المساعد الشخصي الرقمي

مشاهدة النسخة كاملة : س: سرير الرماية؟


الستانس
14/03/2010, 10:35 PM
السلام عليكم


كيف الحال

ما رايكم في هذا السرير من الرمايه ؟

ومن جربة ؟

وهل فيه افضل منه حجم وتحمل وراحه (تهمني الراحه)

هل هو مناسب لـxxl؟

شفته اليوم وجربته ولاحظت عليه ان الجسم يكون مقوس وانا نايم عليه
وسعره غالي جدا وسعرة حالياً195ريال وهو في فتره العرض ويقول العامل طايح من قيمته 70 ريال
واعجبني فيه انه مشخل من تحت عني الهواء يتمشى براحته وراتفاعه مناسب جدا

ويعيبه كبر حجمه وهو مصفط ووزنه
http://www.syadh.com/vb/imgcache8/7480.imgcache.jpg

http://www.syadh.com/vb/imgcache8/7483.imgcache.jpg

http://www.syadh.com/vb/imgcache8/7484.imgcache.jpg

http://www.syadh.com/vb/imgcache8/7482.imgcache.jpg

هذا النوع الأول


ولقيت عندهم هذا

ولا جربته ولكن شكله مريح ولكن ما اعجبني لأنه قريب للأرض مرره

وهذي صورة

http://www.q1p1.net/up/uploads/images/domain-a810b18a26.jpg

http://www.q1p1.net/up/uploads/images/domain-76c09829bb.jpg

http://www.q1p1.net/up/uploads/images/domain-7244a52c83.jpg

http://www.q1p1.net/up/uploads/images/domain-808e0de60e.jpg

http://www.q1p1.net/up/uploads/images/domain-36b47f6264.jpg

من جرب هذا النوع ؟

ما انطباعك عنه ؟



شكراً
جميع الصور مأخوذة من الأنترنت
desert-man
14/03/2010, 11:51 PM
مساك الله بالخير أنا يالحبيب شريت لي واحد من النوع الثاني اللي عرضته تحت والصراحة ما جازلي ما عرفت ارقد فيه صغير ولا يمديك تتحرك ابد صرت استخدمه كـ كرسي.
سرهيد
15/03/2010, 12:58 AM
هلا بك

انا عندي هذا

http://www.q1p1.net/up/uploads/images/domain-7244a52c83.jpg

واشوفه حلو

مريح ووياتي كمسند للظهر

تقبل احترامي
فيصل الرحيمي
15/03/2010, 01:35 AM
سرير في البر؟!!

مانمت عليه في البيت انام عليه بالبر

لاكن كلن ينام على الجنب اللي يريحه وعلى السرير اللي ريحه



ممكن يكون مفيد إذا صارت الأرض بارده او يرفع عن الهوام
mazmaz2002
15/03/2010, 05:45 AM
يأخي عندي شك انه مايتحمل الاحجام الكبيره
واذا تحمل في البدايه مع طول الوقت يتفكك
الستانس
15/03/2010, 09:36 AM
مساك الله بالخير أنا يالحبيب شريت لي واحد من النوع الثاني اللي عرضته تحت والصراحة ما جازلي ما عرفت ارقد فيه صغير ولا يمديك تتحرك ابد صرت استخدمه كـ كرسي.

مساك الله بالنور وبالسرور واقولها وانا في الصبح هههه

الله يعطيك العافيه على فادتك

وبرجع للمحل اجربه لأن تقلبي واجد في النوم

اخاف ما يناسبني

وكلامك في الحسبان

عافاك الله اخوي وما قصرت



هلا بك

انا عندي هذا

http://www.q1p1.net/up/uploads/images/domain-7244a52c83.jpg

واشوفه حلو

مريح ووياتي كمسند للظهر

تقبل احترامي

اخوي سرهيد بارك الله فيك

بما انك من مجربيه

قربه من الأرض

ما يساعد الهوام انه توصل لك

لان الشرشف بيوصل للأرض

وبيقولون كأنك يا ابو غازي ما غزيت

س2: وش وضعه للي بينوم على جنب لاني م اعرف انوم على ظهري

لازم على جنب

والله يعطيك الف الف عافيه



سرير في البر؟!!

مانمت عليه في البيت انام عليه بالبر

لاكن كلن ينام على الجنب اللي يريحه وعلى السرير اللي ريحه



ممكن يكون مفيد إذا صارت الأرض بارده او يرفع عن الهوام

هلا اخوي

هي مهيب مسأله سرير في البر

بلاك لله يطول عمرك ما جربت قرصه شي اسمه شبث

عاد الشبث ما يجي بلحاله يجب معه زوار (عقرب) فوق ظهره

وش الله حادني على الغثاء

ولا اذا جيت تنوم قامت الخنافس تداعب رجليك
وخشمك وراسك

واذا اصبحت لقيتلك سحليه ولا داب متدفيه معك

انا ما الومك لان كذا واحد من الشباب كان نفس وضعك

والحين ينامون فوق التنده

وشاكر لك اخوي


يأخي عندي شك انه مايتحمل الاحجام الكبيره
واذا تحمل في البدايه مع طول الوقت يتفكك

حياك الله

اي نوع تقصد يا اخوي ؟

ولا تحطمي ياخي تراني xxl :D

باقيلنا شوي على الثالثه هههههههه

حياك الله



وان شاء الله الليله بشتري واحد ولكن ما وقع الأختير بعد
وانتظر اثراء الموضوع من اصحاب التجارب


تحياتي,,,
البرغي
15/03/2010, 09:57 AM
اخي الستانس السلام عليكم,,
انا عندي سرير من النوع الثاني والارتفاع من الممكن التحكم فيه حيث يوجد به ازرار بالارجل للتحكم بالارتفاع . تحياتي
فيصل الرحيمي
15/03/2010, 10:55 AM
اخوي الستانس

اما الخنافس تدغدغ لجليك
والله إنك صدقت

والله يخلي لنا الحوض
القنـاص2008
15/03/2010, 02:44 PM
ياجماعة في محل ساكو عنده سرير مثل الرماية بس مختلف بعض شئ سعرة 135ريال من ناحيتي انا جربته واصراحة مريح

تقبلو تحياتي
crozman
15/03/2010, 05:33 PM
هاذي ماجربتهن لاكن فيه نوع ثالث اللي تجي له ثلاث ارجل تنفتح على شكل اكس X
ولاأنصح به رجوله تكسر وهي المنيوم
الستانس
20/03/2010, 12:08 AM
الله يعطيكم الف عافيه

وجزاكم الله الف خير

وآسف على التأخير في الرد

الوقت ضاق علي

واول ما جيت البيت هذاني ارد

ولعل النوم هاليومين الي طافت في مزرعة واحد من العيال

من الجو الجميل الموجود والضباب الكثيف ماشاء الله :(

ولكن ماقصرتو والله يطرح فيكم البركة

تحياتي,,,
ساقان
20/03/2010, 01:05 AM
السرير في الصورة الثانيه تقدر تطول رجلينه شوي
راعي الصطحه
20/03/2010, 02:05 AM
يعطيك العااافيه