ثلاجة الطمرة!! هل من خبير؟؟

[أحمد1400]

السلام عليكم
عندي ثلاجة وارد الطمرة مقاس 50 لتر
مشكلتي هي مع اللمبة الحمراء
تعطي اشارة في كثير من الأحيان
ولا أعلم ما السبب!!
يا ليت أحد يفيدني عن الأسباب المحتملة
ومشكورين

[قناص خلاوي]

اخوي بكتلوج الثلاجة شرح للمبة الحمراء
يختلف معنى اشارتها حسب عدد وميض اللمبة
كل ثانيتين كل ثلاث ......الخ
ولو الكتلوج عندي كان كتبته لك
واكثر ما يسبب هالمشكلة ضعف الكهرباء
سواء بسبب طول سلك الكرباء بزيادة أو لضعف السلك اقل من 4 مل والأفضل حسب كلام فني صيانة الطمرة 6 مل ومايكون مزوج يعني السالب لحال والموجب لحال وتوصله من البطارية مباشرة.
أو بسبب ضعف البطارية وصغر حجمها .

واثناء تشغيل السيارة يضعف الكهرب على الثلاجة وتشتغل اللمبة الحمراء لكن بعد كم دقيقة تطفى اذا رجعت الكهرباء لقوتها .

[سرهيد]

السلام عليكم

تمنيت اقدر اخدمك في ذلك

ولكن بحسب ما اعلم انه يدل على ضعف الكهرباء

فهل تعطي الاشارة بعد وقت محدد ام مباشرة بعد شبكها .

النقطة الثانية شابكة في ولاعة مباشرة من السيارة اما هناك سلك اضافي بين الثلاجة والبطارية

تقبل احترامي

[عجمي]

عندك ضعف بالكهرباء
حاول تركب بطارية اضافية ومروحة للثلاجة وهي مهمة جدا

[أحمد1400]

قناص خلاوي
سرهيد
عجمي

أشكركم جزيل الشكر على تجاوبكم

وأنا كنت أعتقد ان الدعوى ضعف كهرب لكن عندي بطارية إضافية وتوني مركبها

[سرهيد]

وأنا كنت أعتقد ان الدعوى ضعف كهرب

اجل وش اللي صار طال عمرك

هل تبين معك شيء مثل ان هناك سلك اضافي او غيره

في انتظار ردك

تقبل مودتي

[أحمد1400]

خبيرنا سرهيد

أقصد أني أنا أيضا رأيي كان مثل رايكم، وهو أن الدعوى ضعف بالكهرب

لكن المشكلة ما لها دخل بالكهرب لأن البطارية الإضافية جديدة

أنا خوفي أن المشكلة غير الكهرب !!:(:(

[قناص خلاوي]

اخوي احمد
اذا انت بالرياض ود الثلاجة للطمرة بالغرابي
ويشيكون عليها يوم كامل تجلس عندهم بـ 50 ريال او اقل حسب مكاسرك
واذا الثلاجة سليمة يفحصون تمديد الاسلاك في سيارتك
اقول هالكلام من تجربة لي شخصيا ..
بالتوفيق والله يحل مشكلتك

[سرآآ آب]

أخوي شف بالخلف طفاي له ثلاث درجات الأولhi الثاني Med الثالثlow حطة على الثاني أو الأول إذاكانت السيارة شغاله وتمشي أما إذا أنت واقف ومطفي السيارة حطه على الثالث وجرب تكون بطارية السيارة من 75 إلي 80 أمبير ونوع أصلي وإذا البطارية من نوع أي كلام ماتنفع كذلك يوجد طفاي آخر لاكن ليس بذات أهمية دام إن البطارية بعمرها الإفتراضي أما إذاكانت بمراحلها ألأخيره أو رديئة فهو ضروري يحافظ على كمبروسرالثلاجة من التلف فهو يعمل كمنظم للكهرباء الواصلة فيعطي للكمبرسور إشارة فينطفي كي لايتلف مع ضعف الكهرباء وبالذات إذا كان محرك السيارة طافي ولا يشحن البطارية وآسف على الإطالة وتقبلوا
مروري.... وشكراٌ .

[الأجودي11]

السلام عليكم

أخوي أحمد / بنبهك على شغله , كيبل الكهرباء الواصل من الثلاجة للبطارية لازم يكون سمكه ثقيل مو كيبل عادي ولا يكون فيه كلبسات ( يعني توصيلات ) .. أنا نفس مشكلتك والحمد لله أنحلت ....

[سرهيد]

السلام عليكم

ما رديت علي بخصوص السلك المشبوك للبطارية كم طوله وما هي سماكته

ثانيا سألت لك خبير وقال اللمبة متى تولع ، لان قال طبيعي اذا شغلت السيارة انها تولع اذا كانت لها مدة ، والحل ، انك تفصل الثلاجة وتشبكها ثانية والسيارة شغالة وتطفى اللمبة

جرب وعطني خبر طال عمرك

[ابوحمد666]

خذ العلم اخوي
اشبك الثلاجه على البطاريه ديركت والسياره شغاله اذا طفت اللمبه فالمشكله من السلك عندك او ضعف بالبطاريه
اما اذا ما طفت اللمبه فا المشكله من قطعه كهربائيه(ايسيه) فما لك اللى تمر محل الطمره وذا طلبو منك سعر غالي عطني خبر وانا اصلحها لك
تحياتي لك

[ابوحمد666]

حبيت اقولك اذا كانت بطاريتك الاضافيه ايس ديلكو ولو انت مركبها قبل شهرين توقع المشكله منها لان البطاريه ليست كما كانت قبل

[أحمد1400]

قناص خلاوي
سرآآ آب
الأجودي11
سرهيد
ابوحمد666

أشكركم جميعا على تفاعلكم وتجاوبكم مع استفساري

بالنسبة للتسليك فهو من البطارية الإضافية مباشرة وهو
عبارة عن فيش اضافي ركبته خاص للثلاجة فقط
وبالنسبة للطفاي اللي عبارة عن 3 درجات فهو محطوط على الـ MID على طول.
طبعا أنا ما أشغل السيارة وكبروسر الثلاجة يشتغل إلا نادراً
وكلامك صحيح أخوي سرهيد ان اللمبة الحمراء تشتغل إذا شغلت السيارة، وفي هالحالة أفصل السلك وارجعه مرة ثانية مثل ما قلت

وأكرر لكم شكري مرة آخرى
وسوف أعرضها على خبير للمعاينة
ان شاء الله

[سرهيد]

بالنسبة للتسليك فهو من البطارية الإضافية مباشرة وهو

عبارة عن فيش اضافي ركبته خاص للثلاجة فقط




هلا بك اخوي الكريم

وهذا اهم نقطة يجب ان ينتبه له اهل الثلاجات وهو ان يتم الشبك دايركت من البطارية وبسلك سمكة اكثر من 4 م





.
وكلامك صحيح أخوي سرهيد ان اللمبة الحمراء تشتغل إذا شغلت السيارة، وفي هالحالة أفصل السلك وارجعه مرة ثانية مثل ما قلت



هذا كلام الخبير ابو سليمان وليس كلامي وهو سعودي الله يوفقه ويسعده ، لاني اتصلت عليه في حينها ولم يرد ولكنه رد علي بالامس فكتبت ما قال .



وسوف أعرضها على خبير للمعاينة




نصيحة بعدم عرضها الا للنظر فقط دون تغير شيء ، لانه من الواضح انه هذا امر في الثلاجات التي من هذا النوع ...

ان رأيت انه تكرر بعد ان تفصلها ، فيمكن العرض ، لكن ما دام انه سلكت فلا تعرضها على احد ، فقد يعبث فيها احد يدعي المعرفة ويخربها عليك .





وأكرر لكم شكري مرة آخرى




لا شكر على واجب اعتبره من حقك فالرأي وهذا هو واجبنا لفائدة الجميع

تقبل مودتي

[أحمد1400]

أخوي سرهيد
ما قصرت كفيت ووفيت
الله يجزاك كل خير

[قناص خلاوي]

اللمبة الحمراء تشتغل إذا شغلت السيارة، وفي هالحالة أفصل السلك وارجعه مرة ثانية مثل ما قلت




اخوي هذي صارت لي بالضبط
وفني الطمرة يقول عادية اترك الثلاجة كم دقيقة وتطفى اللمبة
انت جرب وتشوف بنفسك لو ماطفت ترى المشكلة في التمديد

[الوسيطاء]

اخوي اذا مالقيت حل للثلاجه انا باخذ منك الجرم لان الي عندي مكسور بشري الي عندك

وهاذا رقمي 0505257476

[naef_442]

http://www.mekshat.com/vb/showthread.php?p=6814954#post6814954