الفزعه يالربع .. بارودي ما تنتش وحده وحده بس{{ فيوجن جديده}}..

[الدحمنه]

السلام عليكم

الله يعطيكم العافيه و... يقويكم على الطاعة

بارودي الغااااالية جدا (( فيوجن ــ براوننق )) ماتنتش ترمي وحده وحده مع انها جديده

ما أدري وش العله مع اني عرضتها على اكثر من شخص من أهل الخبره والإختصاص

يقولون ما نعرفلها جديده علينا البارود

اللي عنده رأي او تجربه مع نفس المشكلة لا يبخل علينا


لو بغيتو احط لكم صورة البارود
انا مستعد


الله لايهينكم ودمتم سالمين

[براق دخنة]

والله ياخوك جديده والضاهر ماحد عارفها

يبيلك تنضيف نضفها مزبوووط وان شاء الله

[الدحمنه]

تسلم اخوي براق دخنه

نضفتها الين داخت بس ما فاد

البارود ماهي غريبة او نادرة

بس انه موديلها جديد ... وهذي صوره لها

http://www.m5zn.com/uploads/2010/3/18/photo/l5fzp7kvoheqtyr5.jpg

[مطارد القمري]

والله غريبه ممكن خطأ في تخزين الفشق
الفيوجن والله غريبه
خذ هرابط


قبل ماتشري ام خمس مستعمل .. اتبع التالي ((شرح مصور)) (http://www.mekshat.com/vb/showthread.php?s=&threadid=11116)

[محب العقاب]

إن كانك بالرياض
ودها للشياقي بإذن الله بتظبط

[الدحمنه]

مطارد القميري
يعطيك العافية تعليمات مهمه ومفيدة


محب العقاب

تسلم انا ببريدة بس اجي للرياض

وشلون اعرف مكان الشياقي الله لا يهينك

[عقيد حرب]

اخوي رح للرميان الي بالجردة يعرف الجن لاشتهاا وتلقى رقمة بالباب الاصفر حق المحل

[شاص2007]

اذا كانت غازيه فأكيد يبغالها ضبط الغاز

[راشد الخلاوي]

اخوي هل كانت ترمي الخمس وبعدين جات المشكلة

او بعد التركيب على طول لأنه يمكن التركيب فيه غلط والواشرات ركبتها من جهه وحدة والا بالمقلوب

انا عندي وحده من فيوجن والحمد لله ما خالفت ابد من سنتين تقريباُ

ولك تحياتي

[مكفاح افندي]

السلام عليكم اخوي وش ظغط الفشق اللي تستخدمه اذا كان اقل من 36 قرام فهنا المشكله

[سان جورج]

انا لدي واحدة نفسها بالضبط , لا تمري بها إلا وهي مضغوطة على الكتف بقوة , وشوف ايش يصير معاك وان شاء الله خير وصايد وفايد

[الدحمنه]

الله يعطيكم العافية كلن باسمه

ومتأسف على التأخر بمتابعة الردود .....

وابشركم رجعت البارود لحالتها الطبيعية :good2:

الحمدلله :)

الظاهر انه واحد الله يهديه رغب للبندق وجايزتن له

جا لمي قبل كم يوم يبي يشتريها

طبعا انا ماعندي نية بيع ابد ابد ( الله لايحيجنا )

وراح وهو نفسه فيها طلع من هنا وهي تخرب من هنا

طبعا انا ماكنت متوقع انه هو السبب

لكن بعد ما جبته وخليته يقرا عليها

وقرا عليها واحد ثاني

ضبطت البارود الحمدلله

اشكركم كل الشكر على التفاعل

تحيتي لكم

[يازين البر]

اخوي رح للرميان الي بالجردة يعرف الجن لاشتهاا وتلقى رقمة بالباب الاصفر حق المحل


ياخي أروح للجن ولا أروح للرميان الله يهديه :)

شغل عجلة ولمصقة وغاااالي ولا ينزل لك ولا هللة كأنه يعطيك من جيبه