العزبة والجيب والطيور للبيع

[سنافي]

السلام عليكم ورحمة الله وبركاته
طبعا امزح ....لا تصدقون العزبة في المستودع والجيب في الورشة ( تربيط ) والطيور في المربط
بعد العناء والتعب والمشقة *** ربطنا الطيور ونحسب لياليها


الأخوه المشرفين والأعضاء والزوار ... أعتذر عن الإنقطاع الموسمي ونعدكم بالمشاركة الفعالة والمواضيع المميزة.
كما لا أخفي إعجــابي التام بالإخراج العام والشكل الجديد للمنتدى وكل عام والجميع بخير

أخوكم / ابو ناصر

[المري]

من طول الغيبات جاب الغنايم

حيالله ابو ناصر والحمد لله على السلامه


ولاتعبت


مرحبا بك في محلك ورجوعك شرف لنا وفي انتظار اعلوم مقانيصك.

اخوك / المري

[ابو عايد]

الحمد الله على السلامة .......... من طول الغيبات جاب الغنايم

هالله ..الله بالصور الزينه .. ولا تعبت يالغالي


مرحبا بك في محلك ورجوعك شرف لنا وفي انتظار اعلوم مقانيصك.

وتقبل تحياتي // العاشق الولهان

[عزالخوي]

السلام عليكم
هلا وغلا يابوناصر والحمدلله على السلامه-فاقدينك وعلومك الطيبه-في انتظار علوم مقانيصك ومن طول الغيبات جاب الغنايم.
مرحبا بك بين اخوانك-لك وللجميع اطيب تحيه.

[صقر]

عودا حميدا اخوي سنافي .... ومن طول الغيبات جاب الغنايم

ياترى وش عندك لنا ؟؟؟ .... لا تبخل على اخوانك بالعلوم الطيبة .

وعساك ان شاء الله توفقت

وبارك الله فيك.

[بــرق الشمال]

الحمد لله على السلامه اخوي سنافي..ومرحبا بك مرة أخرى بين اخوانك المكشاتيين..
وننتظر كل جديد منك. :)

[قشاع الرمث]

السلام عليكم
هلا وغلا يابوناصر والحمدلله على السلامه-فاقدينك وعلومك الطيبه-في انتظار علوم مقانيصك ومن طول الغيبات جاب الغنايم.
مرحبا بك بين اخوانك-لك وللجميع اطيب تحيه.

كيف حالك ابو ناصر عساك بخير .
والله يوم قريت العنوان اني قلت الله يستر
يعلوه خير . لاكن عوافي .,
لاتنسى عطنى اعلومك .

[تواق]

السلام عليكم

والله ياخوي ابو ناصر عزالله سويت فينا سواه ياخوك لاكن الحمدالله جت عوافي

حمدالله علاالسلامه يابوناصر وعطنا علومك

اخوك / تواق

[أبو رداد]

بسم الله الرحمن الرحيم

السلام عليكم ورحمة الله وبركاته


الاخ العزيز ابو ناصر .... الحمدلله على السلامه .... وانشاءالله معك علوم طيبه عن المقانيص ...

[السويبع]

من طول الغيبات جاب الحباري


الله الله با العلوم السفره

[السويبع]

من طول الغيبات جاب الحباري

الله الله با العلوم السفره

[تالي الاولين*]

.


عز الله انك حقتنا يابو ناصر بهالعنوان

قلنا عسى ماشر وش صادف

بس الحمد لله دام

الدعوى مزح

وعلى كل حـال

الحمد لله على السلامــــة

ولاتبطي علينا بالعلوم والسوالف الى تسر



.

[ميراج]

السلام عليكم

حياك الله اخوى ابو ناصر وش ها الغيبه الطويله مثلك ينفقد كل هذا مقانيص

أكيد ما خليت شغيه ما سندتها تدور ابرق الجنحان ولكن بشر وش علوم الحبارى معكم ذا السنه

الصقارين اغلبهم يشكون من قل الحبارى

تحياتى

[سنافي]

السلام عليكم ورحمة الله وبركاته
الجميع لهم حق علينا ولكن حبينا مشاركتكم وتلطيف الجو بالمزح وشكراً لكل من تكرم بالسؤال عنا او بالإتصال كما اشكر كل من تجاوب مع الموضوع المنشور بالقراءة او الكتابة وأخص كل من الأخوة

المري
ولا ندمت وأكيد ان علومنا كلها عندك خصوصاً ان ابو علي على إتصال دائم ... مع العلم اننا لم نقنص سوا ها السنة لإنشغال ابو علي مع المقانيص الخارجية والداخلية كما تعلم ولكن الجايات أكثر و ابرك ان شاء الله.

ابو عايد
لا ندمت ومثلك عارف غنايمنا ها السنة ما تشبع حتى اهلها ومع ذلك الحمد لله على كل حال اما من ناحية الصور فللأسف العج والمطر ما خلا الكامره ..... ها ها ها

عز الخوي
لا هنت يا بعدي ولعلك ما تفقد غالي

صقر
ابشرك ان امورنا كلها طيبة ولاهنت

برق الشمال
الله يسلمك ولا هنت يا شوق البنت اللي عافت الرجال ما تبي الا انت

قشــاع الرمث
حي الله ها الصوت ..... مع اني ما اسمعك

تواق
اخوي ابو هيا
يقولون روعة الذيب ولا ذبحه ..... ها ها ها

ابو رداد
حي الله ها الذكر وحي الله العراق الشامخ والله يابو رداد ما منعنا من العراق الا الأوضاع اللي ما تسر الصديق في العراق الله يعينكم ويعجل في رحيل العلوج من العراق.

السويبع
ابشر بالسعد ولا هنت

تالي الأولين
من لا ضحك مع الأصحاب **** لابد تجيه ايام يعاتبها

ميراج
الله يسلمك ويعلك ما تفقد غالي

في الختام اعدكم بكتابة تفاصيل رحلاتنا خلال الموسم الذي بطبيعة الحال لا يخلو من بعض المواقف المتناقضة

[راعي المواجيب]

الله يحيك يابو ناصـــر وترى المكشات واهلها معيدين بوجودك.

[صاروخ]

اسفرت وانورت