هل هناك أي مشكلة لو اوصي في غراض من امريكا

[ولد الجنوب]

يالربع اللي عنده خلفيه عن الموضوع يعطيناخبر
لو اوصي واحد من الربع موجد في امريكا يجيب وهو جاي لي دربيل للبندق وليزر لوزنية الدربيل هل سيكون هناك عليه اي اشكليه في المطار ماونا نتشرهه من الرجال والا نظره

[hightech]

نعم فيه مشكله ويمكن رفيقك يحس انها بسيطة لكن خذها مني ترى السعودي مراقب

هناك ومجرد دخوله لمحلات ولوازم بيع الاسلحه يكون لهم عذر في اي تهمه له....

اخوي رح لمحلات لوازم الصيد في السعوديه وبتحصل احسن من اللي في امريكا

واشتر السلامه لابن عمك.

[صقرالحروب]

انا اعرف ناس تجيب الاغراض اللي تبيها عن طريق شرائها بالانترنت ومن ثم شحنها بالبريد بس ماعرف الطريقه بس اغلب الناس تفضل ان احد يشتريها لك بنفسه ويجيبها لك او يرسلها وما اعتقد ان فيها مشكله بس ترى بعض الادوات ممنوعه يعني يصادرونها اذا جات السعودية مثل الدربيل الليلي يعني اسئل عن السلعة اللي تبيها قبل ماتجيبها

[حايز الصيد]

اولا
عتبي على الاعضاء اللي يبدون رايهم في موضوع وهم ماعندهم اي خلفيه

ثانيا بخصوص الاغراض من امريكا
انا قبل شهرين جبت اغراض من امريكا وكانت مع العفش ماهي معي في شنطة الطيارة

وكانت الاغراض

3 تشوكات براوننق
مخزنين اضافية للبراونق واحد ابو ثمان طلقات
والثاني ابو 6 طلقات
كشاف ابو 5 مليون شمعه
رامية اطباق للرمي الطيار + 100 طبق
لبس مموه
قماش لاصق لتمويه البندق
شعيرة فسفوريه للشوزل اكثر من شكل

وتوقعت ان بعض الاغراض ماتدخل في مطار الرياض
ولكن الحمدلله مريت من عند جماركنا ولا قالو شي

وسلامتكم

[أبو غند]

خوي لا تورط خويك وسلامتك

[فيصل الرحيمي]

إذا على دربيل وليزر إنشاء الله تلقاها موجوده هنا او بالإمارات
ولا توهق خويك

واقول لأخوي حايز الصيد مشكور و مو كل مره (تسلم الجرة)

[hightech]

اولا
عتبي على الاعضاء اللي يبدون رايهم في موضوع وهم ماعندهم اي خلفيه

ثانيا بخصوص الاغراض من امريكا
انا قبل شهرين جبت اغراض من امريكا وكانت مع العفش ماهي معي في شنطة الطيارة

وكانت الاغراض

3 تشوكات براوننق
مخزنين اضافية للبراونق واحد ابو ثمان طلقات
والثاني ابو 6 طلقات
كشاف ابو 5 مليون شمعه
رامية اطباق للرمي الطيار + 100 طبق
لبس مموه
قماش لاصق لتمويه البندق
شعيرة فسفوريه للشوزل اكثر من شكل

وتوقعت ان بعض الاغراض ماتدخل في مطار الرياض
ولكن الحمدلله مريت من عند جماركنا ولا قالو شي

وسلامتكم


معليش اخوي بعد 11 سبتمبر لادرايه ولا غيرها تنفع مع الامريكان وانت تتحمل

عواقب تصرفك لكن ماتوضح للناس ان الموضوع سهل والدرايه ماراح تنفعك أذا

قاموا ال fbi يسحبونك من سجن و محاكم والدعوى كلها لبس مموه واطباق

وامشاط !!

[الركبي]

السلام عليكم ورحمة الله وبركاته

انا يا اخوان كثير السفرات للخارج برحلة عمل

وكلام الهاي تك هو الصحيح وكون الاخ حايز الصيد ماواجه مشكله ماهو دليل على الاجراءات انها بالسهولة

بالنسبه لاي شي له علاقه بالاسلحة اللي تحتاج ترخيص يجب الحذر يا اخوان ويفترض ان الواحد ما يحاول

يخالف الانظمه المعمول فيها سواء في بلده أو في البلدان الاخرى ترى الغلطه بعشره هالايام

عس الله لايوريكم اي مكروه

الدرابيل العاديه مسموح فيها واجهزه الليزر فيه انواع لها تردد مسموح وسبق ان واجهت استفسار من احد

المطارات لكن الحمدلله كان تردد او طول الموجه من النوع المسموح به ومشوني

المشكله يا اخوان ان الدول الغربية صارت عندها حساسية لأي شي ويدورون أي عذر

انصحك وانا اخوك لاتورط خويك

الركبي

[البرق999]

اخوي مكن تطلب الدربيل ويدخل لكن الليزر فيه إشكالية وخاصة إذا كان الشحن جوي لأنه ممنوع دخول الطائرة لأن مرة حاولت أطلب قطعة الليزر اللي أنت بتطلبها وقرأت ملاحظة مكتوب تحتها لا نشحن هذا المنتج عن الطريق الجو . يعني بمعنى حتى في إمريكا بين المدينة والمدينة الآخرى إذا كان الشحن جوي لا يقومون بشحنها . والمقصود من الكلام هذا كله إنه الطائرات المدنية ممنوع شحن الليزر عن طريقها ويمكن ان يشحن عن طريق طائرات الشحن المخصصة لذلك .

[a1Ruwais]

افادوك الاخوان .

[حايز الصيد]

حبيت ارد على هاي تك وفيصل الرحيمي

انا ما ادري هل عندكم قوانين انظمة الهجرة والمهاجرين في امريكا وتتكلمون على اساس ؟؟ او تتكلمون من قراغ بس ؟؟

القطع هذي مسموح بيعها للامريكي وغير الامريكي ولا تحتاج تصريح
ثانيا اللي يقول بعد 11 سبتمبر وسجون ومدري ايش.. احب اقول له
اذا يبون يحطونك فالسجن بيحطونك ومن دون سبب
او انك ماتعرف انه يحق لهم سجنك لاجل غير مسمى للاشتباه في ارهاب ؟؟

وسلامتكم

[hightech]

حبيت ارد على هاي تك وفيصل الرحيمي

انا ما ادري هل عندكم قوانين انظمة الهجرة والمهاجرين في امريكا وتتكلمون على اساس ؟؟ او تتكلمون من قراغ بس ؟؟

القطع هذي مسموح بيعها للامريكي وغير الامريكي ولا تحتاج تصريح
ثانيا اللي يقول بعد 11 سبتمبر وسجون ومدري ايش.. احب اقول له
اذا يبون يحطونك فالسجن بيحطونك ومن دون سبب
او انك ماتعرف انه يحق لهم سجنك لاجل غير مسمى للاشتباه في ارهاب ؟؟

وسلامتكم


علشان كذا اقول اترك الداب وشجرته وعساك تطلع سالم ... وسلامتك