يالربع لا تستعجلون...

[عاشق نجد111]

مساكم الله بالخير
الجيوب النيسان طايحه قيمته هالايام عشان الصيف
انا موتري مطببه امس الخميس 95 اربع ابواب ولا سوا الا38000 على ان الموتر فل كامل ومافيه انظف منه يعني ماوراه شي..

المقصود

اللي ماعليه ضايقه وعنده صبر لا يستعجل يخليه للشتاء الجاي وبيسوا ان شاء الله..

للمعلوميه فقط

تحياتي....

[حزوبر]

وعليكم السلام
اخوي السوق بارد هالأيام ، البيع ثقيل على عموم السيارات

[SIF]

ماشاء الله
95 ب 38 ألف

ماوراه شيء أنا أخوك

واسأل أي صاحب سوق شريطي أو غيره

[سفاري959]

الله يرزقك انا ما ادري وش نظافه موترك لكن انا بايع 97 فل قبل ثلاث شهور الموتر ماشي لكن ما شاء الله عليه شيخ بعته 47000 لكن صدقني وانا اخوك الموتر النظيف يجيب حقه وزياده لو ما عطوه الشريطيه حقه يعطيه اللي هاوي وبيستعمل تقبل مروري

[عابر سبيل 2]

والله يالحبيب أنا اتوقع إنه وصل حده وزاد لأن هذا الموديل مايقارن بالموديل اللي بعده من ناحية الشكل والوسع والهربدة
تحياتي لك وبالتوفيق

[حاتم البدراني]

الي ماباع>>>> للحين ..............لايبيع الا اشتى الجاي انشالله كانا من الحيين
لانهن بدت ترجع اقيامهن

[فتك vtc]

والله هو الكلام هذا صحيح بس عاد في ناس كثيره او اغلبها منحده على البيع يا جالس يبنيله بيت او يبي يتزوج والله ما ودك الا تبيع موترك بالشتاء بس عاد كل واحد وظروفه والله يسهل الامور ...

[سيف الظفير]

يالربع البعض موترة يسوى 80 ويبي فيه 100.000


ترا البيع والشراء فيه كسب وخسارة بنفس الوقت

[باثفندر]

صادق ياخوي ،، وبعض السيارات ترتفع أسعارها كل ماعتقت ،،

أذكر النيسان الربع قبل 8 سنين أسعاره أرخص من الأيام هذه !!!

واحد شرى نيسان موديل 94 بـ 15 قبل 8 سنين

باعه الشتاء هذا بـ 22 !!!

طبعاً ماننسى تكلفه الصيانة كل هذه السنين ,,

مشكور على النصيحة ،،،

[مجنون باترول4800]

الا وانت الصدق السوق الشتاء هذا نايم على بطنة

[هاوي الترحال]

وانا اخوك لاترجي اكثر من كذا ترى هذي اسعار 98

[دحدوح المملوح]

تأكد من كتابة الرقم 38
يمكن تقصد 28

[الكونترولCONTROL]

قبل 3 سنوات معروض علي باترول نظيف 99 لونه زيتي أخضر
4 أبواب يسام بين 45 و 49 و اليوم لو تبحث عنه ما لقيته
فالأسعار تتقلب و ما لها قاعدة , و الله يعين اللي يحتاج سيارة نظيفة

[الامسك]

السلام عليكم ورحمة الله وبركاته

انا لدي تعليق بسيط على بعض الردود وكذلك صاحب الموضوع ....

اولا :

وانا اخوك هالايام ما يشتري الا الشريطيه ولازم يكسرون القيمه لانه ما راح يبيعه الا على قولتك الشتاء الجاي ....ويمكن يجيب قيمه ويمكن تطيح قيمته عشان مزاج الناس


والسوق مثلك عارف يتبع السمعه ولا يتبع الجوده

ثانيا :

ابسالك وانتم تبون الموتر تقعد الى الشتاء الجاي بنفس القيمه !!!! لو هالكلام صحيح كان ما عرفنا ان قيمة السيارات تطيح لو بعد 10 سنين !!!

ثالثا :

الجيوب مواسم واللي ما باع بالموسم لا يدور سعر بالصيف

الناس مثلك اذا جاء الصيف تبي سياره صغيره ولا تبي الجيب والا يعني الجيب بيكون غالي بكل وقت !!!

رابعا :

والله انا ما ني شريطي بس تبون الحق والصحيح رحمة الشريطيه من فعايل الناس فيهم والكلام اللي يرمونه عليهم ....

سبق وذكرت ان الشريطي يشتري بكسر قيمه لانه يدور مربح ولا ننسى ان الشريطي عنده اكثر من سياره واللي يقولكم ان الشريطي ما يخسر فانا اقولكم غلطانين كثير لكن هم يعوضون في بعض السيارات يعني الشغله شغلة اسهم يشتري اليوم وتتراكم عنده السيارات يمكن يجيه رزق ويبيع كل اللي عنده ويمكن ما يبيع الا سياره ويمكن ما يبيع شي

انا جالس ادور لي موتر في اكس ار من شهرين وانتظرت الين بدا موسم الصيف والله العظيم اكثر السيارات اللي كنت حاط عيني عليها بالمعارض وعند شريطيه طاح من قيمتها على الاقل 8 الاف ريال هذا وهو شريطي وقبل شهر كنت ابيه ينزل من الحد الفين ما يرضى يكلمني لكن الان نزل


ارجع واقول سعر اليوم ماهو مثل سعر امس وعمره ما يوصل بكره او السنه الجايه نفس السعر !!!


وبالاخير ياصاحب الموضوع ......

الله يهداك 95 وجاب لك 38 الف وزعلان ؟؟؟؟

يعني قولي بصراحه كم تبي فيه فرق 1000 او الفين ؟؟؟؟؟؟ حاسد الشريطي يعني اتوقع انه وصل قيمته وزووووووود بكثييييييييييييييير .....

وانا متاكد ان ما فيه شريطي بيسوم بهالسومه لو مهما يصير لان الشريطيه نفسهم واللي عندهم نفس موترك ما تتعدى مواترهم 35 الف !!!! بالموسم !!!!!!!!!!

[aooa]

احسن دعاية سياره قد شفتها في مكشات .. طريقة عرض ذكية جداً وخلى الناس تتعرف على سلعته وترفع اعلانه مجاناً ...

[ابوعابد1]

انا اخالفك اخوي المتواتر الزينه ماسكتن سعرة موتري باترول ربع 2006 شارية قبل 5شهور 70 الف قولو مشالله والحين يسام 72انت اخوي تحكم على موترك طيب الثاني ؟؟

(( بعدين موترك جاب قيمته بعة ازين لك ويقول المثل البيع فرج))

[ولد عم هتلر]

قالو ايش قالو خلوها تصدي هههههههههههههههههههههههههههههههه
انتو مصديه سياراتكم وتقولون ليش ما جابت سعر 95 وجاب 38 ياظالم غيرك يعني تبي غيرك ياكل40 الف علشان ترضى وتقولون قاطعو علشان تاخذ الي يرضيك انت وياه ولا هذا اذا الواحد مانغش بعد
يابوي الله حي الوكالة وحي سرقتها لي ولاتحي الي اشكالكم 95 ولا رضي 38 له 15 سنه وهويشتغل
احسب من يوم نزل من الوكالة كم كان سعره ولا تحسب كل سنه بألف ريال
والله ماودي اجرح في احد لكن ماقدر اسكت على الي اشوف
ويقولون وين المطر المطر ماينزل على طمع وجشع ولا يمكن سياراتكم ترتفع معا ارفاع اسعار حليب النيدو

[ولد عم هتلر]

وارجو من المشرف ليحذف الرد اني ماقلت هذا كلام ألى من القهر الي فيني كليوم انزل المعارض علشان جيب ولا لقيت ألين شريت كورلا ماتنفعني في البر كل يوم ونا راكب معا اخوياي

[نهر العطاء]

وتبي ازود من هالقيمة !!

الله يرزقك

[الغرابيM]

وارجو من المشرف ليحذف الرد اني ماقلت هذا كلام ألى من القهر الي فيني كليوم انزل المعارض علشان جيب ولا لقيت ألين شريت كورلا ماتنفعني في البر كل يوم ونا راكب معا اخوياي

ههههههههههههههههه ..

وكاتب ارجوا من المشرف يشوت الرد ..

ياخوي الرجال غاصبك تشري الواحد يكون محترم بكلامه والي ماطب السوق لا يجي هنا ويتفلسف معليش بس كلامك ماهو طيب...

كم واحد قدامي في السوق يباعن بأكثر من القيمه وزباينه اكثر من زباين الجديد لانهم يدورون النظيف واسمه جيب وانا اخوك واكيد موتر الرجال موصفاته حلوه ونظيف اجل لو اقوولك 97 ربع موصفات حلوه ماشي فوق الميه شي بسيط سومه 55 الف وحاده بـ 59 الف ريال وش تبي تقول ..

وهو قدم نصيحه للي معهم مثل موتره وماقال اشتر موتري ولاسومه الرجال وهو مهرقل قبل قبل شهر مشتري 93 من شايب بـ 33 الف ريال بديه وكاله وحب خشوم يالله باعنا ..

سعر الجديد غالي وانا اخوك غالي والناس تدور مثل هالموتر النظيف وتدفع فيه ماعندهم اي مشكله لانه مايملك سعر الجديد ولاهو رايح يحط بضهره دين على شان يركب موتر جديد ويكشخ الناس تبي جيب يشيله ويشيل اهله وموتر نظيف ولا فيه كلام ..

اسفين على الاطاله

[البرقاووي]

والله اناا اقول بيع احسن لك ..

[عاشق نجد111]

لقلت دخولي النت نسيت الموضوع

أشكر كل من تفاعل مع الموضوع ورد برحابة صدر والا منضغط

والأخو اللي عصب أنا أتمنى انك تفهم الموضوع انا ماجيت اشاور في قيمته ولا غصبت أحد يشتريه انا طرحت قيمته كمثال على نزول اسعار الجيوب (النظيفه).
وعلى العموم المثل يقول (اللي مايعرفك مايثمنك)

تقبلوا تحياتي ...

[التعـ King ـديل]

لاتزعلون ياشباب هو قصده ان الموتر حديد والحديد مرتفع هالايام يقولون بيطق 2600 للطن

ياراعي الموتر اصبر لين يرتفع الحديد علشان تبيع موترك

[الامسك]

ههههههههههههههههه ..

وكاتب ارجوا من المشرف يشوت الرد ..

ياخوي الرجال غاصبك تشري الواحد يكون محترم بكلامه والي ماطب السوق لا يجي هنا ويتفلسف معليش بس كلامك ماهو طيب...

كم واحد قدامي في السوق يباعن بأكثر من القيمه وزباينه اكثر من زباين الجديد لانهم يدورون النظيف واسمه جيب وانا اخوك واكيد موتر الرجال موصفاته حلوه ونظيف اجل لو اقوولك 97 ربع موصفات حلوه ماشي فوق الميه شي بسيط سومه 55 الف وحاده بـ 59 الف ريال وش تبي تقول ..

وهو قدم نصيحه للي معهم مثل موتره وماقال اشتر موتري ولاسومه الرجال وهو مهرقل قبل قبل شهر مشتري 93 من شايب بـ 33 الف ريال بديه وكاله وحب خشوم يالله باعنا ..

سعر الجديد غالي وانا اخوك غالي والناس تدور مثل هالموتر النظيف وتدفع فيه ماعندهم اي مشكله لانه مايملك سعر الجديد ولاهو رايح يحط بضهره دين على شان يركب موتر جديد ويكشخ الناس تبي جيب يشيله ويشيل اهله وموتر نظيف ولا فيه كلام ..

اسفين على الاطاله



السلام عليكم ورحمة الله وبركاته

اخوي المدهش اعجبني ردك كثييييييير خصوصا انك نزلت اليوم موترك سفاري 94 للبيع خخخخخخ

يعني تسبق وتثبت موضوع السعر خخخخخخ

[الامسك]

انا ابعلث تعليق اخير طبعا عن نفسي انا .....

ادري ان الرجال ما جبر احد يشتري موتره ...

واسمع ناس تقول لك اذا لقيت موتر للبيع يا سومه مثل ما يقول راعيه والا لا تسوم ...

يعني لو قال راعيه مسيوم ب 100 برى الموقع لازم تسوم فوقها والا لا تسوم ....

يعني هو لو بيشتري من المعارض ومن الساحه ويلقى السومه امس والا بمعرض ثانيه بيقول لا نبي سوم اليوم واتوقع هذا تصرف كل واحد فينا صح والا لا ؟


طيب المطلوب من كل واحد لما يشوف شي يسكت ....


يعني نتعلم السكوت والسمع والطاعه فقط ...


لا ونلووووم الشريطي ........


اسمعوها مني انا ..... والله يا اللي بالمواقع هم ادهى وأمر من الشريطي بمليون مره ...

اذا جاء ببيع يبي يبيع فوق قيمة سيارات الشريطيه ...

واذا جاء بيشتري يبي سعر اقل من كل السوق .....

وبالاخير يسب ويلعن السوق والشريطيه ومغالاتهم ! ! ! ! ! ! ! !

وبالاخير مطلوب مننا السكوت ! ! ! ! ! ! ! ! ! ! ! !


يا اخوان اتوقع كثير منا ليسوا مراهقين او صغار سن .....

لذا ....

انا لما اشوف واحد يزيد الكيله احب ارد عليه ....

وغيري نفس الشي ....


لانه بالاخير لو كل واحد حاول يزيد الكيله
ولقى ناس مترصده له

صدقني ما تشوف التلاعبات وارقام الخياليه اللي بالنت ....

وعلى طاري الجيوب ....

شوفوا اسعار النت الان وشوفوا اسعار السوق ( الشريطيه ) بتلاقونه الشريطيه ارحم بكثييير

انا مع التصدي لتجار النت المشفوحين جدا جدا جدا

[ولد عم هتلر]

ياليت نعرف عدد الي اشترو من المنتدى لو جا 100 يعتبر قليل بنسبة لحجم المنتدى
وهذا يدل على ان فيكم رجال تبي تبيع

[ولد عم هتلر]

فيكم رجال صاملين ولهم نية يبيعون مو ب واحد يبي يتسلى في المنتدى

[ولد عم هتلر]

وما شاء الله عليك يالمدهش منور منتدى الأعطال بالنظيف
ومنور قسم السيارات بأستفساراتك عن اعطال النظيف
حركات الشريطية قديمة يمدح المواتر علشان يبيع

[سراي-01]

السلام عليكم,,,,,,,كلام الاخ الامسك صح ميه بالميه ...تحياتي للجميع

[المقيرش]

السلام عليكم
اخواني صحيح السوق نايم هالفترة طبيعي كل سنه هالوقت لان الناس باجازات وسفرات ولاسواق فاضيه وانتم تلاحضون
يبي له بعد رمضان وابشرو بالخير بس بالاسعار المعقوله مندون مكابرة وانا شريطي وصدقون على باب الله يوم اكسب ويوم اخسر بس الي يعوضن اني مكانيكي اخذ واصلح
وحتى محاكيكم الحين متورط بجيوب ماليه البيت
1 فتك صالون مرشوش كامل ابي به 58 يالله الشريطي رخيص او غالي لا وبعد الثاني
2- سفاري صالون 98 ابيض يحبه قلبك ب33وش رايكم
3- ربع سلقة قطري 92 مكمل وجاهز رووووعه ماشالله عليه 23 وش رايكم اخوانه موقفات عندنا بالمعرض ماجهزن ولا شي قرمبع على 24الف
يالله وش قلتو بالشريطي ارحم ولا اظلم
الكلام بالمعقول يالربع وبالتوفيق

[بيتر بن عدوان]

ههههههههههههه ماشالله لا اله الا الله خمس وتسعين جايب 38 وزعلان ياخوك العام بدخنه واحد ماماشاء الا ميتين ومافيه ولا صدمه ولونه مطلووووووووب عنابي بذهبي وبيع 35 وكل المواتر الي باتسعين خلاص هاذا حده يعني تبي تبيع 95 ب 50 مثلا ؟؟؟؟ الله يزرقك على العموم مع انها ماكد مرت علي سومتك على كثر ماشريت بالباترول القديم مثل موترك

[SRAAAB]

السلام عليكم
بالنسبة لموضوعك أنا واقف على باترول 2001 عسلي ماشي 200.000 وشوي
سمته بالـ45 ألف وزعل ؟؟؟؟؟
قلت حده علي قال من حد لد حجرته كذا بس أبغا أعرف اللي في باله قال :
( في بحور الـ60 ألأف )
بالله عليك هذا سعر مجنون أبشترية لو إنه ألحين ماشي أصفار
على العموم ماذبحنا إلا الشريطية لين مسك في موتر نظيف والله لو يقعد عنده سنين
أما مثلاً واحد شاري الموتر قبل 10 سنوات بستين ألف وبعد ماكرفة يقول أبغا فيه 55 ألف هههههههههه:D
شي يمغص البطن من الضحك :f
الله يستر بس من حب الدنيا
لاحول ولا قوة إلا بالله
والله يعطيك العافية على الموضوع
وأنا أقول كل واحد حر بحلالة بس بالمعقول

[bn_501]

الله يستر عليك اخوي


ويرزقك



بس السعر فوق فوق


انا واقف على باترول احمر بذهبي ماشي حول 250 الف مافصل على يد شايب

داخليته ان كان فيها وصخ او شق بيعطيك الموتر هديه


الموتر شد بلادهـ حتى الاستبنه موديلها 93


ويسام منه 28
وحدهـ بـ30


وسعرهـ معقول



وانا وقفت على موتر شريطي باترول 91 به سمكره بالرفرف


يقول بـ 33


يعني مااستغلنا الا هالشريطيه الي يلعبون بهالسوق

والنت يرفعون فوق الشريطيه بعد

[الليزر....]

تبيع ب30 صافي

















هذوالا الشريطيه يكسر ابو الموتر وأنا أخوك المواتر تراى قيمتهن ثابته بشتاء أو الصيف لكن بالصيف ماحد يرغب بالجيب ولا لو يجي واحد يبي الموتر وخاطبه بشرط يجيب فوق قيمته بالشتاء فيعني العرض موجود والطلب غير موجود....

تقبل مروري