فزعتكم يااهل الباثفندر لدي مشكله باالقير

[ابوهداب]

السلام عليكم ورحمة الله وبركاته اسعد الله اوقاتكم
عندي مشكله في قير الباثفندر موديله 2002 توماتيك اذا عشقت على r مايمشي وعلى d يمشي اوكيه وديته كم ورشه ويقولون توضيب قير وراح يكلف بس انا ماقتنعت من كلام الورش يقول توضيب وهو مافحص الموتر اتمنى من الجميع المسعاده في حل المشكله او اذا احد يعرف احد متخصص للباثفندر في الرياض يدلني عليه وتقبلو تحياتي

[الباثفندر 3.5]

الله يعينك بس عندي لك نصيحه اذا كان القير يبي فك و توضيب و شغل فنصيحه اشتر قير مستعمل من السكراب و فك عمرك

[ابو كشه]

ابو هداب علمني وش يصير عليك لان فيه واحد نفس مشكلتك

[سوبر VTC]

اخوي
احد الربع معه باثفندر فاكه و كالة على وقته م2003 او م2004
يوم مشى الموتر بعد فترة بدا الموتر مايرجع ريوس
و داه للوكالة قالوا له القير خربان كلتشات قير ب12الف :mad:
راح لورشة بالصناعية قالوا مع شغل اليد ب4500
و ثالثة قالوا له ب2500
المهم ان الرجال يقول طلع الخربان امر تافه
ان ماصورة الزيت حقت الريوس
بنفس خارطة او مخ القير منطلقة او منفكه على كلامه
و زان الموتر
الورش عندك ورشة ابو براهيم الثنيان تخصص باثفندر بصناعية الدائري الجنوبي

قد تكون المشكلة نقص زيت القير او سدد رايش كلتشات بنفس الخارطة
او خراب حساسات القير كل نمرة له قير
و فيه مايسمى ببلف الخريطة
و قد تكون المشكلة كهربائية
هل غيرت فلتر و زيت القير او فصلت اصابع البطارية


هذي ورش من الاخ ماجلان





اقتباس:
اقتباس:

عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...

والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه

وفي عندك صناعية ام الحمام ورشة القحطاني رقم 11 سوداني فلته في الكهرباء



رد من عضو اخر




اقتباس:
السلام عليكم يا اهل الجموس , نصيحه لوجه الله لا تغيرون اي قطعه الا بعد فحص الكمبيوتر , انا سيارتي الجمس ذوقتني الامرين سنه كامله حتى هداني الله الى مركز فيه كمبيوتر متخصص بالجمس 100 ريال و 10 دقايق ويقول هذي المشكله و10 دقايق والسياره 100 % الحمدلله .
موقعه : صناعية العاصمه مخرج 28 الدايري الغربي . اول شارع من الشمال ( ورشة الشباب )

بالنسبه للقير العادي هذا جوال مهندس قير نصوح بالصناعيه القديمه استفسر منه ( ابو عمار 0508229600)
ارجو التوفيق للجميع


موفق

[عبدالرحمن السالم]

متى آخر مره غيرت زيت القير و فلتر القير
ترا كل 40 ألف يتغير ، انت مر ابو ابراهيم وان شاء الله يهل المشكله
عموماً مايتوظب القير الا من سوء استخدام لابد انك تحافظ على زيوته وعلى فلاتره

موفق خير

[ابوهداب]

هلا اخوي سوبر يعطيك الف عافيه على مرورك وانشاء الله بروح لبو ابراهيم الثنيان انشاء يلاقي حل

[ابوهداب]

حياك الله اخي عبدالرحمن واشكر مرورك باالنسبه للزيت والفلتر مغيره قبل شهر تقريبا كل الورش الي اجيهاااااا يقولو الزيت ممتاز بروح للثنيان اليوم بشوف اغديه يلاقي حل غير التوضيب وتقبل تحياتي

[فلان بن عفتان]

لايحتاج توضيب
الحل صمام السرعة الخلفية متعطل غيره

[ابوهداب]

هلا اخوي فلان بن عفتان اشكر مرورك وديته لورشة الثنيان وقالي ابو ابراهيم لازم توضيب القير كيف اعرف صمام السرعه الخلفيه برا القير او جوا وفحص الكمبيوتر يبين العطل او لا وتقبل تحياتي

[فلان بن عفتان]

هلا اخوي فلان بن عفتان اشكر مرورك وديته لورشة الثنيان وقالي ابو ابراهيم لازم توضيب القير كيف اعرف صمام السرعه الخلفيه برا القير او جوا وفحص الكمبيوتر يبين العطل او لا وتقبل تحياتي
صمام السرعة الخلفية , إذا وضعت القير على r يرسل أمر إلى الصمام (أو الحساس ) فيسمح لزيت بالمرور .. إذا تعطل ماترجع ريوس , والصمام مشبوك بمخ القير
ويمكن التأكد منه بفحص كمبيوتر عند شخص محترف أو فك الصمام وتشغيله والتأكد من عمله
وإذا لم تكن المشكلة كهربائية أو اكترونية فقد تكون من كلتشات الريوس وهذا يحتاج توضيب فك القير وتغيير الكلتشات والجلب والوجيه والصوف .