المساعد الشخصي الرقمي

مشاهدة النسخة كاملة : عندى تصوير فيديوا للسحابة الى ضربت الرياض عام 1416 وكسرت ودمرت


خالد العوض
11/02/2005, 03:36 PM
عندى تصوير فيديوا للسحابة الى ضربت الرياض عام 1416 وكسرت ودمرت تصوير من قبل المطر وبعدالبرد .واناء الحقيقة من محبي تصوير السحب لى اكثر من 20 سنه اسم السحب ومايتبعها وجميع المصطلاحات الخاصه بالسحب اعرفها من أ الى ي وش تبون من معلومات انا مستعد
صقر
11/02/2005, 04:19 PM
حياك الله اخوي خالد العوض ونحن لا نستغني عن خدماتك وخبرتك وعلمك

فالكل في مكشات يفيد ويستفيد .... نفع الله بعلمك الاسلام والمسلمين.

وبارك الله فيك.
ابو_حمد
11/02/2005, 04:23 PM
السلام عليكم ورحمة الله وبركاتة (((( اخي خالد العوض علي الصور التي عندك من السنة 1416 ليش تبخل علينا فيهن ومشاهد الصور الي ذكرة المنتدي يحب كل جديد شكرا لك اخي
ابوفهيد
11/02/2005, 07:04 PM
يعطيك العافيه علي جهدك

وياليت اخووي ماتبخل علينا وتعطينا رابط الفديوو ومن الصوور الي عندك :j
صوت المطر
12/02/2005, 12:22 AM
أهم شي إنك ما تطارد السحب اللي رايحه جنوب وتدري إنه خلاص الجو كنسل جاك المرتفع السيبيري

اللي يبيله أسبوعين ويفك مخليلك السماء كأنها نيل أزرق صافي ... يا سبحان الله ..

كم دجيت من البنزين وهالحين أستبدلنا ديزل عشان مطارد هالسحب لحوووول غصب علينا .. فتنة

ومثل ماقالوا الأخوان لا تبخل علينا ولو بكميرك الفلاش أو الرقمية نبغى صور ثابته ماهي مشكلة ..

وتحياتي لك ..
خالد العوض
12/02/2005, 01:11 PM
معليش والله ماعرف وشلون اسوى علشان احط التصوير وبعدين التصوير طويل ماخليت شي ماصورته وعندي بعد تصوير فقع وحنا نلقط زبيدي على كيفك كله مصليع وكبير جداً عام 1418 وربيع وخير بس المشكله اني ماعرف انزلها الجهاز وشكراً
ابو محمد
16/02/2005, 04:59 PM
الأخ خالد العوض
انا حريص جدا جدا على رؤية السحابة التي ضربت الرياض عام1416
فأنا كل من سألت من أخوياي هل عندكم تصوير يقولون لا
فليتنا نشوفها
اما على الموقع
أو اي طريقة اخرى
خالد العوض
17/02/2005, 06:10 PM
احاول اشوف لي طريقه قريباًً لانه فلم عن جد يستحق العرض منظر للسحابه ماشافت عيني له مثيل
(اكثر من 25 سنه في مطارد السحاب )
راعي الكيف
17/02/2005, 06:25 PM
ياخي نزلها تراك شوقتنا لها والله ..........................

وان كانك ما قدرت ارسلها على عناوين البريد لنا وانا من اول اللي يحطون بريدهم وهو camry_2@hotmail.com

اشكرك على هالموضوع
رفيع الشان
17/02/2005, 10:46 PM
أخوي خالد العوض .. نسأل الله أن يجزيك خير الجزاء والشخص في مكشات يطلب رضاء الله والاجر ثم الفائده للناس ...


اذا كان التصوير شريط فيديو من المستطيله فيه ناس عندهم خلفيه تحويله الى سي دي ويمكن احد من اللي عنده خلفيه يتبرع بهالموضوع وبعدين يضغط حجمه علشان يصير سهل التنزيل وكتابة اسمك على طول فترة الفلم لحفظ حقوقك :)

وعسى الله يكتب اللي فيه الخير
ابو وطبان
18/02/2005, 01:24 AM
اخي خالد العوض جزاك الله خير ونرجوك ان تنزل الصور لانها كسرة علي سيارتين وهي واقفه عند البيت
الربذي
18/02/2005, 06:59 AM
اخي خالد العوض الرجاء تدبير الفلم شوقتنا او ارساله لاحد الاخوان فعلا تلك البردية مدمرة
العودالأزرق
18/02/2005, 10:53 AM
اخي خالد نرجو المسارعة في انزالها هنا في مكشات لنتمكن من مشاهدتها
""الشاهين""
18/02/2005, 01:46 PM
متى يبدأموسم الأمطار الربيعيه أو ماتسمى بالصيفيه.وأرجو منك معلومات عن هذه السحب.
بارق الضحى
18/02/2005, 07:42 PM
السلام عليكم
عندي سؤال :
هل أنت من قام بتسجيل هذه المشاهد, لأنه أنا أيضا قمت بتصوير السحابة قبل وأثناء وبعد .
فأ تمنا أن أشاهدها من عدسة أخرى .
ودمتم
ربيق
18/02/2005, 09:32 PM
أخوي
نبي الفلم تكفى
.
ولطريقة إنزالها فيه طرق احترافيه باليوليد أو بالبريمير أو بالافتر افكت
وفيه طرق عادية
بالبرنامج اللي يجي مع الأكس بي وهو ( موفي ميكر )
ولكن لابد أن يكون لديك كرت فيديو
راعي الحزم
19/02/2005, 06:58 AM
ربيق هههههههههههه أنت تهرج عربي والا انقليز وشو باليوليد أو بالبريمير أو بالافتر افكت وشو ميفي ميكر هذا لاعب أجنبي بنادي الهلال والا وشو

أثري ما أعرف الا الفاره ولوحة المفاتيح
وين تصوير البرديه عجل علينا يا أبو عوض
بليزر
19/02/2005, 07:05 AM
حياك الله
بين اخوانك و ربع يحبونك
ويحبون السحاب معك
خالد العوض
19/02/2005, 08:40 AM
باالنسبة الى الأخ بارق الضحى التصوير انا الى مصور السحابه بنفسي وهم 2فيلم كامير فيديو تشمل تصوير السحابه قبل ماتضرب على الرياض وصورت وهي تضرب في مخرج10 فيه مشاهد طريفه والسحابه تضرب وفيه مشاهد مرعبه خاصة في بعض الأنفاق ,وفي العماريه مشاهد دمار وفيها تصوير من بكره لى اثار السحابة وباالنسبه واحد يقول وصف السحابه اقول يعجز السان
عن وصف منظر عجيب تجلت قدرت القادرسبحانه وتعالى في رسمه ويكفي ان تعرف انه اهل الخبره يقولون انه باقي على السحابه كم درجه وتصبح بقوة أعصار كانت سحابة تجعل الانسان يتدبر في قوة الخالق سبحانه وهذي من ايات الله في الأفاق (سنريهم آياتنا في الآفاق وفي أنفسهم) صدق الله العظيم -انا ادري اني طولته معكم لكن انا مستعد احط رقم جوالي لوحد منكم وهو يقوم بتنزيلا لمشاهد المناسبه للعرض لانه الفيلم طويل او راي ثاني ان كان احد يعرف احد من حقين قناة المجد وهو يزبط الفيلم ويعرضونه ويسمون الفيلم يوم في ذاكرت الرياض او يوم غير عادي انا ما عندي مانع وانا ما ابي شي مقابل الفيلم من احد ولا تطلع صورتي في الفلم وشكراً انا في الرياض ساكن (المعذره على الاملاء ما عرف اكتب سامحون.
خالد العوض
19/02/2005, 08:46 AM
وسم الصيف ياخوي يا الشاهين يدخل في 10/3/1426 والله اعلم
ابو محمد
22/02/2005, 08:47 PM
أخوي خالد
هل من الممكن اذا ماكان عليك كلافة أويسبب لك احراج انك تنسخ الشريط وتعطيناه -اكرر اذا ما كان عليك كلافة او يسبب لك احراج - لأني حريص عليه جدا جدا
فأنا أذكر السحابة زين وكان لونها اخضر والرعاد فيها يطحن مثل الرحى ان لم تخني الذاكرة
مخاوي سحاب
22/02/2005, 09:01 PM
عجل علينا بابو وليد فا جئنا مثل ما فاجئتنا السحابة
خالد العوض
22/02/2005, 09:40 PM
ما فيه مشكله بس انا ودي الجميع يشوفون الفيلم ,,,, طيب المحلات حقت الانتر نت لو اروح وقولهم نزلولي الفيلم على المنتدى ينزلونه او يرفضون فيه عند بيتي محل بس مدري عنه يطيع او ما يطيع ابا اشوفه وارد لكم
سيف الرعد
24/02/2005, 10:12 AM
عجل


شوقتنا يالغالي
ابو_حمد
27/02/2005, 11:44 AM
وعليكم السلام (((((((((( اخي الفاضل ))))))) الله يعطيك الف عافية حنا نسمع كلامك بس ماشفا شي اذى ودي ترسل موضوعك ارسلة والا بلاش احترامي الخاص بدون زعل شكلك ماودك :director: :type: :type:
برق الحيا
27/02/2005, 12:50 PM
ياجماعه شوفوا لنا حل انشاء الله صوره عنها لأني سمعت عنها الكثير الكثير ولكن لأسف ماشفتها ....

تكفون لو صوره
ابو محمد
08/03/2005, 03:46 PM
وش اخبار الفيلم يا أخوي خالد؟
ترانا ننتظره على أحر من الجمر




amm51150@hotmail.com
Maxima
08/03/2005, 08:16 PM
واحد يتبرع ياخذ الفلم ويحطه في المنتدى
خالد العوض
08/03/2005, 10:43 PM
والله فيه واحد من عيال الديره بالرس اذ رحت انشألله اعطيه يحمله على الانترنت ويحذف بعض القاطات
وابشرو يجيء في وقته واذ نزله نبي نسوي اعلاان والله يحفظكم
3:16
09/03/2005, 01:52 PM
حمطتنا يا خالد العوض صارت سعابيلنا تقوطر تقول كننا ماقد شفنا سيول وغرق وطوفان << الولد عايش في بنقلادش


ودك يا خالد العوض انك تحمل لهم ملف عادي لأي سيل لو من ورا بيتكم حتى يتناتقون الشباب يجون يمك حتى يزنطونك ويرتاحون من هالموضوع وراعيه << لا تزعل تراني امسح شوي ومزحي ثقيل تقول باكستاني عايش في اليمن:)
srk
10/03/2005, 12:30 AM
الاخ خالد العوض .......
السلام عليكم ورحمة الله
اذا ودك انا مستعد ان اخذ نسخة من فلمك وانزلها لأعضاء المنتدى على شكل مقاطع صغيرة يسهل تحميلها وفي اسرع وقت ..
عند موافقتك راسلني على الايميل ولعيون الشباب وتقديرا لخدماتهم نفعل المستحيل
نبي نرد بعض جمايلهم
بن عبدان
10/03/2005, 07:27 AM
اخوي خالد العوض
مشكور على المجهود الطيب
اتمنى مشاهدة
ما صقلته يداك من تصوير
مشكور
هذا ايميلي بعد
alabdan44@hotmail.com
sarab99
10/03/2005, 08:35 AM
ارجو ان ترسل لي رقم جوالك على الايميل abofahad9@awalnet.net.sa


وسوف اقوم بالاتصال بك ونسخ الفلم وانزاله هنا للاعضاء .

وشكرا لك
الطرشي
11/03/2005, 02:45 AM
اخوي خالد ترااااااااااك

سحبت فينا من شرورة لين القريات


اخلص الله يجزاك خير
أبــوريـــان
11/03/2005, 02:53 AM
تراااااااانا متشوقين اخوي خالد
فتاق الرباضات
12/03/2005, 01:22 AM
عجلوا علينا يالربع .
srk
12/03/2005, 05:25 PM
انا عند وعدي لعيون الاحباب
جاهز للخدمه saadrk@hotmail.com
خالد العوض
13/03/2005, 09:55 AM
شف الصور على الربط هذا
http://www.mekshat.com/vb/showthread.php?p=218944#post218944
متفائل جداً
31/01/2007, 10:57 PM
عندى تصوير فيديوا للسحابة الى ضربت الرياض عام 1416 وكسرت ودمرت تصوير من قبل المطر وبعدالبرد .واناء الحقيقة من محبي تصوير السحب لى اكثر من 20 سنه اسم السحب ومايتبعها وجميع المصطلاحات الخاصه بالسحب اعرفها من أ الى ي وش تبون من معلومات انا مستعد
السلام عليكم
جزاك اللخير يا ابو محمد ممكن تعيد تنزيل الفيلم ، وتعيد لنا ذكرى تلك السحابة الهائلة .
الابرقين
31/01/2007, 11:07 PM
اخي خالد جزاك الله خيرا وياليت تضيفه لموضوعي بعنوان اغرب الامطار وتعيد نشر الصور والفلم لم اشاهدها ولك جزيل الشكر
مستبشر
31/01/2007, 11:08 PM
هذي سحابة تا ريخية تستحق التسجيل والتوثيق واذا كان بالامكان كتابة اسمك على الفلم فهو أفضل حفاضا على عملك وتقديرا لجهدك
قمة الثلبوت
01/02/2007, 04:08 AM
شف الصور على الربط هذا
http://www.mekshat.com/vb/showthread.php?p=218944#post218944
الصور ماتطلع اعد رفع الصور الرابط هذا شكله قديم
مزاااجي300
01/02/2007, 04:10 AM
<<<<<<<<<<<<<< ينتظر الفلم :(
راشد بن محمد
01/02/2007, 06:57 AM
هذا الموضوع قديم

ولم يتحقق الهدف المنشود من الموضوع ..... أي ( لم نرى أي مقطع لتلك السحابة العظيمة )


نتمنى إحياء الموضوع من جديد وإيجاد طريقة مناسبة لإخراج الفلم
مروي السيف
01/02/2007, 01:50 PM
عجل علينا ياخالد شوقتنا تراك :(
والسحابة حقا تستاهل التصوير
وسبحان الله
السحابة من قوتها تسمع صوتها قبلها حتى ان صوتها جاء قوي قبلها بلاحظات ولانعلم ماهو الصوت
الى ان جاءتنا البردية القوية حتى ان اللوحات حقت المحلات تكسرت
مرات عشقي
03/02/2007, 11:00 AM
عجل علينا يبو محمد.....

بالصورر...
أبو محمد 2007
03/02/2007, 12:26 PM
عجلو بصور بسرررررررررررررررررررررررعه
نجم 1
03/02/2007, 01:57 PM
على أحر من الجمر لمشاهدة الفلم

الله يعطيك العافية
سكتون
04/02/2007, 06:49 AM
!!!!!!!!!!!!!!!!!!!!!!!!!!!!!!!!!

وين الصور ياخالد
ولد هميلان
04/02/2007, 07:00 AM
سبحان الله العظيم
srk
04/02/2007, 08:02 AM
يا خالد الله يستر عليك من سنتين وانت تطري هالشريط معقولة مالقيت حل وانا في هالموضوع ابديت استعدادي لخدمة الشباب وتقطيع اشرطتك الى مقاطع صغيرة يسهل تحميلها وغيري ابدى نفس الخدمة والى الحين ماصار شي
امل ياغالي انك تنهي الموضوع باسرع وقت وتلبي طلب الاعضاء ومازلت عند وعدي
وان كان عندك مقاطع خاصة لك احجبها
ولك الشكر
خالد العوض
04/02/2007, 09:04 AM
السلام عليكم ورحمة الله وبركاته وبعد
مقاطع من الفلم تم وضعه في المنتدى بعد هذا الموضوع واعتقد ابوريان يحتفظ ببعض المقاطع
وايضا تم انزال بعض الصور على العموم
الحين الدي سي ال مقطوع وبأذن الله اول مايتوفر عندي انزل لكم الفلم بشكل افضل بس الله يستر اذا ماكن الفلم خرب مع الزمن
http://www.mekshat.com/vb/showthread.php?t=35642
ls460
04/02/2007, 09:27 AM
أخوي خالد هل بالإمكان أن توصل لي الفلم بأي طريقة ونسوي له مونتاج كاااامل بأجهزة احترافية ؟

وأنا ما أبي ولا ريال

إذا ممكن أرسل لي رقمك على الخاص ...

وومكن ينزل الشريط في محلات الرحلات ويكون التكلفة تغطى من بيع الشريط

بإمكانك أرسال رقمك وأسوييييييييه لك من طقطق لسلام عليكم :)
ابداع حدودي
04/02/2007, 10:59 AM
اتمنى ان ارى هذه المقاطع والصور لاني اعرف كثير من الناس مشتاقين انهم يعرفون اللي صار في ذاك الوقت ...
وإذا ماتعرف ياأخ خالد شوف واحد من الاعضاء يساعدك فيها لأن كلنا مكملين لبعض ...
شكرااااااااااا