قدر الضغط الصيني

[المهمري]

كثر الكلام حول القدر الالمنيوم الصيني انه ضار وليس جيد وليس هناك مرجعية لهذا الكلام وهم يؤيدون استعمال الالمنيوم الفرنسي فهل الالمنيوم الصيني يحتوي على اكثر سيانيد ومواد شائبة وهل الالمنيوم الفرنسي صافي ام ان المسألة (حكي مجالس)
نريد من اهل الخبرة والاطلاع يفيدوننا

[ابرااااهام]

اعتقد الافضل الستانلس ستيل وريح راسك

لايتفاعل ولا شي باذن الله

[كادر]

ميزة الكاتم الاصلي انك تورثه لعيال عيال عيالك
خذ سيب اصلي استيل واكرر استيل وريح راسك
جربت الالمونيم سيب وماصلح لي سيئ في التنظيف تحس ان فيه مادة على الجدران غير مريحة
تقبل تحياتي

[سرهيد]

السلام عليكم

مثل ما قلت الكلام كثير

لكن ان كانك تستطيع تصل الى سعر اللي ما فيه شكل

فلا تفرط في صحتك لحين انتظار اي فحوصات لتثبت او تنفي ما يقال

عليك بالستيل وخاصة الاوربي ايا كان

تقبل مودتي

[البانيلي]

سلام ....

قدور اهلنا كلها معدن في معدن هذا غير الغسيل اللي لك عليه زمان اول

حبيبي اطبخ في الصيني وما جاك علي . لي أكثر من 10 سنوات استخدم الصيني

واذا قصر الماء غسل مرة ابو

ما شفت من ربي الا كل عافية ولله الحمد

[قاصد الصمان]

ميزة الكاتم الاصلي انك تورثه لعيال عيال عيالك
خذ سيب اصلي استيل واكرر استيل وريح راسك
جربت الالمونيم سيب وماصلح لي سيئ في التنظيف تحس ان فيه مادة على الجدران غير مريحة
تقبل تحياتي


صدقت يلاحظ على الصيني اثناء الغسيل ظهور مادة سوداء اللون
وهذا يدل على ضعف جودته
تحياتي للجميع

[المهمري]

الاخوة قاصد الصمان سرهيد (ابوعبدالله) البانلي كادر ابراهاااام اشكر مروركم بالنسبة للاخوه اللي قالوا خذ ستيل انا عندي في البيت قدرين ستيل لكن للبر قدر صيني المنيوم
لكن سؤالي هل فيه فرق بين الالمنيوم الصيني والفرنسي افيدونا ام ان الالمنيوم كله واحد افيدونا يالنشاما كذلك مشرفنا الطيب ودنا يزيدنا من خبرته