الفزعه يامكشاتيين

[المساهر1]

موتري gxr2001 فاكه على يدي من الوكاله فيه تقطيع مزعج عند القومه فقط او عند التهدئة ثمن اعطيه نمره يقطع
غيرت صفاية بنزين وغيرت بواجي ونفس المشكله علماً ان ممشاه حوالي 200.000كم
فزعتكم الله لا يهينكم

[_دربيل_999]

ياهلا فيك اخوي المسافر..
التقطبع في السيارات مسبباته كثيرة وصعب تحديده بالضبط..
نظام البنزين وما يتعلق به يسوي التقطيع..
نظام الكهرباء الخاص بنظام الحقن يسوي تقطيع,,

عزيزي فحص الكمبيوتر ترى يحدد لك المشكلة ويفكك من التكهنات والخسائر..

وفقك الله..

الروقي

[المساهر1]

شور طيب من راس طيب ( بيض الله وجهك)

[وايلي شمالي]

كلبريتر ولا بخاخ اذاكان كلبريتر ممكن منه لانها صارت معاي او من نظام الكهرباء الخاص بنظام الحقن يسوي تقطيع

[نايف الكشات]

لايكون صاب فيه من المنظف اللي عند المحطات تراهم يقولون يبقى اثره شبيه للماء ويسبب تقطيع لفترات طويله واذا كان كبليتر لابد من تنظيفه
لكن افضل حل مثل ماقال الروقي اعمل فحص كميوتر وهو الحل السليم لانه يدلك على المشكله مباشره

[الوسم]

موتري gxr2001 فاكه على يدي من الوكاله فيه تقطيع مزعج عند القومه فقط او عند التهدئة ثمن اعطيه نمره يقطع




غيرت صفاية بنزين وغيرت بواجي ونفس المشكله علماً ان ممشاه حوالي 200.000كم

فزعتكم الله لا يهينكم






إذا كنت موجود في الرياض مر الوكالةاللي في الصناعية القديمة ( الرشيد )



فحص كومبيوتر في ساعه وهو معطيك الخبر وإن صلحته عندهم خصموا قيمة الفحص




وإضاهر إن المشكلة عندك من حساس فلتر الهواء والله أعلم

وقبل ما تروح عندهم فكه بحرص ونظفه ونظف فلتر الهواء





وجررب وعطنا العلم بعد ماتجررب

[المساهر1]

الموتر بخاخ وحساس فلتر الهواء ماعمري شفته لكن بفحصه من باكر
وشكرا لكم على مشورتكم الله لا يهينكم ويكتب اجركم

[شامخ ألهيلا]

اخوي المساهر
غير فلتر الهواءوافحص الحساس
واذا مانفع
جرب طريقة
تعبية حوالي 4 لتر قاز كروسين
ومعه بعشرة ريال بنزين
ثم امسك خططط
الين تفرغ الي فيه ثم ارجع وعب بنزين 95
الطريقة جربتها في موتري جي اكس ار 2002
والحمدلله الموتر عندي صاافي بعد هالطريقة