المساعد الشخصي الرقمي

مشاهدة النسخة كاملة : مربــــ(( ساحوق))ـــــاع--1422/1423هـ (((....الأخير .... ))) بالصوره


ريف النشاما
09/02/2005, 01:41 AM
السلام عليكم ورحمة الله وبركاته
""

أحبابي الكرام

""
http://www.mekshat.com/pix/upload/images7/mk8178_WDAYYH44JK33.jpg

يسرني أن أقدم لكم ( الجزء الخامس) من سلسلة مرباع ساحوق..... وأهمس في آذآنكم بأن هذا الجزء هو الأخير في هذه السلسلة وذلك لعدم موافقة باقي القصائد للنشر هنا
أو للتحفظ عليها لخصوصيتها ... ولاكن سوفى ترون البعض منها
عبر الديوان ولكم مني أجمل تحيه
""
""
http://www.mekshat.com/pix/upload/images7/mk8178_WDAYYH44JK11.jpg


((عذوبة المطر))

الحمد لله من عزيز الجلالي = جانا المطر وغردن العصافير
هل وتحدر من مزون ٍ جبالي= بفضل الإله ورحمته يالمناعير
والبرق بجنوبه يشعل شعالي =وصوت الرعد يرزم معا تالي الخير
مزن ٍ إليّا عدّا إلا له توالي = سحايبن فيها المطر والتباشير
يوم السبت من عقب وقت الزوالي = وثلاث حكمن عقرب الساعه يشير
ومن سطح أبو صالح قراح ٍ زلالي = سيل مع المرزاب وبالشارع يسير
والجو برد وان سمح فيه بالي = وعقب العصر يافلان وقت المسايير
ريف النشاما
10/02/2005, 12:03 PM
http://www.mekshat.com/pix/upload/images7/mk8178_WDAYYH44JK22.jpg


(( وداعية))


النفس ضاقت عقب مرتاع ساحوق = ولاعاد فيها للمطاريش حيلي
لاكن على الله ويأبن الأجواد ملحوق = الرزق بالدنيا ولو فوق خيلي
وأنا هوايه يافهد مع هل النوق= ودر البكار إليا برد فالصميلي
وفنجال بنن حاكرينه على روق=في قاع رمثه في شعيبن خميلي
والبال رايق والقصايد لها شوق=والقاف يطرب للحدى والمشيلي
وأنته معي ياصاحبي صافي الذوق=وعوضه وأبو ثامر وزبن الدخيلي
اللي لشوفه داخل القلب خافوق=أبو دحيم نعم به من خليلي
ونقضي لنا ايام بالدار من فوق=سلوه مع الأجواد قبل الرحيلي
واليوم له ذكرن بقلبي ومعلوق= وأحن له في كل دعب ومسيلي
وأنوحها في كل قاف ن وطاروق= عشته ولا جاء عقبها له مثيلي



"""""
""""
""
المشرف
10/02/2005, 12:34 PM
لاهنت يالغالي تسلم على القصايد الرائعه :good2:
ريف النشاما
10/02/2005, 07:21 PM
السلام عليكم ورحمة الله وبركاته


مشكور أخي الغالي على هذه الزياره وبارك الله فيك

ولو إنك خرعتني بأسمك :)



مرحبا مرحبا بك عد وبل السحاب = وعد ماهلت المزنه من حمولها


تحيتي
ابو عايد
11/02/2005, 10:50 PM
سلسلة ومجموعة من القصائد ... غاية في الروعه...!

ولكن تعجز الكلمات عن وصفك كا شاعر مخضرم ومرح

فصح لسانك وننتظر منك اكثر ... وإنشاء الله تكون على هالمنوال واكثر

ونسمع انشاء الله ونقرأ لك كتاب خاصة باشعارك يالغالي

تقبل تحياتي // العاشق الولهان
ريف النشاما
16/02/2005, 06:54 PM
السلام عليكم ورحمة الله

شاكر ومقدر لك أخي ابو عايد على هذه الزياره الميون وهذه العبارات الجملة

ولقد غمرتني بكرمك الجم وأتمنى أن تتحق أمنيتك وهي في المهد وقد ترى النور

وجزاك الله خير ورفع قدرك

ولك مني أجمل تحيه مليئه بالورود والياسمين

تحيتي ولي معك عوده بارك الله فيك