عندي جولة ......... وأبي الله لا يهينكم اقتراحاتكم لأماكن في المناطق اللي بزورها ...!

[abu-5a1ed]

السلام عليكم ورحمة الله وبركاته



أعزائي أعضاء ومشرفي هذا المنتدى الرائع



لا أريد أن أطيل عليكم لكن بإذن الله راح آخذ جولة لربوع بلادي وودي تعطوني وتقترحون علي أماكن


في المناطق اللي بزورها وياليت تتكرمون أيضا وتعطوني الاحداثية بس المكان يكون مناسب للنوم والجلوس فيه ليلا


عشان نخاف يجينا حارش مارش والا أسد خخخ


أيضا اذا كان هناك مناطق أثرية أو سياحية سواء ساحلية أو غير ذلك


طيب أعطيكم المدن ( الرياض - المدينة - حقل - الوجه - ضباء - املج - البدع - راس الشيخ حميد - جدة - جيزان - أبها - الباحة - الطايف - مكة - الرياض )



والله لا يهينكم ومعليش ع الاطالة




أخوكم / أبو خالد

[الرحموني]

اخوي حدد تبغاها مدن داخلية ولا مدن ساحلية حدد

[abu-5a1ed]

هذي كلها طال عمرك كل مدينة يبي لها يوم أو يومين الا ذولي نبي نمرها بيوم واحد ان شاء الله


الوجه - ضباء - املج - البدع - راس الشيخ حميد


اذا انت خابر شي طيب لا تبخل علينا ولا يهون بقية الاخوة حيث انا أول مرة نبي نزورها ولا نعرف فيها شي

[الرحموني]

والله اضفت شرما وقيال فيها ساحل نظيف ومناطقها روعة بس الاسبوع هذا ويمكن اللي بعده الحاية شمالية والبحرهايج فما تقدر تطلع رحلات بحرية وقد لا تستمتع بالجلسة على الشاطئ

[ابو يزيدالأول]

خل وجهتك شرقيه وزور الجبيل الصناعيه
والله يحييك ضيف عليه وحياك الف تحيه:lr

[abu-5a1ed]

والله اضفت شرما وقيال فيها ساحل نظيف ومناطقها روعة بس الاسبوع هذا ويمكن اللي بعده الحاية شمالية والبحرهايج فما تقدر تطلع رحلات بحرية وقد لا تستمتع بالجلسة على الشاطئ




شرم وأنا أخوك نبي نمرها بإذن الله لكن المشكلة ما نعرف فيها شي لأن هالمناطق أول مرة نزورها



لكن ما راح نجي هالاسبوع بعد اسبوعين بإذن الله في الاجازة





خل وجهتك شرقيه وزور الجبيل الصناعيه




والله يحييك ضيف عليه وحياك الف تحيه:lr






والله كان ودنا نمر الشرقية ونخليها جولة كاملة على ربوع بلادي لكن ان شاء الله وقت ثاني ما فيه وقت



وما تقصر يالبى العرب والله يبقيك