المساعد الشخصي الرقمي

مشاهدة النسخة كاملة : ربيع الصناعية ينافس رياض الصمان./


عروان
14/02/2005, 10:04 AM
السلام عليكم ورحمة الله وبركاتة

حنا يا أهل الشرقية الله راضي علينا هالسنة و كل سنة أن شاء الله. و من علامات رضاه سبحانه المطر والربيع الزين هالسنة مثل السنوات الماضيه الله يديمها..........قولو أمين

الربيع هالسنة كثير و من كثرة الخير حتى الصناعية مربعة ربيع ينافس بعض رياض الصمان :D

شوفو الربيع في صناعية الدمام (بين الخبر والدمام).


http://www.mekshat.com/pix/upload/images7/mk657_ind_pic2.jpg


http://www.mekshat.com/pix/upload/images7/mk657_ind_pic.jpg


الله يبارك بهالارض
:bounce:

أطيب تحية للجميع
رسلان
14/02/2005, 10:42 AM
ماشاء الله تبارك الله ...
الله يديم الخير ويتمم عليه ..
عافاك الله أخوي ..
بركان
14/02/2005, 10:51 AM
اخوي/ عروان
وحنا بعد الله راضي علينا مهوب انتم بس.
لا تستعجل تراني امزح
الله يديم رضاه علينا وعليكم وعلى عموم المسلمين قل آمين. آمين.

نعود لموضوعك
عرفت السبب ليش صناعيتكم مربعه
على شان الله يسلمك عنصر الحديد متوفر في التربه لقرب المنطقه المربعه من الصناعيه.!!!! تراني صدقت نفسي!!!

ماشاء الله مناظر تسر العين اجل مناطق النعيريه وش بتصير عقب الامطار اللي بتهطل هاليومين باذن الله.
تحياتي.
ملبد
14/02/2005, 11:25 AM
هين ياعروان .. هذي توهيقه تبي توهموننا بصناعيتكم ..
لا وقبل أيام تقول إني بالنعيرية ثلاث اسابيع مخيم .. مشها على غيرنا
والفقع بأرض السفانية وراس مشعاب وابو علي .. ماندري عنها :D
وأكيد هذا شايب الصمان مدرسكم ..كل شوي رايح للبخراء ووسط الصمان ويمدحه .. :looney:
رحلاتكم للصمان والصناعية ( ردامة ) حتى لانوصل اللي تحت الأرض .. :alarm:
اقول طلعوا المستخبي ياشرقاويين ..وعلمونا وين أرض الفقع عندكم .. :p
عروان
14/02/2005, 02:14 PM
هلا والله بركان

مرحبا الساع......بويه


أنت تبي التفسير العلمي لربيع الصناعية. ...........أبشر

يا طويل العمر أرض الصناعية مدفونه برمل جديد والرمال الجديدة هذي مجلوبة من النفود اللي غرب الدمام.

نقلت الرمال بما فيها من بذور العشب. و لما أنزل الله المطر نبت العشب في الصناعية.


أستلمت

:)
عروان
14/02/2005, 02:19 PM
ملبد الفقع أرضه معروفة لكنه صغير و شوي بالحيل.

أنا رحت لمه الجمعة الماضية ولقيت الارض محفرة ولا هنا شي. و اللي زاد الطين بلله, راعي غنم مفللي بالارض نفسها و أثر الغنم حايسن الارض ولا تقدر تشوف الفقع.


أطيب تحية لك.
ريف النشاما
14/02/2005, 02:47 PM
:D :D :D


الله يهديك وييزاك خير

تصدق حتى عندنا ياففيه ربيع كان قدرت صورته لكم

يعني ودك تكشت بجنب البيت :good2:
هاوي نفود
14/02/2005, 03:38 PM
الله لنا ياهل الرياض

أجل حنا نعني ونتعب ندور نقيطة خضار وأنتم تقشتون على ما يخلص الميكنيكي من تغيير البواجي

ما شالله عليكم ............................... ( لا تقول نظلتكم )

عموماً الله يجيب الخير وفعلاً هالسنة الربيع حولكم وحواليكم
أبو يوسف
14/02/2005, 08:31 PM
الله يديم الخير

ربيع زين
والشرقية هالسنة مطرها زين


مشكور اخوي ومع التحية
الطعس الذهبي
14/02/2005, 10:39 PM
المشكل ان الرياض والي حولة مافية ربيع
شايب الصمان
14/02/2005, 11:06 PM
[QUOTE=ملبد]

وأكيد هذا شايب الصمان مدرسكم ..كل شوي رايح للبخراء ووسط الصمان ويمدحه ..
===========================================
أسمع ياملبد أكيد أنك ملبد شىء هذي أحلف أن ماطلعتني من رأسك ترى بقيم عليك دعوى (بقولكم شىء لو أننا قمنا بكل الي حقيناهم كان عشر سنين نأكل لحم يوميا :D ). الوالده الله يطول بعمرها ووالديكم قالت لي مثل كلام العاقل ينقص النصف ,,ودائما أستعمل المثل عندما أبي أشتري شىء ,, وأقول للبائع الواحد لازم يطيع كلام والديه يرد ويقول صحيح لازم.. فأنا لازم أسمع كلام الوالده حفظها الله :D :D :D :D .
عاد نرجع لموضوع الاخ الحبيب ملبد الحق عليك وأتهامك لي لازمه ثلاثة خرفان وقعود وخمسين لتر حليب خلفه بكر ""وتتغذى بالصمان على الحشائش والازهار""<<< مدرس علوم صف أول أبتدائي.{الخمسين لتر لي أنا لحالي بدون أبوفر....}.وأنت ساكت ياعروان والله ماأدري ويش أخر هاسكته.
ملبد
15/02/2005, 07:51 AM
هذا الشايب النشبة :mad:
اللحين كل ماطق عود .. قلت يركبك حق يافلان :mad: .. وش هالشفاحة.. انتبه لايقال عنك شايب مخرف ومشفوح.. يكفيك مخرف :D
احمد ربك إنك جبت سيرة الوالدة الله يحفظها .. وهذا اللي خلاني أوجب ذكرها وأهون عن اللي ببالي..
وبعدين نصيحة اللي مثلك ( لايدغ ) باللحوم والشحوم.. شوري عليك خل حدك الحلاوة الطحينية الكويتية ;)
ونصيحة لربعك كانهم يدرون .. امنعوه من اللحم بالكشتة .. ترى حذرتكم .. لايفنك .. ثم ماتلقونه إلى بطرف الفيضة منسدح ويابس ومنعكف مثل الربيان اللي ماقشروه.. وتبحلون بالمحامي أحمد يكيكي .. أنت توحي ياقحطة .. :D