خشاب الشوزن

[مريتو]

سؤال فني لأصحاب المعرفة بالشوازن
لنا صديق عنده شوزن براوننق ومنكسر خشابها من عند الماصورة /نبي محل يصلحها

[KFC]

اذا لقيت خبر لاتنساني تكفى

[ابوقشعان]

عليك بالطايف ولا القصيم

[مريتو]

جاني خبر ان الهدف يصلحها لكنه يصلخ باسعارة

[قناص خلاوي]

اذا انت بالرياض مر الشايقي بسوق الزل

[مرهف]

أخوي حدد مكانك علشان ندلك

[عسم الغربية]

سلام عليكم أخوي أنا أمس ببريدة وحصلت بمحل بسوق الجردة يركب الخشاب الطقم كامل
بـ1500 وعنده فيبر يفصله للبراونج بـ 1700 أنصحك بالفيبر لأن الشوزل بعد الفيبر بتصير خفيفه وبالتوفيق

[اقوى الرجال]

اخوي هذا رقم محل النواش للاسلحه

014363332

الرياض

[عاشق الفتك 20]

مااقصرو الاخواان

[عاشق الدهنا]

اذا انت بالرياض مر الشايقي بسوق الزل

افداك اذا انت من الرياض او حوله . او بريدة تلقاه بالمحلات اللي بالجرده.

[بيكال فيبر]

اخوي غراء ابو جني الشوزن النص حقت الوالد نفس الشي منكسر الخشب من عند الماصورة

وفكيتها وحطيت غراء من الداخل على شان مايصير من برا ويشوه الشكل والحلى كلام

وخلكـ من المحلات وعوار الراس وماجاكـ علي واذا بغيت شي راسلني على الخاص

[KFC]

بعد بحث وتحري .. لقيت الفيبر سعره 67 دولار للطقم بامريكا (سو بحث صور على Browning A5 Stock) ويطلع لك صوره .. دور الاسود الفيبر :(
وبالهدف الخشب ب 1500 وبالكويت بحدود 400 ريال للطقم الفيبر


وهالفتره باجيب لكم خبر لاني لقيت لي مخرطة نجاره .. باخليهم يصلحون لي واحد وينقشونه ويخلونه مزكرش .. يعني يطلع الخشاب على ذوقك وبانزل الصور انشالله

[إعقلها وتوكل]

أفادوك المكشاتيه

بالتوفيق لك

[سوبر جابري]

افادوك الاخوان

[مريتو]

الله لايخليني منكم ياالقروم ماقصرتوا جعل الله يفرج عنكم كل شر

[هوايتي مكشات]

تكفي لاتنسانا يالغالي يا Kfc

[KFC]

لاتشيلون هم انشالله .. من ست الصبح قايم ومتحمس وماصدقت يصير عندي اجازه اليوم وقاعد انتظر العالم تصبّح بس .. اليوم يا انا يا خشاب البلجيكيه طالع له بحل بأذن الله .. وعاد وقتها منيب رافع السعر عليكم ... هههههههه

[ابو ســــاره]

موفق خير يالغالي ..
انا منكسر خشاب بندقي له فترة ودورت بالصناعية القديمة بالرياض لقية ورشة تصلح الخشاب الي وراء بـ 400 .
انصحك بالفيبر بس يكون اصلي اتوقع من كلامك ان الي لقيته بالكويت هو الافضل .

[ولد وايل]

الصناعيه القديمه

عند حقين النجاره

[KFC]

هلا ياشباب .. جبت لكم اخبار ..

اليوم الصباح طلعت للصناعيه مخرج 17 بالرياض .. وإدعى كم نجار انه يسويه .. واحد قال ب 700 وواحد قال بـ 500 للطقم (اخمص وحاضن) من خشب زان ولكن يحتاج يخلي البارود كلها عنده اسبوعين علشان المقاسات مضبوط :( طبعا قعدو يوروني قصايص ورق لمقاسات خشابات مفصلينها .. لكن مااااش عجزت اقتنع وبعدها طلعت لسوق الزلّ ومريت على الشايقي .. الحاضن ماهو موجود عندهم ولا يقدرون يصلحونه اما الاخمص الخلفي فهو موجود عندهم تفصيل وشغله حلو صراحه لكن ماهو 100%

يبدو اني بانقز للكويت واشتري لي طقمين فيبر وعادي بس هل يدخلونهم الجمارك ولا لا ؟

[مريتو]

لاهنت ابسأل الشباب عن دخولها وأفيدك ياالحبيب

[KFC]

ياشباب انا في المراحل البدائيه لتصميم خشاب الحاضن بشكل يختلف عن الاصلي ويؤدي نفس طريقته .. اتمنى تنجح الفكره .. واول مايخلص بانزله لكم في تقرير كامل وعلى الله يضبط
للحين مكلفني 25 ريال وعساه مايوصل ال 100 ريال

[مريتو]

لاهنت ياالحبيب على طول أول ماتنتهي تعطينا خبر

[KFC]

سلام عليكم أخوي أنا أمس ببريدة وحصلت بمحل بسوق الجردة يركب الخشاب الطقم كامل
بـ1500 وعنده فيبر يفصله للبراونج بـ 1700 أنصحك بالفيبر لأن الشوزل بعد الفيبر بتصير خفيفه وبالتوفيق
الصراحه مسكت الفيبر .. (حاضن) وزنه اثقل من الخشب 3 مرات فما اعتقد انها بتصير خفيفه .. يعني اقلها بتزود كيلو مع الاخمص والحاضن واذا ودك تشوف الفيبر مرّ على الهدف بشارع التخصصي

ولك تحياتي

[مريتو]

من ناحية دخول الخشاب من عند الحدود تدخل بشكل عفوي يعني لاتحاول توزيها حتى لو تحطها على المرتبة المهم القطع الداخلية لاتحاول توهق وشكرا