تقطيع واريد حل باترول فتك

[ولد بن حمد]

الاخوة الكرام عندي مشكلة بالباترول سوبر سفاري 2003ودي استشيركم عليها لعلي اجد حلها لديكم وهي اني وخلال رجوعي من السفر لحظت ان الموتر صار يقطع والسرعه 120 لكن الكمبرشن اذا وصل لحد 2ونص نزل ثم صعد المهم رجعت للرياض وقمت بتغيير كتاوت اطرمبة البنزين وكذلك الي بالمكينة من الجهه اليسرى بحسب مافهمت من مواضيع الاخوان بالمنتدى ان هناك عيب مصنعي بالقديمات حقات الوكالة لكن لحضت احيانا اذا جيت اتجاوز السيارات واذاوصل الضغط على 3 او قبل مايوصل صار يقطع بشكل خفيف واحيانا اول ما امشي يقطع خفيف علما اني مغير البواجي وصفاي البنزين وكذلك اعبي بنزين 95 ورحت اودي الجيب للوكالة قالوا موعد بعد اسبوع فما رايكم بالموضوع وشكراً لكم ملاحضة كانت لمبة المكينه تولع احيناً ويروح عزم السيارة وعلاجه كنت افصل اصبع البطرية لكن بحمد الله اختفت هذي وطلعت الي سبق شرحه

[$سهام الليل$]

في طريقه كنا سويها بالنيسان نغير في اسلاك البواجي ان شاءالله تظبط معاك

[رفيع المقآم]

الله يعينك وييسر امورك

[ولد بن حمد]

الباترول الجديد مهب اسلاك بواجي مادري وش يسونها

[ولد بن حمد]

وين اهل الخبرات وحد يقول نظف طرمبة البنزين الي بالتانكي؟

[قرم العيال]

اخوي مشكلتك كهربائيه بحته ..

يا حساس منظم الهواء >> كيف وضعك مع الفلتر تنظفه ولا لا !!

او عندك الكتاوت الي عند الدينو يا مكسوه قاعدته او شي ..

المهم لا تستعجل

ويجونك الشباب ما يقصرون ..
خصوصا مشرفنا سوبر فتك

[صباح القايله]

اخوى اتوقع من فلتر الهواء
انا كان عندي شبيه حلتك لكن اخف ولا يغرك شكل الفلتر من الخارج
غيره لا نتب خسران سعره عند الوكاله 170 وعند ابن ماضي 120 لكن اتوقع حق الوكاله احسن وشكراا

[ولد بن حمد]

صباح القايلة بارك الله وماقصرت لكن الاخوان الباقين اهل التجارب والخبرة وينهم؟

[مار صدفه]

شف الواير الي من الديلكو شيك عليه

[عبدالسميع]

شوف ونا أخوك لا تستعجل بتغيير بعض القطع وتزيد

نسبة

خسارتك أذا تقطيع بالسرعة شيك على فلتر الهواء نظفة أو

بدلة أذا كان من زمان موجود لآنه بصراحة مهم جدأ على

شان مايخرب عليك المنظم ....

وأذا ما تعدل شي معك شيك على براغي الثلاجة لايكون

مرتخي أو طايح ..

[ولد بن حمد]

الله بيارك فيكم يخوان وانشاء الله ابي انظف الفلتر لاني شاك فيه

[ق ب م 632]

تأكد من وزنيه الديلكو

لان فيه احتمال يصير منها بعد

[ابو99]

تأكد من نظا فة التانكي انا لقيته مليا ن وسخ وصدا وغيرت 5 صفايات و3 طرمبات بانزين وتحياتي للجميع

[ولد بن حمد]

الله يجزاكم خير يخوان والصراحه محتار من وين ابدى لكن الاسهل فالأسل

[ابو انس111]

شيك على السلك اللي بين البطاريه و المكينه الخاص بالماس تحصله مو موصل زين
كانت عندي نفس حالت موترك اللي موجوده الحين واللي اختفت بفصل البطاريه
مع العلم ان موتري فتك
ارجو اني افدتك
تقبل مروري

[aljthab]

افصل اسلاك البطا رية وصنفر الاصابع واطراف الاسلاك
وشدهن من جديد شد مزبوط

[ولد بن حمد]

والله يخوان يمكن عندي اصبع مرتخي مع اني شاد المسمار وخطر ينكسر لكن السيارة تشتغل عادي مع دقت السلف وبنسبة للفلتر نظفتة امس لكن ماتغير شي ابي اشوف الاصبع وارد عليكم بارك الله فيكم

[صباح القايله]

اخوي حبيت اقولك انا كنت انضفه بالهواء وغسله بالماء ولا ينفع لماء غيرته
لكن اخوي ان كان التقطيع يجي بشكل مستمر خذلك مشوار ونت فاك فلتر الهواء وجرب يمكن يصير منه
ون كانك بالرياض وهذا رقم ابو صالح التركي متخصص باترول 05044118191
رجال نصوح وفاهم

[ابو انس111]

شيك على السلك اللي بين البطاريه و المكينه الخاص بالماس تحصله مو موصل زين

كانت عندي نفس حالت موترك اللي موجوده الحين واللي اختفت بفصل البطاريه
مع العلم ان موتري فتك
ارجو اني افدتك

تقبل مروري


كان عندي نفس مشكلتك
شيك مثل ما قلت لك
و اعطيني النتيجه
الله ييسر امرك

[ولد بن حمد]

صباح القايله الشكر الجزيل لك ماقصرت والتقطيع مهب دايم احياناً ابو انس والله اني ثبت الاصبع لكن مافية فايده ماقصرت والله يجزاكم خير

[sarab88]

السلام عليكم كيف الحال اخوووي انا صارت مع بالباترووول رحت وغيرت الطرنبه وركبت الماني وطلع عزم الموتر مايحتاج صفى واحسن من اول وعسى الله يوفق الجميع:)

[فتك2002]

اخوي ابن حمد بشر وش صار عليك عساك لقيت المشكلة لأن المشكلة الي عندك انا اعاني منها موتري2002فتك انا اذاكان شاد عزمة الموتر مافي مشكلة بس اذا وقفت عن اشارة او غيرة يجه تقل يبي يطفى بعدين يبدى ايدخن اسود اذا طولت المشكلة معي تعطلت بواجية ثم اغيرله بواجي يورجع تمام بس اذا كشت عليه اكثر الاحيان يرجع التقطير وعلى هاسيرة والله العالم انه كتاوت حدى الحساسات بدلت الكتاوت على كلام الذيب سوبر فتك وما انحلت معي المشكلة (تكفى يا ابن حمد اذا عرفت المشكلة افدنى بأسرع وقت ) تحياتي......

[ولد بن حمد]

ابشر والله يالفتك ابي اجرب حاجه اذا ضبطت ولا ابي اوديه لتركي ابو صالح يمدحونه الربع

[و ا ك 700]

هذا عندي يا ابن حمد

البلا من فلتر الهواء بس مهب من الفلتر نفسه

البلا من من توصيلة الفلتر للمكينة (العامود حقه)

انا صار لي مثلك وما فيه شي ما غيرته لين رحت لي لم واحد فاهم وقالي لا هو اسلاك بواجي ولا بخاخات ولا صفاي بنزين << لان كل ذولي غيرتهن

فكلي هالعامود حق الفلتر وقعد ينظفه وحط به مواد تنظيف مدري وشن وبعده الموتر تمام التمااااااااام


اللي كان بموتري انه كان فيه تقطيع بالدعسة لا جيت ادعس تصير الدعسة مكتومة يقطع شوي ثم يفك ولا وقفت يبدى يهز تقل يبي يطفى يجلس على هالحالة يمكن دقيقة ثم تروح ثم ترجع وعلى هالحالة جلست يمكن حوالي شهر وانا ما بقى شي ما غيرته واخرته طلع من وصلة الفلتر

[و ا ك 700]

اذا تبي صورة للمكان قلي اروح اصوره لك وارجع << فاضي

[حاتم البدراني]

الله ييسر امرك

[سوبر VTC]

الله ييسر امرك
عندك التركي بالصناعية او العثيم في بريدة
غالب المشكلة و الله اعلم كويلات
او منظم الهواء

شف الرابط

مشاكل في الباترول الفتك 2005 وابي حل؟؟؟؟؟ (http://www.mekshat.com/vb/showthread.php?t=277088)

[فتك2002]

ولا عليك امر يا(و ا ك700) ولا يهون ولد ابن حمد والجماعة ابي صورة للعامود الي نظفته واكون لكم شاكر.

[سوبر VTC]

ولا عليك امر يا(و ا ك700) ولا يهون ولد ابن حمد والجماعة ابي صورة للعامود الي نظفته واكون لكم شاكر.


ههههههههه
يابعدي مهب عمود :D
يقصد الخرطوش او الهوز اللي بين القربة و لهاة الثلاجة
و بعضهم يتوقع اذا نظفت لهاة الثلاجه ببخاخ ايس ديلكو
يصفي الموتر

شف الخرطوش راكب على اللهاة الكبيرة => الامية



http://www.mekshat.com/vb/../pix/upload02/images77/mk53291_ond1.jpg



http://www.mekshat.com/vb/../pix/upload02/images77/mk53291_hjphjp2.jpg



تحصل الصور بتوقيعي عن ثلاجة الفتك

[ولد بن حمد]

حي الله الاخوان والله سويت كثير من التجارب لكن دون فايدة وهذي دخلتي للبيت وديت السيارة لبو صالح التركي وقال المشكله الله عالم حول التانكي يبي يشيك ويشوف العله ونشاء الله اني ابي اعلمكم وش صار معي والسلام عليكم

[و ا ك 700]

ههههههههه



يابعدي مهب عمود :D
يقصد الخرطوش او الهوز اللي بين القربة و لهاة الثلاجة
و بعضهم يتوقع اذا نظفت لهاة الثلاجه ببخاخ ايس ديلكو
يصفي الموتر


شف الخرطوش راكب على اللهاة الكبيرة => الامية




http://www.mekshat.com/vb/../pix/upload02/images77/mk53291_ond1.jpg








http://www.mekshat.com/vb/../pix/upload02/images77/mk53291_hjphjp2.jpg












تحصل الصور بتوقيعي عن ثلاجة الفتك







اييه هذا هو الخرطوش اللي بجمب اللهاة على اليمين اللي بهذلن بهذلة

مشكوور سوبر فتك على المسمى والله وش اسوي انا اشوفه تقل عامود او وصلة وقلته المهم الفكرة وصلت بس :D

[سوبر VTC]

اييه هذا هو الخرطوش اللي بجمب اللهاة على اليمين اللي بهذلن بهذلة

مشكوور سوبر فتك على المسمى والله وش اسوي انا اشوفه تقل عامود او وصلة وقلته المهم الفكرة وصلت بس :D


اصلحلك الله :D اجل عمود => عمود كرنك او عمود كردان :p
ليش بهذلك ؟

الباترول الصالون البخاخ م97 يجيه احيانا الموتر يكتم و مايمشي
العزم تعبان جدا
و السبب ان الخرطوش منشق منشعر يدخل هواء
و الحل يلفون عليه شطرطون عريض و يضبط
طيب
وش الفايدة تنظف ؟
تنظيف الخرطوش مايجيب نتيجة

[و ا ك 700]

اصلحلك الله :D اجل عمود => عمود كرنك او عمود كردان :p

ليش بهذلك ؟

الباترول الصالون البخاخ م97 يجيه احيانا الموتر يكتم و مايمشي

العزم تعبان جدا
و السبب ان الخرطوش منشق منشعر يدخل هواء
و الحل يلفون عليه شطرطون عريض و يضبط
طيب
وش الفايدة تنظف ؟
تنظيف الخرطوش مايجيب نتيجة








والله اللي كان قدامي قلته

كان عندي نفس مشكلة فتك 2002 وغيرت كل شي بالسيارة وحولت البنزين لـ95 وما بقى شي ما سويته

ورحت لورشة قالي من الخرطوش وفكه وقعد ينظفه وحط مادة مدري وشي بخاخ وبعده ضبط الموتر وعزمه رجه

طبعا كل هذا كان قدامي وقاعدن اشوفه

[ابو99]

السلام عليكم ورحمة الله وبركاته
ما قصرو الاخوان خاصة معلمنا الكبير سوبر فتك ولكن انتبهو لنظافة تانكي البانزين لقيته مليان تراب وصدا ولكم تحياتي

[بندررر]

تاكد من شخالة الكنداسه

[كاس العسل]

السلام عليكم

بقطع عليك المسافه وخذ العلم من مجرب .
يا الغالي هذي المشكلة عانيت منها لمدة سنة و شهرين ما خليت شي
موتري فتك 2002 كان عزمه موب الي ابي وكان فيه نفس مشكلة التقطيع ومشلكة لمبة المكينه والكتمه المرافقه لها .. وديته للوكاله واكثر من ورشه متخصصه في الباترول وكلهم قعدوا يفتون لي لكن ما اقنعوني ولو اني طاوعتهم كان كلف علي الموتر ما يقارب ال 10000 ريال والمشكلة ميب رايحه . .


غيرت الاشياء البديهية المتعلقه بالعزم مثل صفاي البنزين ( 40 ريال ) و غيرت الكتاوت الي في الرفرف الايسر ( 125 ريال)وغيرت البواجي ( 300 ريال وتزود شوي)وشيكت على الديلكوا وعلى الكويلات وغيرت الخرطوش الي بين فلتر الهوا و المكينه( سعره 500 ريال تزود شوي او تنقص شوي) وغيرت فلتر الهوى .صار فيه تحسن بسيط لكن موب الي ابي

وبعد المده هذي و التكلفه الماديه صارة المشكله للاسف من طرمبة البنزين .


غيرها وبتدعيلي انا مغيرها من شهر والحمد لله الموتر صار عال العال وراحة مشكلة لمبة المكينه
مع العلم ان قيمة الطرمبه اصليه عند بن ماظي 364 وعند غيره 520 وكلها اصلية وسعر التركيب ما يتجاوز 70 ريال .

اتمنى اني افدتك واختصرت عليك مشاكلي الي عانيت منها واي خدمه انا حاظر .

[اااالحبردي]

يابن حمد المشكله والله العالم في البخاخات والبرمجه لان هالمشكله احصلتلي من فتره في فتك 2004وغيرت بواجي ومن هالكلام الين دلني واحد الله يجزاه خير على ورشه صالح ببريدة بالصناعيه الجديده [طبعا صالح هذا رجل معاق وعلى كرسي متحرك لكن ماشاء الله ]
ماللك فالطويله المهم سوى تنظيف للبخاخات وكذلك اعادة برمجه والحمدلله الموتر عال العال
واااااسف على الاطله

[ولد بن حمد]

ابشركم يخوان وديت السيارة لبو صالح التركي والله والنعم شباب سعودي نصوح الله يجزاء من دلني عليه خير ويجزاء كل من تفاعل بالموضع خير المهم يشباب فحص الكمبيوتر لم يبين شي الطرمبة سليمه وكل الامور سليمه لكن التقطيع موجود أخر حل وكما نصح بعض الاخوان غيرنا فلتر الهواء ونظفنا الخرطوش الي سبق ذكرة واك700 ونزل صورتهvtcوضبط وطلعنا نجربة وراح التقطيع ورفض ابو صالح يخذ ريال حتى قيمه الفلتر حتى اجرب السيارة كم يوم ونتأكد ان المشكله راحت .الشكر الجزيل لجميع الاخوان الذين ساهموا في حل هذي المشله ونسأل الله ان يبارك فيهم ويجزيهم خير الجزاء

[TNT 11]

والله وانعم باابو صالح رجال تحطه على الجرح يبرى

[VTC-209]

انا الان معي نفس المشكلة تقريبا
اللي في بدايتها عند الاشارة اول ماتمشي ثقيل العزم تقريبا 100متر((كأن احد ماسك الموتر)) ثم ينطلق بسرعة واحيانا عند التقاطع اول ماتمسك الفرامل ثم تدعس يمسك شوي ثم ينطلق..

ومن الخميس الى اليوم هذا والموتر يالله يمشي وثقيل بالحيل وينتفض عند الوقوف

رحت الى التركي بالصناعية القديمة وكشف الهندي على الموتر فتح الغطاء ثم فتح لي اسود جاي من تانكي البنزين وقالي شغل السيارة وبدء يصب البنزين واذا دعسس حتى يتفتف يبدء يقطر لي البنزين واذا وقف رجع يصب ....
قالي الهندي على طوول طرمبة البنزين ...قلت له : ابجيب لك طرمبة البنزين حقت الوكالة..
قال ركب حقت Bmw ممتازة وقوية ..
السوؤؤؤؤؤؤاال :هل هي تركب مضبوط او تبي ترهيم وتقطيع اسلاك
او اركب حقت وكالة....؟؟؟؟

[TNT 11]

الافضل انك تسال ابوخطيب السعودي اللي بالورشه

وطرمبة البام معروفه بالقوه تصلح لمكاين الترهيم
ومن ناحيه التوليف العلم ان شاء الله عند الشباب