مشكله بالقير +السياره طاح عزمها حييل " جمس 2003 "

[Fmejrad]

السلام عليكم ورحمه الله وبركاته ..

والله يانا متبهذل مع هالسياره لكن وش نقول .. الحمدلله على كل حال

اخواني عندي ملاحظات على سيارتي وابي رايكم فيها ..

1- عزم السياره طايح بالحيل .. وانا مفكر اغير طرمبة بانزين وصفايه بانزين وانظف البخاخات ومنظم الهواء ودعسة البانزين وحساس الهواء .. هل الحلول هذي بتنفعني ؟ ياليت تفيدوني

2- القير ومادراك مالقير .. القير هالايام مهبل فيني .. تغيرات الغير ابد مو عاجبتني .. بعض الاحيان يطوول على مايغير وبعض الاحيان تكون دعستي ثابته وتشوف امبير ضغط المكينه يتحرك طبيعي لكن لما يوصل الضغط لـ 3 فجاه ينقز بشكل سريع ويوصل الضغط 4 ويغير .. حتى المكينه تسمع لها صوت حنه غريبه اذا غير بهالشكل .. وبرضوا بعض الاحيان وانا امشي اشوف ضغط المكينه يوصل 2 او 3 ثمن ينزل الامبير وهذا معناته انه غير للنمره الي بعدها مضبوط ؟ لكن المشكله انه مايستجيب بسرعه .. يعني تشوف امبير ضغط المكينه غير للنمره الي بعدها لكن يجلس شوي ثمن تحس فعلاً انه غير ..

مادري كيف اشرح هالمشكله .. لكن سؤالي هل زيت القير والفلتر له علاقه ؟اخر مره غيرته قبل 9 شهور يمكن ومشيت عليه حدود ال 50 الف كيلو لكن لون الزيت ممتاز ومافيه رائحه حرق .. وش تنصحوني بارك الله فيكم

السياره جمس 2003 مكينته 6.0 لتر

[محمد الظاهري]

عسى الله يعينك
وانشالله امورها بسيطه

[sarab88]

السلام عليكم وش اخبارك اخوووي
الحركه هذي قد صارت مع واحد من ربعي مشكلت العزم غير الطرنبه والظاهر مو طرنبة جمس طرنبة الماني كان ماخاب ظني وتغييرات القير الفلتر او الزيت القير زايد عندك والله يكتب اللي فيه خير

[مغلي]

سو له فحص كمبيوتر ... قبل لا تغير اي حاجه

[فهد773]

زيت القير لسياره الاتوماتيك حدها من 40 الي 50 الف كيلو وبعدها تغير الزيت والفلتر وراح تحس بالفرق خذ الفلتر من الوكاله وغير زيت القير وراح تدعي لي