ترهيم مكينة سيارة على مولد من عنده فكرة

[تنوم]

يا اخوان سمعت ان فيه ناس يرهمون مكينة سيارة مادري مع القير ولا بدون ويركبون مولد كهرباء عليها ومميزاتها كثيرة انها تشتغل طول اليوم مايضرها لان فيها اديتر وفيها سلف والسعر رخيص بالمقارنه وخراباتها سهله احسن من مكاين الكهرب الي عنده فكرة لا يبخل علينا

[هوايتي مكشات]

اول مره اسمع فيها ياغالي

[تنوم]

اهل التراهيم

[تنوم]

سبحان الله وبحمده

[ابرااااهام]

الفكره حلوه لكن لو فيها فائده ما رماها الطير

[لاتكب البيالة]

السلام عليكم فيه مولد يجي لحاله 5 كيلو او اكثر يعني المولد فقط عاد تقدر تركبه على مكينة السيارة تصب له صبه بالارض وتثبت الكراسي وتركبه والمولد يكون على العامود لكن فيه مشكله حصلت لواحد جرب هالطريقه انه مالقى حل لتغيير السرعه عند تغير الاحمال الابالطريقة اليدوية وهذي لو لقينا له حل بطريقه تماتيك فهذا انجاز

[sameer_1798]

نعم تستطيع ذلك
واحنا مجربين مثلها ولكن ليس على المكينه بل على جنط السياره وشغال عليها غطاس البير ومن أروع مايكون .
الفكره :
عندنا ونيت بالمزرعه واستغليناه بالمولد ... ثبتنا مولد كهرب 5 كيلو بالحوض بالقواعد وقصينا الحوض من جهة الرفرف ... وإن بغينا نشغل الكهرب نرفع السياره بالعفريته ونلف السير بالكفر أو الجنط ..ونمشي السياره مع تثبيت الدعسه ... ويشتغل المولد بكل كفائه واستفدنا من السياره للمشاوير وللكهرب .

نفس الفكره هذه بس احنا مثبتين المولد بالحوض ... وعند استخدام السياره نرخي المولد ونسحب السير
http://www.mekshat.com/vb/showthread.php?t=155534

[تنوم]

سامر اشكر مرورك ياليت الي يخبر احد يطبقها يبلغنا

[vxr1000]

اخوي فيه طريقتين
1. فيه شباب مركبين المولد في حوض الموتر وقاصين الرفرف ومركبين قاعده لدينمو ومادين السير للكفره ورافعين السياره على بلك وطبعا السياره ددسن موديلها في السبعينات والسيارات القديمه كان فيها شفاط لتحميت الموتر يعني ما يحتاج تحط شي على الواسه وهاذي الطريقه مسوينها في استراحه ولها اكثر من 15 سنه
2. واحد من الشباب شاري مكينت سدريك ومركبها في حوض ددسن طبعن مثبتها بكراسي مكينه ملحمه بالحوض وحاطلها اديتر وبطاريه ومولفلها طبولون مصغر مافيه الا سوتش وساعة حراره وساعة بنزين وشفاط كلبليتر وشابك سير المولد على الحذاف يعني مايحتاج قير
طبعن بتسئل عن البنزين
الحوض الي هو مركبه عليه مخليه زي القلص والتانكي حق البنزين موجود بمكانه وفيه الطرنبة والعوامه بس مغير اتجاه اليات على فوق

[تنوم]

vxr1000 ودي تفيدني اكثر وتوصلني بالرجال نستفيد من تجربته الله يجزاك الجنة

[الاملس]

اخوي فيه طريقتين
1. فيه شباب مركبين المولد في حوض الموتر وقاصين الرفرف ومركبين قاعده لدينمو ومادين السير للكفره ورافعين السياره على بلك وطبعا السياره ددسن موديلها في السبعينات والسيارات القديمه كان فيها شفاط لتحميت الموتر يعني ما يحتاج تحط شي على الواسه وهاذي الطريقه مسوينها في استراحه ولها اكثر من 15 سنه
2. واحد من الشباب شاري مكينت سدريك ومركبها في حوض ددسن طبعن مثبتها بكراسي مكينه ملحمه بالحوض وحاطلها اديتر وبطاريه ومولفلها طبولون مصغر مافيه الا سوتش وساعة حراره وساعة بنزين وشفاط كلبليتر وشابك سير المولد على الحذاف يعني مايحتاج قير
طبعن بتسئل عن البنزين
الحوض الي هو مركبه عليه مخليه زي القلص والتانكي حق البنزين موجود بمكانه وفيه الطرنبة والعوامه بس مغير اتجاه اليات على فوق


لاهنت

ولو ممكن تفيدنا اكثر بالصور والطريقة بحذافيرها لتعم الفائدة

وجزاك الله خير

[أبـــ سعود ــــو]

أخوي سمعت فيه ناس يرهمون مكاين الددسن الديزل ويقلبونها مولد كهرب

[ضاحى السعيدى]

السلام عليكم ورحمة الله
والله ياجماعه اللى انا اعرفه ان المكاين اللى مخصوصة للكهرباء انها تعرف بمكاين العزم تختلف عن مكاين السيارات اللى معروف عنها مكاين سرعة ومايمنع انها بالترهيم تنتج كهرباء بس ماهو فى حجم انتاج مكاين العزم
والله اعلى واعلم

[تنوم]

سبحان الله وبحمده

[تناهيت]

الله الله ونا اخوك كانو يستخدمونها قبل في المخيمات يوم كانت المواطير الكبيرة الــ10 كيلو والــ15 كيلو غير متوفره بكثرة واسعارها نار اذكر قبل 16 سنه كان عندنا مخيم مع شباب ومعنا واحد من اهل القصيم دبر لنا الموضوع بعد ما تعبنا من خرابات المواطير الصغيرة لنها ما تتحمل تشغيل واستهلاك الطاقه الموجوده عندنا هاك الوقت فاعتقد ان اهل القصيم من اول الناس اللي استخدموا هالطريقه وكان مركب السير على مازدا قديمه ومثبت الأبنص على سرعه 60 على ما اذكر ورافعين بطن الموتر طبعا على بلك وصبه ..

تحياتي

[F34666]

نعم فية في صناعية الرياض يرهمون مكينة السيارة بدون القير على مولد كهرب بسلف وراديتر واعتقد انها مكينة داتسون او هايلوكس بس ماادري عن مكانهم واحاول اسئل شخص يعرف مكانهم اذا انت تبيها ضروري


للتواصل على الايمل
ajlan34666@gmail.com

وشكرا

[تنوم]

ابرسل على ايميلك وشكرا على المرور

[قناص الهمله]

الله لايهينك

[ابومنار]

نعم موجوده ومجربه مكينه ددسن ديزل على مولد وفيه انواع 10-20-30 كيلو

[النوبل]

السلام عليم ورحمة الله وبركاته


أسعد الله صباحكم / مسائكم


عندي ماطور ميتسوبيشي 16 كيلوات خبطت المكينه والمولد تمام


يوم رحت بجيب القطع عشان اوضبه حصلت القطع تكلف 9000 ريال


قمت ورهمت عليه مكينة نيسان داتسون ديزل كلفتني 2900 ريال


مع العلم اني شاريه قبل 10 سنين بـ 6000 ريال مستعمل ولا قصر





http://www.mekshat.com/pix/upload04/images152/mk96021_20032010(001).jpg


http://www.mekshat.com/pix/upload04/images152/mk96021_20032010(002).jpg


http://www.mekshat.com/pix/upload04/images152/mk96021_20032010(003).jpg


http://www.mekshat.com/pix/upload04/images152/mk96021_20032010.jpg




هذي تجربتي مع ترهيم مكينة السياره على المولد

[تنوم]

ما شاء الله عليك والله انك جبته وين الي رهملك مع اني ابي لي 4 كيلو فقط

[أبو رداد]

الله يحيك اخوي
العراق العظيم اغلب كهربائه لحد الان على مكائن السيات !
الطريقه بالضبط ماأعرفها ... لكنها بسيطه جدا بحيث أغلب محلات الميكانيك تصنعها
لكن تحتاج مع المحرك قطعه ... في العراق اسمها (راس التوليد)
يمدحون محرك الكيا وراس التوليد انواع وحسب حاجتك ...
اكثر المستخدمه بامكانها تشغيل كهرباء بيت كامل + ثلاث تبريد طن ونصف
وسلامتك

[بدوي جنوبي]

افضل محرك هو الديزل
لانه يعتبر اقتصادى فى صرف الوقود

والشغله تحتاج لميكانيكي ولحّام عند التركيب
بعد تثبيتها فى صبة اسمنت على المكان المحدد

طبعا الميكانيكي يثبت الرديتر وتانكى الوقود والليات
والتوصيلات اللازمه للمحرك .


السلام عليكم فيه مولد يجي لحاله 5 كيلو او اكثر يعني المولد فقط عاد تقدر تركبه على مكينة السيارة تصب له صبه بالارض وتثبت الكراسي وتركبه والمولد يكون على العامود لكن فيه مشكله حصلت لواحد جرب هالطريقه انه مالقى حل لتغيير السرعه عند تغير الاحمال الابالطريقة اليدوية وهذي لو لقينا له حل بطريقه تماتيك فهذا انجاز

طبعا المولد الكهربائى يحتاج لسرعه معينه على حسب الجهد
اللى يحتاجه ،،، مثلا كم لمبه او شمعه تبي تشغل ( كم كيلو واط تحتاج )

اللى يقدر يفيدك اكثركهربائى مولدات ،، اذا اختار سرعه معينه للمحرك
تقدر تثبت سرعة دوران المحرك مثلا على 2000 دورة فى الدقيقه

ويفضل تركيب عداد الا rbm وعداد الحراره وقياس كمية الوقود
فى اللوحه الخارجيه اللى بيضبطها الميكانيكي .
لكن لو نحسب تكاليف شغل اليد مع المحرك اللى بتشتريه اعتقد بتجيب لك مولد جاهز


بالتوفيق للجميع

[تنوم]

اخوي بدوي جنوبي اتشرف بمداخلتك ولا يهونون الاخوان لكن ميزتها اناه لو تجلس يوم كامل تشتغل ماضرها هذي هي الميزة

[العنابي 616]

السلام عليكم اخوي تنوم

الفكرة هذي موجودة و يسونها بالقطيف انا شريت منهم مولد 15 كيلو ب 10 الاف ريال
طريقتهم انهم يرهمون مكينة نيسان ديزل 6 سلندر علي دينمو كهرب يشترونه جديد و فيه رديتر و سلف و فيه مقاسات مختلفة 10-15-20-30 كيلو
و ميزة هذي الطريقة ان المكينة صوتها واطي و تتحمل و تصليحها سهل
ارجو اني اكون افدتك×

[تنوم]

اشكر مرورك

[~ شعلة برق ~]

انا والله سمعت ان فيه استرااحة مركبين مكينة ددسن

وماشاء الله تقوم مكيفات السبلت

[تنوم]

سبحان الله وبحمده

[تنوم]

ياليت الي يعرف ليستفيد الجميع