للخبراء بتربية الـــنحـــل..........لضروره.؟

[جارح العين]

السلام عليكم ورحمه الله وبركاته
الي له خبره بتربية النحل
جا لبيتنا سرب من النحل بفتحه بالجدار وله اسبوع الحين وجبت خليه بس كيف اخليه يطلع من هالجحر ويدخل الخليه
الله لايهينكم ابي رد سريع قبل يروح علي النحل:(

[محمد باحاج]

بسم الله الرحمن الرحيم

أتمنى أن يكون النحل الذي أكرمك الله به نحل بلدي وليس نحل صغير أو اندونيسي كما يطلق عليه

ثانيا ودي تصور لي المكان اللي دخل فيه النحل عشان نعرف ألإضل طريقة للإستفاده منه
وهل الجدار في منزل أو مزرعة أو مستودع

أرجو تبيين ذلك

ولم أنتبه للموضوع وإلا كنت رديت عليك فورا

[قنآص زهرآن]

بسم الله..بشرح لك بشكل عام..طريقتي ..هي تكون بشكل عام وانت افعلها بشكل يتناسب مع مكان الدخش الي النحل هو فيه..طبعا انا اتكلم على ان النحل بلدي..ومن الزين..اول شي تجيب خيشة رز..او ريش من الكبير..وتولع فيه لين تطلع داخنته وتحشر الداخنه عند مكان وجود النحل..طبعا تكون انت لابس عدة النحل الحاميه وقفازات..وتبحث عن ملكة النحل ..نمسك الملكه وتحطها في علبة كبريت او شي قريب منه..وتضع الملكه في الخليه الي انت تبي تنقل النحل فيها..ثم تجمع لك من النحل الي بيكون طايح ودايخ من الدخان لان الدخان يعمي النحل وما عاد يقدر يطير..وتضع من النحل حول الملكه داخل الخليه ..وتجيب سطل وتحط فيه مويه وعلبة فلين وسط السطل..وتخليه قريب من الخليه ويحبذا لو تضع شمع جاهز داخل الخليه..وانتظر اسبوع ..طريقة وضع الملكه داخل علبة الكبيرت تفتح العلبه بحيث ما تقدر الملكه تطير..وتخلي الملكه يوم..لين يتعرف النحل الجديد على المكان..وبعدها تصكر الجحر الي هي كانت في من اول..وتشيل الشمع..ثم نفس الطريقه بعد يوم تولع خيشه وتطير النحل وتشيل الملكه من علبة الكبيرت وتخليها داخل الخليه..وان شاء الله تنج الطريقه..انا مجربها مع النحل البلدي..وما ادري عن النحل الي انت شايفه..تقبل مروري

[a1Ruwais]

الله يعافيك ماقصرت ..

[جارح العين]

بيض الله وجيهكم
والله السالفه مو سهله يبيلها خبير ومالقيت ادوات النحال ولا لقيت نحال
والنحل الي عندي بلدي
وبفتحه بالجدار بالبيت والنحل برا ملتم حول بعض عالجدار بس مادري الملكه بينهم ولا جوا الجحر
والله يعطيكم العافيه

[قنآص زهرآن]

شوف..اذا م عندك خبره..تبي شوري خلها مكانها اذا قرص الشمع كبير..وخلها دامها بفتحة الجدار لان لو تضايقها يمكن الملكه تشد وبيشد معها الفرق كله..بس انتبه لعيالك واهلك لا يهيج عليهم ترى خطير وما تشوف خير من هياجه..وخلها دامها بلدي واذا شفت العسل مثل م قلت لك خيشة رز وشبها وخل الداخنه على النحل..وخذ قرص العسل وسو الطريقه الي قلت لك اول دور الملكه..وتعرف الملكه بحجمها الكبير عن باقي النحل انت ركز وبتعرفها على طول..وسو الطريقه وبتكون استفدت العسل وتنقل النحل للخليه..تقبل مروري