افيدوني يا اهل الباترول عن هذه المشكلة

[الكرينكوف]

الله يمسيكم بالخير جميع

عندي باترول موديل 90 ماشي 300 الف وفيه مشكله تهريب صوف المكينه

وش الحل الامثل , وهل فيه طريقة غير فك المكينه؟ , وهل هناك ورشة افضل من ورشة صبياء متخصصه في النيسان في المنطقة الشرقية؟

وجزاكم الله خير

[نايف الكشات]

والله يااخي ان الترقيع بالسيارات القديمه متعب جدا لأنك تصلح اليوم وبكره تخرب حاجه مشابه
والسبب ان جميع الربلات والجلد والوجيه تتأكل وتتلف مع مرور الزمن

[sultan911]

ورشة صبيا ممتازه وفيه ورشه الهاجري كلها جيوب بترول وفيه شباب حاطين سياراتهم عندها ويمدحونها

[الكرينكوف]

يعطيكم العافية على المرور

ومشورتك في محلها ياسلطان

[سوبر VTC]

اذا كان تعريق بسيط لا تلمس المكينة
اهم شي اذا مشى الموتر 3000الاف
عاير الزيت و شف كم ناقص
طيب هل الارض او الزفلت او القار
اذا صار الموتر واقف تنطبع اثار زيت واجد
التهريب من اين ؟؟؟

اذا كان التهريب من الامام مقدمة المكينة
فغالبا يكون التهريب من صوفة صدر المكينة
او من صوفة عمود المكينة الكرنك
يفك الصدر فقط
من دون تنزيل المكينة بالارض

اذا كان التهريب خلف المكينه
بين القير و المكينة فهذه الصوفة الخلفية
ينزل القير بالارض ب300ريال تقريبا و تغير صوفة المكينة الخلفية

تهريبات اخرى مثل
تعريق وجه الكرتير
وجه صدر المكينة
وجه غطاء راس المكينة

اهم شي اذا حطيت زيت جديد لايزود الزيت عن المستوى المطلوب
لو زاد عن الحد
راح تنفجر او تنفقع احد الصوف و تهرب
و الافضل تنقص نص علبة احتياط و امان
لان الزيت الجديد ب1500كيلو يتمدد و يزود
النقص و لا الزود

موفق