مشكلتين بالباث ومالقيت لها حل وينكم يأهل البــــــــاث ؟؟؟؟

[أبولمااااار]

السلام عليكم ورحمة الله وبركاته
مشكلتي هي : باث فندر 2005 عندي صوت بالباب الخلفي قرقعه مزعجه وما عرفت لها حل فكيت الباب وربطت جميع المسامير وشديت عليها لاكن مازالت (القرقعه) وكذالك الباب احيانا يفتح واحيانا ما يفتح ياليت تعطوني حل لها ؟
والمشكله الثانيه : اذا شغلت السياره فيه صوت صرير للسيور عند المكينه قوي يستمر لمدة دقيقه وينقطع غيرت جميع السيور جديده وشديت عليها قعد معي اسبوع ورجع الصوت كما هو ؟ ياليت تساعدوني والله يعطيكم الف عافيه

[abo tayyar]

هلا بك أخوي أبو لمااار ...

مشكلة الباب الخلفي هذي عموما موجوده بالباثفاندر 2005 وتحت وهي من الحديده أو الممسك حق الباب الخلفي اللي على شكل U بس بالمقلوب الحل هو انك تحط تيب على الحديده بس مشكله يتقطع مع الوقت .. وفيه حل سمعت عنه لكن ما جربته وهو انك تضرب الحديده هذي بالشاكوش او بأي شي ثاني المهم وتخليها على شكل V بدل ما هي على شكل U .....

بالنسبه للسيور اللي ركبها لك ما ضبط شدها أنا كانت عندي نفس المشكله شدها وراح الصوت بعدين رجع .. رجعت له وشدها مره ثانيه ورجع لكن الثالثه ثابته :good2: :good2:

[أبولمااااار]

أبو طيار
مشكور على الافاده والله يحرم وجهك عن النار

[الطنب]

بفيدك من خلال تجربه بس باث فندر 2002 القرقعه يمكن من اللوحه تضرب بالباب اعملها حاجز عن الباب وجرب السيور تطلع صوت لما تنشف اوتجف ماعليك منها خلها ويروح الصوت

[الباثفندر 3.5]

السلام عليكم ورحمة الله وبركاته
مشكلتي هي : باث فندر 2005 عندي صوت بالباب الخلفي قرقعه مزعجه وما عرفت لها حل فكيت الباب وربطت جميع المسامير وشديت عليها لاكن مازالت (القرقعه) وكذالك الباب احيانا يفتح واحيانا ما يفتح ياليت تعطوني حل لها ؟
والمشكله الثانيه : اذا شغلت السياره فيه صوت صرير للسيور عند المكينه قوي يستمر لمدة دقيقه وينقطع غيرت جميع السيور جديده وشديت عليها قعد معي اسبوع ورجع الصوت كما هو ؟ ياليت تساعدوني والله يعطيكم الف عافيه
اخوي المشكله مو بس معاك مع كل اللي عندهم باث و خصوصا صوت الباب الخلفي بالشتاء يبين اكثر و في شغله ثانيه بعد هي تحرك كرسي الراكب مع صوت منه عند المنعطفات

[ابودعسان]

حط زيت على البكرات كلها عشان صوت السيور

[عاشق الغضا]

مشكلة الباب عليك بالشطرطون لف عليه مرتين ويضبط ,,,والسيور شد السيور

[أبولمااااار]

يعطيكم العافيه يالنشااااااااما على التفاعل
الله يوفقكم ويبيض وجيهكم

[عبدالرحمن السالم]

لا ان شاء الله كل شى وله حل ، وامرك بسيط
الشباب ماقصرو عطوك الحل الشافي


بالنسبة لصوت السيور شد السيور وماعليه خلاف ان شاء الله


اخوي المشكله مو بس معاك مع كل اللي عندهم باث و خصوصا صوت الباب الخلفي بالشتاء يبين اكثر و في شغله ثانيه بعد هي تحرك كرسي الراكب مع صوت منه عند المنعطفات


لان الشنطه مع كثره الفتح والتسكير لابد يرتخى شوي وهذي المشكله بكل السيارات إلى لها شنطه كا الاندكروزر خلفيه الكزس وغيره من السيارات إلى تجي شنطه ، بالنسبة لكرسي الراكب انا حصلت معي ونظفت الحدايد إلى تمسك الكرسي داخلها رمل وضبطت الشغله :good:
جربها وان شاء الله تروح :good: