موسوعة الغاز مكشات

[ف.البشري]

خالد الدلوع9999

مرحبابك .

الاّ ياخوي الربابـــة وكان الاخ اخو صلفه الاسبق لحل اللغـــز.

مشكور يا خالــد .

[أخو صــلـفـــه]

ومن قال يسلم يا أخ ف . البشري

والحقيقة لست ممن عندهم القدرة على كتابة الألغاز ...

فمن عنده لغز فليتفضل به ...


والسلام

[الكوكب]

ياويش عذراء عندها عدة عيال
وعيالها في بطنها من حديد
وإليا ضربنا راسها تلد بالحال
ويطلع ولدها يمسك اللى يصيده

[ف.البشري]

الكوكـــــــب

مرحبا

ممكن يكون الحل

الدباســــه .

[الكوكب]

جبت حل الغز يا ف البشري

والغز عندك يالله:good:

[ف.البشري]

شكرا يالكوكــــب

ومرحبا بالجميع

واليكم اللغـــز:-

ورع صغيـر وجاب بنت صغيره
---------------------------- يا ما بها حلّـت كثير الشكلاّت

البنـت معروفـة في كل ديـره
-------------------------- ومصـدّق قولــه بكل الـدّيانـات

والى اللقــــاء .

[أخو صــلـفـــه]

ماهي ( البصمة ) يا أخ فهد

[ف.البشري]

الاّ واللــه هي البصمــــه يا خــو صلفـــه .

صح لسانـــك , ماشاء الله عليك احرقت اللغز ما خليتني

اتميلــــح به لي يومين .

مشكور يا خوصلفـــه وننتظـــر لغـــزك .

[أخو صــلـفـــه]

صح بدنك يا أخ فهد


من عنده لغز فليتفضل به ...

[ف.البشري]

تسلم اخو صلفـــه

وهذا هو اللغـــز .

شايب بالجنوب وشايب بالشمال
------------------------------ كل واحد لحالــه من قبل عصر نـوح
الجنوبي لحاله والشمالي لحـال
----------------------------- طبـع شايب يروح وشايـبٍ ما يــــروح
يرقـدون النهار ويسهرون الليال
----------------------------- كلهم بالجزيرة واضحيـنٍ وضـــــــــوح

و ننتظر الردود .

[مراكي الذيب]

تسلم ياخوي فهد




ماهي الساعه (المينا ) 12------6 اللي تنور باليل

[ف.البشري]

اللـه يسلمـــــك يا مراكي الذيب

مالك لوي يالغالـــي.

اشكرك على المشاركة .

[أخو صــلـفـــه]

أخوي فهد

يمكن ( الجدي وسهيل )

[ف.البشري]

أخو صــلـفـــه

يا مرحبا بــك

تسلم وصح لسـانـك الجواب صحيح سهيل والجدي .

شكرا لك وننتظر مالديك .

[ف.البشري]

استميح العذر من اخو صلفه المبدع في حل الالغاز

حيث مضى على حله للغز اكثر من اربع وعشرين ساعة

ولم يتم طرح لغـــز .

لذلك فانني سوف اطرح هذا اللغز , مع انه في حالة اعتراض

اخو صلفه على هذا التجاوز سيتم سحب اللغــز .

يقول اللغـز :

ويش شـيٍ نشــــا
------------------ بامـر ربٍّ يشـا

ان جمعتـه حصـا
-------------- وان تركتـه مشــا

وان طبختـه على النـار
------------------- يصبـح عشـــا .

وشكرا لجميع الاصدقاء .

[خالد الدلوع9999]

السلام عليكم ورحمة الله وبركاته
أعتقد ياخوي ف 0 البشري الفقع ( الكمأ )

[ف.البشري]

خالد الدلوع9999


يا هلابك يا خالـــــــد .

مالك لوى .

مشكور على المشاركة .

[فيصل]

مساك الله بالخير وكل عام والجميع بصحه وعافيه

حل لغزك ما يكون البيض

تحياتي

[ف.البشري]

فيصل

كل عام وانتم بخيـــــر :

كفو والله يافيصــــل



صح لسانك يافيصــل

الحل صحيـح البيـــض .

وننتظر منك اللغــز .

[ف.البشري]

مرحبا بكم

اذا سمح لي الاخ فيصل الذي حل اللغـز السابق

اباطرح ها اللغز وله الحق في الاعتراض عندها يتم تعليق اللغز .

وهذا حسب الميانة وخوّة الطريق . وش قلت يافيصل ؟

يقول الشاعر :

أنشدك عن حيٍ يهل الـدموعــي
----------------------------- في كل يومٍ يذرف الـدّمـع سكّـــاب
ما هو حزين ولا شكى ضيم جوعي
---------------------------- ذي سيرته والنـاس تجهل بالاسبـاب .

وشكرا للجميع .

[فيصل]

حياك الله وصح بدنك وتمون على الرقبه ما هو لغز 00

وشكرااا لالغازك الطيبه 00
ولغزك هذا ما يكون دموع التماسيح 00
نسمع دايم يقولون دموع التماسيح ولا عمرنا شفناهن 00
تحياتي

[ف.البشري]

الاخ فيصــــــــــل

كل عام وانتم بخيــــــر

كفــو واللـه يا فيصـــــــل تسلم........ تسلم......... تسلم

اللـــه يسلمـك من كل شـــــــــر .

اجابتــــــــك صحيحــــــه هو ( التمســـاح )

ما شاء الله عليك .

اطرح لغزك يا فيصــــــل .

[فيصل]

ومن قال يسلم 00
وكل عام وانت بصحه وعافيه وجميع الزملاء 00
ابشر استلم اللغز انت والربع 000

ويش بنت (ن) ترغبه وقت(ن) ووقت *** ترغبه في ساعتن له به تمنا
يا لفالك خاطــره لو به نطقــــــــت *** لا حصلتلك ها الفتاة به ما تعنا
الهواجس تدفعك لو له شــرحـت *** والهواجس راعية دوم (ن) معنا


ولكم تحياتي

[ف.البشري]

مرحبا فيصل

وش رأيك في الذاكرة , او بنات الافكار .

تحياتي يا فيصــل .

[فيصل]

اقبل تحياتي
مالك لوى واتجاهك طيب

تحياتي

[نديم طويق]

صح لسانك اخوي ....

وش رايك بالقصيدة

[فيصل]

هلا وغلا
والقصيده مالك لوى
تحياتي

[نديم طويق]

اخوي فيصل .... وش رايك بالحكمة أو زبدة الهرج أو الحجة

[فيصل]

هلا وغلا
الحكمة أو زبدة الهرج أو الحجة مالك لوى
تحياتي

[ف.البشري]

الاخ فيصل

مرحبـا

يقول اللغز الذي طرحتـــه :-

ويش بنتٍ ترغبه وقتٍ ووقـــــت *** ترغبه في ساعتــن له به تمنـــا
يا لفالك خاطــره لو به نطقــــــــت *** لا حصلت لك ها الفتاة به ما تعنا
الهواجس تدفعك لو له شــرحـت *** والهواجــــس راعيـــه دومٍ معنا
==================================

صح لسانك على هذا اللغـز الجميــل .

وش رأيك في رقبــة النعامة , عندما تخرج الكلمة الغير مقبولـة .

يقول الواحد ليت رقبتي طول رقبة النعامة , حتى يمسك الكلمة قبل خروجها .

او تكون المفكرة التي يكتب بها الواحد خواطره واشعاره وذكرياته .

ادري انها بعيده لكن مجرد محاولة .


شكرا لك وللجميع .

[فيصل]

صح لسانك ولا هنت على هذا الاطراء الطيب 0
وان دل على شيء فانما يدل على حسن ذاتك 00
تحياتي لك واشواقي

اما بالنسبه للرمعه مالك لوى وانت مره قريب 00 خاصه اللي تقول المفكرة التي يكتب بها الواحد خواطره واشعاره وذكرياته
لكن ودي اقول صح لساااانك لانك اقرب واحد 00
لكن ترو البنت هذي معنوية
واكيد تبون تجيبوهااااا
تحياتي

[wadi]

الساعه:good:

[فيصل]

حياك اعتقد اني وضحة وقلت معنوي
تقول الساعه الساعه جماد
تحياتي

[خالد الدلوع9999]

أعتقد الدمعة

[فيصل]

الدمعة مالك لوى حبيبي
تحياتي

[خالد الدلوع9999]

إن شاء الله تكون الخواطر أو الأفكار

[ف.البشري]

فيصـــــــل

مرحبابك :

طيـب وش رأيك في مـلَــكَـــة الحفــــظ .

وشكرا لك

[فيصل]

خالد الدلوع00000
رمعة طيبه واعتقد ان هذه هي اللي تجيبهن00


ف البشري
مالك لوى يالعزوه


تحياتي للجميع

[ذيب مجيرة]

هلا فيصل

ما هيب الورقة 000 ورقة الدفتر للي يكتب 00

اسف اجل

[فيصل]

الورقة 000 ورقة الدفتر للي يكتب
مالك لوى

[الجمس]

الاخ فيصل
السلام عليكم ورحمة الله وبركاته
اعتقد انها الذاكرة
تحياتي

[فيصل]

هلا وغلا
وعليكم السلام ورحمة الله وبركاته
الذاكره مالك لوى ورمعة حلوه
تحياتي

[الجمس]

اخوي فيصل
طيب وش رايك بالقريحه او ملكة الشعراو الرمعه
ادري اني زوتها ولكن هالقريب الممتنع حسربنا
وتقبل تحياتي

[hkald]

السلام عليكم ورحمة الله وبركاته

حل اللغز/ 20

هو: قائل اللغز واللغز ، إذا ما أنا غلطان.

[فيصل]

الجمس
انته تامر امر وانا اللي اسف انه طول عليكم اللغز
مالك لوى يالطربه

اخوي hkald

مالك لوى يالغالي بعيد بها الرمعه

عموماا اللغز مسحوب امل ان يطرح لغز آخر لانه طول عليكم واجد
اسمحولي واتيح الفرصه للغير

مع تحياتي يا مشرفين ويا اعضاء

[hkald]

خوذوا بديله:

فتّشت في كل الدفاتر عن الصعب ***** ولـقـيـت عَـوداً يضـرـبـنه بـناتـه

العود يذبح ما تطرف من الشعب ***** وطمس المعالم وحدةٍ من صفاته

____
تحياتي

[الجمس]

اخوي hkald
السلام عليكم ورحمة الله وبركاته
اولا, ياخوي ياصعب اسمك ! ليتك تقدم ال(k) على (h)
ثانيا, اخوك الجمس مطفي النور.
تحياتي

[المغـــتـرب]

السلام عليكم ورحمة الله وبركاته

ولا هو : القرن والسنين

وسلامتكم

[hkald]

الجمس :

أولاً :أ خوك مبتدئ ولا أعلم كيف تعديل الاسم وإلا أنا أدري أنه غلط ( ياليت ترشدني لذلك ).

ثانياً : ليه مطفي النور ولّعه ولا تخاف.




---------------------------------------------------------------------------


أخوي المغترب :

حلّك صحيح

__________
تحياتي للجميع

[الجمس]

اخوي hkald
اللي اعرفه انك تقدر تغير كل شي في هويتك الا الاسم فهو من اول ركزه ولا تعتمد على كلامي تراي عليمي مثلك وماشي بالبركه ولكن بامكانك الاتصال باحد المشرفين وما يقصرون يغيرون ان بغيت لون شعرك!
(ترى امزح) . بالنسبه للغز حله اخوي المغترب وصح اللسانه.

[المغـــتـرب]

السلام عليكم

مساء الخير للجميع

صح بدنك اخوي وصح بدن الجميع

وهذا لغز(ن) لواحد (ن) من أهل الرياض معجبني نظمه ومعجبني حله ..


وش الشايف اللي تبين لمشيوف = والعبرة المشيوف وشلون شافه
عبره لأنه بلأصل شي مكفوف = والشاهد اللي شاف عود خلافه




مع تحياتي للجميع

[المغـــتـرب]

السلام عليكم

أشوف بما ان ما جا رمعات على اللغز .. فلأفضل أني أسحبه وأعطي فرصة لغيري

فاللغز مسحوب واللي عنده لغزن يتفضل

تحياتي لكم

[rfvaz]

اسلام عليكم ورحمت الله وبركاته وبعد
فيه شي تدخيله واجب وتحريكه سنه
وتطليعه حرام:hot:

[akhan]

الله يعطيك العافيه

[ف.البشري]

rfvaz

مرحبا

هـذا الميـــــــت ( الجنازه )

وشكرا .

[سحر العيون]

السلام عليكم ورحمة الله وبركاته

أخي المغترب هل الحل هو الحلم أو الرؤيا أو ممكن يكون الظلام




وحل الأخ rfvaz مثل ما قال الأخ ف .البشري هو الميت وكيفية وضعه في القبر

[الدافور]

السلام عليكم

مشكور اخوي مخاوي الذيب على هل الاغاز الحلوة

[عاشق الصفاري]

ماشاء الله عليك يا مخاوي الذيب
جزاك الله10000خير على هالموضوع الاكثر من رائع

[kali]

ياجماعة0000000 اللغز مااعرف حلةصار لي ثلاث شهور ادور الحل مالقيت0000 واللي يعرف الحل لايبخل علينا 0000000000 يقول انشدك عن عذرا اليا دخلت ابنصها0000 تحميك من تسعين متسلح وتسعين اعزلي0000 تثنت الارماح عنها والمقص يقصها00000 اكبر من الناقة وادون شوي من راس الطلي00000 واشكر الجميع من مراقبين ومشاركين

[kali]

ياجماعة0000000 اللغز مااعرف حلةصار لي ثلاث شهور ادور الحل مالقيت0000 واللي يعرف الحل لايبخل علينا 0000000000 يقول انشدك عن عذرا اليا دخلت ابنصها0000 تحميك من تسعين متسلح وتسعين اعزلي0000 تثنت الارماح عنها والمقص يقصها00000 اكبر من الناقة وادون شوي من راس الطلي00000 واشكر الجميع من مراقبين ومشاركين

[فيصل]

هلا وغلا ومساك الله بالخير
هذا حله النومسية اللي يغطى فيها الاطفال وتكون مشخله ولا صفطته تشيله بمخباك
تحياتي لك

[kali]

اللة يطيك العافيةيافيصل وشاكرلك علئ هذا الرد00000 بس انت متاكد ان هذا حلة

[الجمس]

kal i
حياك الله
حل اخوي الفيصل صحيح هي الناموسيه وتحميك من النامس ( المسلح ) والذبان ( الاعزل ) وتعجز عنها الرماح هي خراطيم الناموس واكبر من الجمل اذا نصبتها واصغر من راس الطلي اذا طويتها.

وصح اللسانك اخوي فيصل .

تحياتي للجميع.

[ابو نجود]

وصلني هذا اللغز من احد الاصدقاء واريد من الاخوة المشاركة في حله:
انشدك عن بنت ضناها ثلاثين..........وان غاب واحد قلت من هو كسرها
لعيالها عشرة عيال صغيرين..........واعيالها واعيالهم في ظهرها
اخوكم ابو نجود

[ابو نجود]

وصلني هذا اللغز من احد الاصدقاء واريد من الاخوة المشاركة في حله:
انشدك عن بنت ضناها ثلاثين..........وان غاب واحد قلت من هو كسرها
لعيالها عشرة عيال صغيرين..........واعيالها واعيالهم في ظهرها
اخوكم ابو نجود ...

[kali]

صباح الخير يابو نجود ماهي المسطرة

[ابو نجود]

عز الله انك جبتها.......بيض الله وجهك
اخوك ابو نجود

[kali]

انشدك عن عود عطاة اللة ثلاث اعيال00000ولة بنت اليا ماتت البنت يموت العود واعيالة

[ابو عايد]

هلا وغلا ومساك الله بالخير

هذا هو حّلــــــــــــــــه الكشاف وحجاره ولمبته

تحياتي للجميع

[kali]

يابو عايد000000000 حلك صحيح

[ابو عايد]

لغز جديد



أنشدك عن رجال يحمل برجال=والابن في وقت الشدايد عزومي
دايم عبوس وفي المهات زعال=والعود لايزعل ولا هو حشومي


تحياتي للجميع

[kali]

حل لغزك 0000هو المسسدس او القلم

[ابو عايد]

ويؤسفني أن اقولك (( مالك لوا )) يالغالي kali

فيك البركه ياخوي

مع أجمل تحيه ؛؛؛؛؛؛

[kali]

الختم

[أبوزيد]

مايكون السيف يا ابو عايد

[الريفي]

السلام عليكم ورحمه الله وبركاته

اخوانى إليكم لغز اخونا الشاعر سعد بن جبرين جديد يقطر دمه وامل ان يحوز على إعجابكم





ويش الفتاه اللى تجى بالستيره (=) ممدوحه مذمومه فى عربها

بنت النشاما بالعلوم السفيره (=) كل(ن) يحاربها وكل(ن)طلبها
بنت المراجل بالامور العسيره (=) ياللى رفضتوها انتم سببها

[الجمس]

اخوي الريفي
حل الغز ان كان ماني غلطان هي الواسطه

[نجمة اسهيل]

اشارك اخوي الجمس براي

[تميمي قناص]

والله عندي لغز صعب علي وأبي احد يساعد ني في



بنشدك عن وحــــده ملونه بلونين
...................... الأسـوَّد نـصـهـا و الأبيض يكملها

ما فيها حلاه بس يعشقها الملايين
...................... و إن مـشـت كــــل العيون تتأملها

[ابوعبدالله9999]

الكوره ....الكوره

[تميمي قناص]

والله جبتها طيب وش تقولون في



بنشدك عن ضيف بدار المعــازيب**الضيف يكرهم وهم يكرهونه
وليل قلط يقلـط على غير ترحــيب**ضيف من الزلات مايامنونه
يحتاج له في بعض الاوقات تأديب**وليا بغى المرواح مايتركونه

[@الزاحف@]

ترى من الصنات لااحد يغلط;)

المزح معكم

تقبلو تحياتي
:cool:

[haytoohay]

مححرسكمحظزغطك

[ذيب الموشم]

اسمها فيضه

[gxr999]

المسجون :good: :good:

[gxr999]

بنشدك عن ضيف بدار المعــازيب**الضيف يكرهم وهم يكرهونه
وليل قلط يقلـط على غير ترحــيب ** ضيف من الزلات مايامنونه
يحتاج له في بعض الاوقات تأديب**وليا بغى المرواح مايتركونه[/QUOTE]





المسجون
:good: :good: :good:

[abuya3goob]

صح السانك اخوي الهيثم وانا رمعتي انها (وضحه) ونسبة الرمعه 50%

[الـعـبرود رابغ]

ويش رايك في مهره ( من اسماء الخيل)

[haytoohay]

عذرا للجميع على ماورد في الرد رقم 333 تحت معرفي حيث كان ذلك الرد من احد اطفالي الصغار وهو لايعرف الكتابة ولم انتبه لذلك الاهذا اليوم فقط فأعتذر مرة اخرى لكاتب الموضوع ولجميع من اطلع على الرد المذكور

[adda1423]

لا عليك لا تخاف

[zaxs2010]

ان اسمها نوره؟؟؟؟؟؟؟

[الكياس]

اعتقد انه الحيوان البري الملقب بالمهاء

[قناص مكه]

السلام عليكم ورحمة الله وبركاته
ومسيتم بالخير ودى برمعة ...
وان ماخاب ظني الريم
ويطيك العافيه يالهيثم

[صاحب الهمر]

سلام عليكم

[أميره وذوق]

بقطع عليكم يا اخواني
عندي لغز وابي حله تكفون

ياسديد الراي يابو فعلٍ ونيـس
يامبعد عن وجيه الحزن وكدرها
ياويش بنت حاجزه شعبٍ بكيس
وان صادها الماي بيـن اثرهـا

[خبرة السنين]

يا هلا وغلا

[باجيرو وبس]

اعتقد ان اسم البنت
طلعت

[رويسان]

وش رايك اخوي الهيثم بالنجمه

[رويسان]

ماهوب النجمه

[مدور الغيث]

بعد التحية . ما يكون الجواب هو السحاب

[راؤول العرب]

الجواب بشاير