المساعد الشخصي الرقمي

مشاهدة النسخة كاملة : رائحةغريبة باللاند كروزر بعد القيادة بمنطقة جبلية وعرة


رسمال
16/03/2010, 12:54 PM
يا شباب الرجاء المساعدة بالأي والمشورة
سيارتي لاند كروزر جي اكس آر 97 أثناء رحلة في جبال الجنوب الوعر على الاسفلت ولكن صعود وهبوط وعر ومحمل ما شاء الله حوالي 8 اشخاص مع العفش شمينا رائحة تشبه احتراق محرقة البلدية وكنت طول الرحلة اعتقد ان الرائحة من الأرض فيها محرقة بلدية إلى أن توقفنا فتنبهنا للمشكلة

فهل هذة الرائحة تعني ان عندي مشكلة بالسيارة ؟... هل يجب تغيير قطع معينة بالسيارة ؟
ثم
عندي رحلة أخرى للمنطقة هل ممكن تتعطل السيارة علي؟
كاشت في الحوش
16/03/2010, 01:00 PM
حياك الله يا رسمال
الأمر عادي هذي يا طويل العمر اما فحمات السيارة أو الاقمشة من كثر ما تدعس فرامل تطلع هذي الريحة والأمر عادي
أو سلمك الله يكون الكلتشات
وفي كل الاحوال في المناطق الوعرة تطلع لك مثل هالريحة
بس تعال ما قلت لنا وين هالمكان في الجنوب وش طبيعة الرحلة ، نبغى تقرير يعني.

اخوك أبو أحمد
abu hlal
16/03/2010, 01:02 PM
هذي طال عمرك ....ريحه القماشات(البريك)!

حاول تستخدم النمر(التعشيق) في النزلات بدل البريك!
هوايتي مكشات
16/03/2010, 01:27 PM
يمكن ريحة الصحن والدسك
رفيع المقآم
16/03/2010, 01:32 PM
طيب الموتر عادي ولا تماتيك اذا عادي ريحه الكلتش
رسمال
16/03/2010, 01:56 PM
حياك الله يا رسمال
الأمر عادي هذي يا طويل العمر اما فحمات السيارة أو الاقمشة من كثر ما تدعس فرامل تطلع هذي الريحة والأمر عادي
أو سلمك الله يكون الكلتشات
وفي كل الاحوال في المناطق الوعرة تطلع لك مثل هالريحة
بس تعال ما قلت لنا وين هالمكان في الجنوب وش طبيعة الرحلة ، نبغى تقرير يعني.

اخوك أبو أحمد

اخوي ابواحمد الله يجزاك خير على سرعة الرد
لكن هل يعني ذلك ان الكلتشات فيها مشكلة؟
بالنسبة للرحلة والله كانت لإنجاز عمل خاص في 4 أيام ولم يحصل لنا بسط والريحة نكدت مزاجي خوفا على اللاند رفيق العمر .. لكن ابشر يمكن اصير مثلك واكشت بالحوش واسوي تقرير
رسمال
16/03/2010, 01:59 PM
هذي طال عمرك ....ريحه القماشات(البريك)!

حاول تستخدم النمر(التعشيق) في النزلات بدل البريك!

اخوي ابو هلال شكرا على الاستجابة
وانا عادة استخدم النمر لتهدئة السرعة والغريب انه سبق وجيت نفس المنطقة ولم اشم الرائحة
رسمال
16/03/2010, 02:01 PM
يمكن ريحة الصحن والدسك

هوايتي مكشات
على راسي ردك لكن وضح تقصد يعني خرب والا وش المشكلة
رسمال
16/03/2010, 02:05 PM
طيب الموتر عادي ولا تماتيك اذا عادي ريحه الكلتش

اخوي منوتي الشاص السيارة قير عادي وماشي حول 400 الف ولا عمره شكى او بكى ما شاء الله
انتظر ردك
سهيل تميم
16/03/2010, 03:16 PM
هذي دايم صير بالوعر

يكون ضغط السياره كله على الفرامل خاصه بالنزول. وهذا يخليها تحتر وتبدا تطلع الريحه

اذا صارتلك ريح الموتر شوي وكمل...وخل شغلك كله بالنمر
رسمال
17/03/2010, 01:15 AM
هذي دايم صير بالوعر

يكون ضغط السياره كله على الفرامل خاصه بالنزول. وهذا يخليها تحتر وتبدا تطلع الريحه

اذا صارتلك ريح الموتر شوي وكمل...وخل شغلك كله بالنمر

لكن السؤال هل يعني ذلك ان الكلتش عندي سليم والله خايف اتورط بهالجبال
ابو_ مشاري
17/03/2010, 06:52 PM
اول شي الله يمسيكم بالخير جميع
بالنسبه لموضوعك اخوي مره من المريرات جاي من روضة خريم وموتري زي موترك فكسار موديل 95 المهم طال عمرك اشم ريحة حريقة زي المحارق وكل مامشيت فوق الميه 120 تزود الريحه قلت يمكن من الخط احد محرقن بشي المهم اككتمنتني الريحه وافتح القزاز واذا خفيت السرعه خفت مالك بالطويله وصلت للرياض ويوم وقفت الا الريحه الموتر لاصوت ولاحنه ولاونه ولا شي ويجي واحد من الشباب ويتوايق تحت الموتر يمكن كيس ناشب ولا شي المهم تدورون وش حصل لقى الشكمان من اخر الدبه منقص ومرتفع يم البدي ومن قوة اللهب احترقت الفرشات الداخليه ولا ولعت نار من فضل ربي فنصيحه تاكد من ماصورة الشكمان والله يستر عليك
ممدوح 2010
18/03/2010, 01:28 AM
يمكن من صحنة الكلتش
اومن كثر اتمسك على الفرامل
اذا كان عندك تهريب بالصوف حقت العكوس الامامية تطلع الريحة ودخان
qwazi
18/03/2010, 08:35 PM
مثل ما جالو شكلها من التواير!!