الى الاخوه الاعزاء في حائل

[راعي الفروه]

الاخوه الاعزاء في حائل
السلام عليكم ورحمة الله وبركاته قررت انا وبعض الزملاء ان شاء الله زيارة مدينة حايل لمدة ثلاثة ايام من يوم الاربعاء القادم ان شاء الله ولقلة معرفتنا بالمناطق الممتازه بحايل قلت مالنا الا الربع في مكشات ماهم ان شاء الله بمقصرين فالمطلوب يالربع ذكر المواقع التي فيها ربيع والمواقع الجملية مع الوصف لشخص لم يسبق له ان جا الى مدينة حايل ،،، ننتظر ردودكم يالنشاما مع ملاحظة بأننا لن نضيف احد لانكم معروفين بالكرم وحب الضيف فقلت نقتصر الموضوع على الوصف واما العزايم اقول لكم مشكورين مقدما وتقبلو تحياتي اخوكم راعي الفروه

[بن بليهد]

هلابك ومرحبا بأي وقت

بالنسبه للربيع هالوقت مقفي الله واعلم انا قبل 15 يوم كان هناك ربيع في الجبال

والمواقع المناسبه اسأل عن طريق جبه وامش 60 كم يجيك مفرق توارن يسار .. وهناك تلاع وشعبان كثيره

وان بغيت جبال سلمى قبل تاصل حائل 100 كم افرق مع قرية الشنان وهناك مواقع عذراء نظيفه لكن الربيع مادري

ولعل الشباب مايقصرون

[راعي الفروه]

بيض الله وجهك يابن بن بليهد ماقصرت وننتظر الشباب تقبل تحياتي

[sohib]

حياك الاجواء ربيعية
النفود النفود يغمض للجميع فهو في عز عنفوان ربيعه
اما ربيع السهل فصمعاء مخيفة
واما الجبال وماتحت الطلح فالربيع لازال نوع ما

[Can2007]

هلا وسهلا وحياك الله ياراعي الفروه
ابي اختصر لك الوضع اذا جيت حايل اسأل عن طريق جبه واذا مسكت طريق جبه احسب 30 كيلو تقريبا يجيك مفرق الحفير على اليسار مافي غيره رح معه وامشى 10 كيلو حتى تجيك قرية توارن على اليمين انزل مع اول طريق على اليسارمقابل للمحطه وروح على طول تجيك ردميه خلك معها في هذا الردميه توديك لشعيب توارن العاجزه الشعيبين حلوووات للتمشي فيها والربيع فيها حلو
المكان الثاني
نرجع لنفس الطريق اذا جيت قرية توارن اللي على نفس الطريق تروح على طول مع نفس الخط بأتجا قرية الحفير 15 كيلو تقريبا يجيك مفرق على اليسار الى قرية نايلات اذا جيت القريه شف اي واحد من اهلها واسأله عن شعيب التفيهي شعيب يجمع النفود والجبال والشعاب والطلح كلها بنفس المكان وصف مكانه بمنتصف القريه تفرق يسار وتروح بوجهك لين تطبح عليه لكن ادخل داخل الشعيب وهو الأفضل بين الشعبان ربيعه طيب نوعا ما وكل انواع التضاريس فيه وهذا رابط بعض الصور منه


http://www.mekshat.com/vb/showthread.php?t=277487 (http://www.mekshat.com/vb/showthread.php?t=277487)


وهذا رابط يفيدك من نفس الاماكن قبل اشهر


http://www.mekshat.com/vb/showthread.php?t=247493 (http://www.mekshat.com/vb/showthread.php?t=247493)


قرية الحفير خلف النفود واضح طريقه اذا رحت للقريه وبانت لك بعد ماتطلع على الطريق شف امامك جبل كبير اسمه ضلع الخشب الطريق الى اعلاه يجيك بالخلف من الضلع يكشف لك جميع الأماكن على مد نظرك نصيحه لاتخلي الطلعه لضلع الخشب روووعه
معلومه اخرى اذا كنت بقرية نايلات شف على يمينك جبل كبير اسمه ضلع الجديد بوسط النفود الربيع خلفه يعني ليس كما ذكر لي لكن المكان حلو مر عليه تمشي فقط يمكن يعجبك
مكان ثاني على نفس الطريق ضلع جرغ بعد ماتتعدى قرية نايلات تجيك قريه اسمها الفتخا بعدها على طول شف يسارك ضلع كبير هذا اسمه جرغ حلوووو يجمع النفود والشعاب والطلح والجبال روعه صراح لكن ما اعرف عن ربيعه وهذا رابط لبعض صوره قديم شوي
http://www.mekshat.com/vb/showthread.php?t=251551 (http://www.mekshat.com/vb/showthread.php?t=251551)




طريق الحفير فيه عدة اماكن صحى توارن وجو العاجزه الشعيبين شوط التفيهي حيه جرغ وغيرها كثير هذي افضل الاماكن بجبال اجاء وعلى طريق واحد يعني بثلاث ايام تجيها كلها وكلها بجانب بعض 5 كيلو الى 20 فيما بينها ونصيحه اخويه لاتخليها واسال اي شخص عن الوصف اذا جيت حول الأماكن ما راح يقصر معك



تروحون وترجعون بالسلامه
موفقين

[راعي الفروه]

sohib مشكور وما قصرت
كان 2007 الله يبيض وجهك ياشيخ ويكثر من امثالك صراحة كلفنا عليك ووصفك واسماء المناطق واضحه وسوف اخذ بنصيحتك في الاماكن المذكوره تقبل شكري وتقديري اخوك راعي الفروه

[راعي الفروه]

وين راحوا اهل الكرم الحائلي

[راعي الفروه]

وين راحوا اهل الكرم الحائلي
اكرررررررررررر

[جبال اجاء]

ابختصرلك الموضوع وابرسم لك خط سير الرحلة



اول ماتجي حائل اسأل عن وادي مشار وهو شمال مدينة حائل قريب جدآ


وهذا رابط لرحلتي الى هذا الوادي


http://www.mekshat.com/vb/showthread.php?t=252109




وبعدين امسك طريق حائل جبة واتجه الى قرية توارن وترا النفود قريب منها


وهذا رابط لرحلتي الى الربيع فيها


http://www.mekshat.com/vb/showthread.php?t=264736




وهذا رابط عام ببعض احداثيات المواقع الجميلة بحائل


http://www.mekshat.com/vb/showthread.php?t=246422




وترا الربيع اكثره في شمال نفود الحفير

[فارس طي]

موجودين وحياكم الله بحائل .. الأخوان ماقصروا وفوا وكفوا .خاصة العضو كان

دائمامبدع ...والربيع مقفي في آخره وقلة المطرأثرت عليه وحرارة الجو هذا العام أتت بسرعة

وفصل الربيع يدخل في 21 مارس واليوم السبت 12مارس يعني نحن في بداية الربيع

الله يغيثنايارب ...وكنا الإربعاء والخميس الماضي في أبالحيران(بالقرب من أبالهول) شعبان نظيفه

وطلح وربيع طيب لكن عطشان .والأماكن اللي ذكركان حلوه وقريبة من حائل والنفودربيع طيب
لكن بالنهار حر...وأي خدمة مستعدين لكم طيبة الإقامة والله يوفقكم برحلتكم هذه .

وتقبلوا تحياتي