المساعد الشخصي الرقمي

مشاهدة النسخة كاملة : فزعتكم يالنشاما ابي اتعلم الصيد


مفوووق للصيد
15/03/2010, 10:17 AM
السلام عليكم ورحمة الله وبركاته

شلونكم يالنشاما

بصراحه انا انسان بديت اتولع بهذه الهوايه اللي اسمها الصيد او المقتاص ولاني اجزم انها ليس مجرد هوايه للبحث عن طير يؤكل او ارنب يصاد ولاكن لاني اعرف انها للصبر والجلافه والترفيه والتسليه والاستمتاع بما تصيده يمينك وان تحشم مخلوقات الله ولا تجعل صيدها عبث

سؤالي لكم يالنشاما هو كيف طريقة الصيد والطيور طائره (طييار ) وكيف لمن ابغى اصيد طيار هل اخلي الطيور امامي او ااخليها فوقي طبعا معي سائق اكيد وكيقف يكون تصويبي عليه على توجيه المعيار يسبق الطائر او في مقدمته

ابيغاكم تفيدوني وكلن منكم يدلو بدلوه واللي مستحي يشرح بالعامه استقبل شرحكم بالخاص ودمتم

انتظر اهل الخبره يفيدوني بالطيور والارانب وكل شي

لاتبخلو علينا

والله يوفقكم دنيا واخره مقدماً
classica
15/03/2010, 10:22 AM
والله ياخوك يبيلك مع الوقت تتعلم الطيال ..على ماظن يوجد موضوع في خيمة ادوات الصيد

شرح كامل بطريقة الرمي الطيار ..
بدر الظفيري
15/03/2010, 10:25 AM
سبق الفشفة وارم يعني خطمها قدام الطير .. يبيلك تمارس هالشغلة بكثرة على شان تتعلمها

وأحسن مرمى للطيار لما يكون الطير جنب السيارة سواء كان مرتفع أو نازل ...

وأي أستفسار أنا حأظر
عبدالله ع
15/03/2010, 10:38 AM
الطيار على حسب سرعة الطير مثل الحمام قدامه ومثل الغراب تحط الحبه عليه سوا انشدني عن الغربان بينقرضن وان شالله على يدي :D
الضيغم
15/03/2010, 12:09 PM
الأخوان ما قصروا وحضا موفقا بالصيد أخي الغالي



عبدالله ع

هههههههههههههههههههههههههههههههههههههههههههههههههه ههههههههههه
عاشق الرفاليو
15/03/2010, 01:05 PM
قبل كل شي يغالك صندوق فشق اونصف صندوق علي عشان تتعلم اسبوع او اسبوعين بي الكثير رح تكون حريف ترمي قدام الطير حسب حجمه وسرعته@هناك عوامل توخذ بي الحسبان مثل المسافه بينك وبين الطير والسرعه والحجم ونوع البندق وتجاه الرياح عوامل اخري للشخص مثل قوة البصر وطريقة مسكه للبندق عند الرمي فيه ناس تكون ايده جامده علي البندق وفيه ناس تهتز ايده عند الرمي والتكرار يعلم الرجال مع ان رمي الطيار كان زمان ايام وفرة الطيور الحين الناس حطين حرتهم في القوقسي والله يرزقك
مفوووق للصيد
15/03/2010, 01:31 PM
الله يبيض وجيهكم ردودكم ومشاركتكم تثلج الصدر حتى لو ماتعلمنا

وان شاء الله كل شي يجي وحده وحده

تمنياتي لكم بالتوفيق والصيد الوفير
عسم الغربية
15/03/2010, 01:53 PM
أخوي الله يوفقك وتتعلم بالنسبة لي انا فأراى أن ترمي طيار وأنت اللي تسوق السياره عشان تحكم مرماك وحاول أن الطيور تكون على يسار السياره يعني على حجاجك الأيسر
وترا رمي الطيار سهل ومايحتاج منك غير 10 رميات منها وحول بس حاول التركيز
الله يوفقك
ابوفهدm
15/03/2010, 02:16 PM
اخوي الله يوفقك
صقار قديد
15/03/2010, 02:19 PM
انت ايش معاك شوزن تماتيك ولا عايدي طلقه وحده اذا معاك طلقه وحده كم ابره اذا سبعه ابر حلو من اول طلقه تجيبها مثل التماتيك
.G.M.C.
15/03/2010, 02:19 PM
ماقصرو الشباب
مشالله عليهم
تقبل مرور ي
ولد دوارد
15/03/2010, 02:24 PM
انا الي خابرة اذا مقفية حطها تحتها بشوي واذا جايك قاطعه حطها قدام راسها
والله اعلم وماصدت من الطيار الا الرهو بس مهوب كرك لاني الي سالتهم قالو رهو
الحنكلي1
15/03/2010, 02:43 PM
مفوووق للصيد
السلام عليكم اليمون بعد العصر ماينباع
مفوووق للصيد
16/03/2010, 11:11 PM
تسلموووون يالنشاما على مشاركاتكم والله لايهينكم

وكلامكم كله فوائد وانا شوزني تمتيك سوبر بانيلي

تحياتي لكم
مفوووق للصيد
16/03/2010, 11:13 PM
مفوووق للصيد
السلام عليكم اليمون بعد العصر ماينباع


لا ابشرك الحين الناس تفتحت عقب سكراب الحديد صارو حتى قشر الليمون يشترونه :D

اتمنى ان ردي ينال اعجابك
تبوk
02/04/2010, 01:08 AM
السـلام عليكم ورحمه الله وبركاته
والله الشباب ماقصروا
لكن افضل طريقه انك تجهز زهابك وجيبك وتطلع لحالك وتتعلم
>> رأيي الشخصي
تقبل مروري والله يوفقنا ويوفقك انشالله بصيد الوفير