت لو بالصور , يمكن نقدر بعون الله نحلها

[هارون97]

عندي نفس المشكلة 780

[السيد برنس]

اسلام عليكم ورحمه الله وبركاتة .

حبيت اعمل مداخلة على الموظوع للمعلومية جميع اجهزة النوفى مخصصة للمدن بنسبة 100% اما مسئلة البر والصحرا في الاجهزة كلها اجتهاد اشخاص يعني الى يعرف للجهاز مظبوط ماتفرق معة لئني راح يعرف كيف يستخدمة المشكلة موجودة في جميع اجهزة النوفى بس حلك الوحيد انك تخزن موقع الاول والثاني انك تحط احداثية الموقع المراد الذهاب الية
سوف يعطيك خط مستقيم اذ مشيت علية في استقامة وواجهك عقم والا جبل ولا طعس وغير مسارك بعد ما تتعدا المواقع تعيد تحديد المسار ويبدا من الموقع الجديد ممكن هاذ خل من الحلول
وشكراً

[بن ذيب]

طيب انت فهمت كلامي بالرد السابق ؟

وابيك تشرحلي اكثر عن مشكلتك , وياليت لو بالصور , يمكن نقدر بعون الله نحلها


عزيزي نفود بريدة
الشرح بالصور واللة ما اعرف لة
لكن المشكلة ... انة لو مثلا انت في البر
وتبي تروح للخيمة وانت مبرمجها سابقا
يطلع خط وردي مستقيم من مكانك الي الخيمة
ولكن لو انحرفت الي مكان اخر لسبب ما فان الخط
يبقي علي استقامتة الاولي ولا يتحرك معك حتي لو
ابتعدت كثيرا عن مسارك وبذلك يجب ان تعيد طلبك
مرة اخري للخيمة .. وهذا عكس جارمن الجوال الذي
يتحرك معك الخط في اي انحراف....
عسي الشرح واضح ...وجزاك اللة خير.

[fsoly]

المشكله واضحه للي عنده جهاز نوفي يقدر يجرب ويشوف بعينه المشكله ..

بس وين الحل .. هذا الي ننتظره ...

[نفود بريدة]

طيب مضبوط طلع نفس اللي انا فهمته

لكن انا بجهازي النوفي 205w لا توجد لدي المشكله هذي ولله الحمد

وهذا توضيح بالصوره ادناه ((((( طبعا مثال فقط )))))

http://up.arab-x.com/Mar10/nmn82371.jpg

شيكو على السوفت وير يمكن الاصدار الي معكم قديم , وما فيه الخاصيه هاذي

وياليت الي عنده نفس المشكله يكتب اسم ورقم الجهاز للايضاح

[برق الشتاء]

بالفعل انا عندي نوفي 780 والمشكلة موجودة
ولكنها ليس عائقة .
بإمكانك ان تمشي نفس الخط حتى وإن كان ثابت .

بمعنى انك لو كنت تائه بالبر وتطلب من الجارمن ان يوجهك لنطقة سبق ان قمت بتخزينها سوف يرسم لك الخط من مكان تواجدك لتلك النقطة وانت تتبع الخط المرسوم حتى وان كان ثابت .

والعكس صحيح : لو ان زملائك بالبر واعطوك احداثياتهم وتبي تروح يمهم ادخل الإحداثيات وراح يرسم لك خط من مكان تواجدك لين عند زملائك وبامكانك انك تتبع الخط حتى وان كان ثابت

بالتوفيق

[بن ذيب]

الاخوة نفود بريدة وبرق الشتاء
شكرا علي تفاعلكم معي لكن حاولت
بكل الطرق اللي قالوها الاخوان ما نفع
اوقفت خرائط المدن وخليت البر واخترت
المسافة الاقصر والاسرع ما كو فايدة يعطيني
خط واحد ثابت ؟؟ حاولت احدث الاصدار لقيت
ان الاصدار اللي عندي هو الاحدث؟؟؟
شاكر لكم تعاونكم,,,,