الي كان عنده المشكله ذي في الباترول وحلها .. تعال شوف معاناتي بالصور ...

[fsoly]

الي كان عنده المشكله ذي في الباترول وحلها .. تعال شوف معاناتي بالصور ...

السلام عليكم ..

يالغالي . انا عندي باترول مديل 99 .. على كيف كيفك .. .رووعه .. بس مشكلته الوحيده الحراره .. شوف الصوره تحت .. تبين عداد الحراره للسياره .. هذي هي الحراره الطبيعيه الي انا اتمناها دايم ما ترتفع اكثر .. لأن العزم وقتها روووعه وقوه واضحه ..
http://www.assayyarat.com/forums/images/statusicon/wol_error.gifهذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 800x600 .http://www.gmrup.com/gmrlive/gmrup12685646681.jpg (http://www.gmrup.com/)
لكن اول ما يرتفع ولو 3 ملي فقط عن الخط الأبيض الي انا مأشر عليه بالأحمر .. يضعف عزم الموتر بشكل ملحوووض .. وبعض الحيان تسمع صوت قرقعت البلوف ..
الي كانت عنده نفس المشكله وحلها .. ياريت لو يعلمني كيف حلها و عند اي ورشه .؟

معلومات عن السياره ..
المديل99
ماشي 260 الف
الراديتر و المروحه جديد وكاااله..

[الخفاره]

قازقيت الراس(الوجه حق الراس)

[محمد النيساني]

شيك على كلتش المروحه او يسمونه اوتماتيك المروحه وتأكد ان مراوح التبريد شغاله على السرعتين ورد لي
طبعا كلتش المروحه لاتشيك عليه الا اذا كانت السياره حاره جرب لفه بيدك اذا كانت ثقيله جدا او خفيفه جدا جدا يعني المشكله منها واذا كانت حركتها عاديه يعني تاخذ معاك لفه كامله يعني ممتازه

[fsoly]

شكرا على الردود ..

اول شي يالغالين .. المروحه اوكي واأوتوماتيك اوكي وهذا الكلام من الميكانيكين ..


بخصوص البلف .. بفحصه مع اني ما اتوقع المشكله منه .. لأن لو منه كان الحراره ترتفع اكثر بكثير من الي انا اقول عنه ..

على فكره انا قد خرب علي راس المكينه والسبب الحراره .. وصلحته .. خرط .. يمكن المشكله من الخرط كان مو مضبوط .؟

وبأوزن الديلكو مره ثانيه مع اني قد وزنته

طيب يالغالين .. هل اذا ارتفعت الحراره عندكم بعد الخط الأبيض الي انا مأشر عليه ولو 3 ملي زياه .. هل يقل العزم بشكل ملحوض معكم .؟ ولا بس معي انا .؟

شكرا لكم ..

[محمد النيساني]

اذا تعدا المؤشر الخط الابيض الي انت معلم عليه ولو بربع ملي يقل العزم وتصير فيه حنه ^ ^
لأن السياره تبدأ تحتر وماتعطي قوتها كاملها بعكس اذا كانت الحراره نازله السياره تصير خفيفه
الله ييسر امورك

[سفاري959]

انا عندي نفس موديل موترك والصيف اللي فات كان يسوي معي نفس موترك سألت ابو صالح التركي وهو مكانيكي متخصص باترول قالي اللقلقه اللي تطلع في الموتر احتمال كبير تكون من الديلكو وزنه هو بنفسه وحصله متقدم شوي خفت معي اللقلقه اما بالنسبه لضعف العزم اذا احتر الموتر قالي من طرمبه البنزين تحتر ويصير دفعها ضعيف ولا تتعبث في موترك اذا كنت من سكان الرياض رحله وعلمه باللي سويت في الموتر واذا تبي رقمه او وصف الورشه راسلني على الخاص وابشر تقبل مروري

[فايق ورايق]

اذا كان ياخوي مسألة طرمبة بنزين ترى الموضوع سهل ركب طرمبة لاندكروزر
اسمها دانسو سعرها 250 ريال انا مركبها على شروكي وحرارتي على النص وزي العسل ولله الحمد بس يبيلك كهربائي محترم وتتأكد ان مشكلة ضعف العزم من الطرمبة

ونصيحتي المتواضعة تمشي بالسياره للين تتعدى الخط المأشر علية واذا ضعف العزم تقدر تقيس قوه ضغط الطرمبة بمقياس ضغط الفريون (ساعة الضغط)

اتمنى اني افدك بمشاركتي

[هواوي تعديل]

السلام عليكم
المشكله عندك من التماتيك حق المروحه
أذا وصلت الخط الأول يبدا يثقل حتى يبرد على السياره أكثر ويصير للمروحه صوت قوي
حلها ركب مراوح كهرب سوبارو كبيره وراح ترتاح ويخف الموتر

[الصقار10]

اتوقع لازم تقيس ضغط طرمبة البنزين وتشوف اذا كان أقل من 35 لازم تغيرها

[sarab88]

وش اخبارك ياخووووي انا بعطيك رقم واحد اسمه ابو صالح متخصص بالنيساااااان وماعليه كلالالالام انا مجرب عنده كذا مررره ماشاء الله عليه بالصناعيه القديمه
0504118191ابوصالح
تقبلوووووووا تحياتي

[ابن سعيدان]

هل رديترك مصيخ....

شيك عالرديتر وعلى الغطاء يمكن بلف الغطاء به صدأ

وربي ييسر أمرك

معي نفس موترك وصراحة حرارته تتعدى الربع بشخطه لكن عادي تنزل بعد ما تشبك المراوح لأني مركب مراوح كهرب

[و ا ك 700]

انا معي فتك الصراحة وقد صار لي مثلك ترتفع الحرارة شوي عن الخط ويضعف عزم الموتر وتحس بحرارة الموتر من برا

رحت لورشة بصناعية النسيم للدهيمان وقالي من القزوز فيه تهريب ولحمهن وبعده ضبط الموتر << بس تراوه يصلخ بالسعر

[نيساني قديم]

الله يحل مشكلتك ويسهل امرك

[sultan911]

يأخي اذا انت خرطت راس المكينه ترى ترتفع حراره المكينه لن راس المكينه ينزل شوي وتصير تحتر اكثر من الاول وصحيح يضعف عزم السياره لن بعض المكانيكيين يدبلون الوجيه عند خرط راس المكينه وبعضهم مايدبلها وتصير السياره تحتر

[رفيع المقآم]

الله يعينك ويحل مشكلتك