النجــــــــــــــــــــــر والـــدلـــــــــــــــــــــــــــــــه

[رســــــلان الوجه]

النجر والدله
للشاعر/ خليوي بن محمد الشنوطي



النجر صاح ويشتكي مـن خطيـه=خطيةٍ منهـا التكاسـل والاجـرام
النجر والمحماس صاحـاً سويـه=ظواميـاً مابيـن مـورد وزهـام
يشكن مـن الطاحونـه الخارجيـه=ساس الخراب اللي خطيره بالاوهام
والنجر قـال الهيـل والبـن ليـه=حقي من القبله الـى نقـرة الشـام
صوتي يجيب اهل الوجيه الرضيه=عزام للي يسمع الصـوت عـزام
والدله الصفـراء طموحـاً معيـه=شافت وعافت من تصاريف الايام
مسجونةٍ من غيـر ذنـب وجنيـه=انا وخواتي حالنا حـال الايتـام
تشكـن مـن الثلاجـه البربريـه=اللي كما البومه عساهـا للاعـدام
هـذي رديـه مالـهـا مقبلـيـه=وانا شريفـه كنـي الطيـر غنـام
يازين مجلاسـي بجنـب الركيـه=يقلط عليه من هل الكيـف خـدام
انـا اشهدنـي قبـلـة الشاذلـيـه=تشهد لي العالم على ايدين الاخصام

[اميرة الظلام]

مجرهد الليل ............ لا تحرمنا من ابداعاتك
=========================لك ودي

[رســــــلان الوجه]

مجرهد الليل ............ لا تحرمنا من ابداعاتك



=========================لك ودي




يعطيك العافية اميرة الظلام .................بارك الله فيك

[سايق الهدد]

مجرهدالليل وش (ن) وش تقصد

[الشيخ قوقل]

جميلة هذه القصيدة وصح لسان الشاعر
تسلم على على الانتقاء والحس الطيّب والمعنى الجميل

[يوسف الخليفة1]

بارك الله فيك أخي العزيز مجرهد الليل والشكر الجزيل

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
بارك الله فيك وجعلك سالم على الانتقاء الطيب لشاعر الخليوي..

[أبو إبراهيم !!]

عافك الله ع النقل وصح لسان الشاعر ،،،

[شمالي الروح]

صح لساااااااااااانك على الابيات الجميلة .

[رســــــلان الوجه]

أشكركم الجميع على المرور ولاهنتم بارك الله فيكم ورفع الله قدركم