استفسار من اهل الخبره في جمس 2006

[ltzf]

السلام عليكم ورحمة الله وبركاته

اولا اشكر جميع اعضاء مشكات وخصوصا الاعضاء المميزين الي مواضيعهم منوره بالمنتدي . جزاهم الله كل خير والجنه وجعل الله كل ما يقدمونه في موازين حسناتهم انشاالله

عندي جمس 2006 لما اعبي بنزين فل الموتر مايشتغل احاول اشغل كم مره مايشتغل وارجع اشغل وادعس بنزين كم مره يشتغل وهو مكتم وبعدين تمام جربت اعبي ب10 ب20مره يشتغل ومره ما يشتغل وهذي الحركه ماتصير الا لما اعبي بنزين
ما ادري فين المشكله وانا اشك في طرمبة البنزين . اشتغلت لمبة شيك انجو في الطبلون وفحصت بجهازفحص الاعطال وطلع رمز
p0442
EVAP emission control system leak small
وبعد الترجمه في قوقل
EVAP-انبعاث نظام مراقبة تسرب صغير

مافهمت شي

و تغير صوفة الدفرنس الأمامي هل تحتاج وزن الدفرنس بعد التغير؟


ياليت احد من اهل الخبره يفيدني

وسامحونا اذا ثقلت عليكم

[فهد773]

توقعاتي الطرمبه البنزين

[mtc_959]

مشكلتك في حساس
http://www11.0zz0.com/2010/03/19/05/974871020.jpg (http://www.0zz0.com)
اتوقع يحتاج له تنضيف لكن يبيلك ميكانيكي ينفض التانكي
بخصوص الصوفه انت تقصد حقت اليمين ولا اليسار اذا كانت يمين شغل يده احدود300 واليسار بـ50 والسبب راجع لطريقه تركيب الصوفه
ماحكيك غير صوفت الدفرنس الامامي الايمن عند هندي بـ80 لكن بعدها ماصار الدبل يشتغل وسواه عند واحد ثاني معد ماعرف المشكله ان الصوفه اليمنى لازم تفك نص الدفرنش واليسار ماتحتاج

[meshall2]

هلا والله اخوي
شفلك محل اخر يكون كمبيوتر الفحص حقه اصلي ويطلعلك العله تمام
ويقوم بالتصليح .
المفترض فني الكمبيوتر يقولك العلة مايحتاج ترجم ولا شيء

[ltzf]

جزاكم الله كل خير جميعا

وجزيل الشكر لكم

يعني تنصحوني بفك التانكي وتنظيفه وتغير صفاية البنزين مع تنظيف الطرمبه
بالنسبه للحساس انا عندي جهاز يطلع الكود مارحت ولا ورشة كمبيوتر بس مافهمت هو حق ايش هو حساس شكمان او بنزين اوغيرة
والصوفة الي تحتاج تغير هي الي مع عامود الدبل الي في الامام لا يمين ولا يسار

[سوبر VTC]

لاتفك التانكي :no2:
اول افحص ضغط الطرمبة
شف كم تعطي
النقطة الاخرى
مايشتغل الموتر بعد تعبئة الموتر مباشرة على كلامك ؟؟؟؟
هالكلام صحيح ؟؟
اذا كان نعم
قبل لاشتغل الموتر بالمحطة
ركب ساعة فحص الزيت و افتح السويتش لكن بدون تشغيل الموتر
و شاهد كم تضغط الطرمبة ؟؟؟
اذا كانت تضغط 45 و طالع فالطرمبة تمام :good:
لو حدث العكس فالطرمبة ضعيفة
و يدل على ضعف الطرمبة ضعف العزم
هل عزم الموتر قوي بعد ان تفتح الاشارة ؟؟؟
اذا كان نعم فالطرمبة تمام
هل ممشى الموتر بالديرة تمام من ناحية العزم ؟
اللي اعرفه ان فلتر البنزين م2005 و طالع بنفس التانكي
علبة لونه اسود و لا تغير
بعكس م2004 و تحت الفلتر خارجي بنفس الشاصي

حل مشاكل التفتفة في الجموس والشفرات (http://www.mekshat.com/vb/showthread.php?t=208116)

ادخل هذا الرابط بالاسفل
و شاهد كيفية فحص الطرمبة
او ادخل موضوعي بالتوقيع
عن جميع اعطال الطرمبة

قياس ضغط طرمبة البنزين للجمسات + تغير صفاية البنزين بالصور (http://www.mekshat.com/vb/showthread.php?t=207564)



اذا كان عندك ساعة ماطور هواء حق الكفرات مثل ابو جمل
فبامكانك تولفه تخليه ساعة قياس

http://www.mekshat.com/vb/../pix/upload01/prof005/mk53291_gb11.jpg


http://www.mekshat.com/vb/../pix/upload01/prof005/mk53291_gd22.jpg

[Magellan]

هذي مشكلة شائعه في كثير من سيارات GM
تحدث عاده بسبب ضعف التبخير أو إنغلاقه من المحرك إلى التانكي
لأنه لابد من البخار او الزائد يرجع للتانكي
ففيه مرشح اسمه EVAP vent solenoid يكون متوسخ او منغلق فيتسبب بعدم رجوع فائض البنزين
شكله مثل القطعه السوداء بالاسفل وموجود بالقرب من التانكي


http://service.gm.com/engif/000/001/848/1848441.gif

الكثير من المواقع الانجليزية اقترحت حلين لهما:
1- تغيير غطاء البنزين بآخر
2-تبديل القطعه بالأعلى بأخرى ورمزها P/N 10382105

[سوبر VTC]

طيب يا ماجلان
ما يكون من هذا :D


http://www.mekshat.com/vb/../pix/upload02/images76/mk53291_nfn5.jpg

[ltzf]

اللة يرحم والديكم ويزجاكم الخير كله ولا يحوجكم لااحد الا لوجة الكريم انشاالله
كفو والله وبيض الله وجيهكم يالمشكاتين

ابا احاول في الموتر و اعطيكم خبر باذن الله

[Magellan]

إلا هو ياسوبر فتك بعينه وعلمه
طبعا انا انجليزيتي جيده ولذلك لما اترجمه مايكون له مصطلح مقابل بالعربي
ويختلف الخواجات عنا بالتفسير
لكن عزا الله إنك جبته
بس أخونا ltzf لازم يعرف إنه فلتر راجع البنزين ومو فلتر البنزين لأن 2006 مافيه فلتر خارجي

[meshall2]

اخوي افحص الكتاوت حق الطرمبه ( الفيوز ) يمكن خربان قبل كل شيء
طبعا مكانه في الكبوت

[كبسولة2]

أخوي الكريم هذا الرمز يدل على فلتر بخار البنزين

وتجده يمين التانكي أسفل السيارة يحتوي على فحم حجري أسود

http://www.mekshat.com/pix/upload02/images76/mk53291_nfn5.jpg

لأمتصاص غازات البنزين الضارة بالبيئة وهو مفروض على صناعة السيارات من قبل

منظمات حماية البيئة

فيه 3 ليات كبس ومسمار تثبيت تفكها كلها وتطلعه للخارج وتوديه للبنشري

وتنفخه بلي الهواء حتى يخرج منه الغبار كامل كأنك تنظف فلتر الهواء

بعدها ترجعه مكانه وتفصل أصبع البطارية نصف ساعة وتشبك وتشغل السيارة

بإذن الله تختفي لمبة (تشك انجن)

[ltzf]

شكرا شكرا شكرا الله يعطيكم الف عافيه ويرحم والديكم و الله يكثر من امثالكم

اخوني مجلان وسوبرفتك وكبسوله2 الله يزجاكم الجنه انشاالله قولو امين

فحصت ضغط الطرمبه قبل ما اعبي بنزين طلع 40 قبل تشغيل السياره
وبعد التشغيل طلع 60 ورحت المحطه وعبيت بنزين فل وفحصت الضغط طلع 40 قبل تشغيل السياره وبعد التشغيل 60 حاولت اشغل السياره ما اشتغلت بعد 4او 6 مرات اشتغلت وهي مكتمه وبعد شويه تمام وعزم السيارة تمام التمام بعد الاشاره وفي البلد

يعني المشكله كلها في فلتر راجع البنزين راح اطلع ابوه وانظفه انشالله

طفيت لمبت تشك انجن بالجهاز الي عندي وهو نوع cp9180 actron
وقبل كده اشتغلت المبه وطلع كود حساس الشكمان طفيتها ولا اشتغلت مره تانيه هل يعني انه لغي الحساس

اشتريت الجهاز من امزون وماني فاهم عليه يطلع كود وانا اترجم واحيان افهم واحيان لا

وسامحوني تعبتكم معايا والله يجعلها في ميزان حسناتكم انشالله

[ltzf]

فكيت فلتر راجع البنزين ونفخته بالهواء وطلع نظيف لاغبار ولا شي وركبت كل شي تمام ورحت المحطه اعبي وما اشتغلت السياره
والمشكله ماهي من الفلتر

[سوبر VTC]

جزاك الله خير
لاهنت

ضغط الطرمبة ممتاز ما شاء الله :good2:
عند التشغيل 60
و عند فتح السويتش 40 :good::good::good:

ان امكن حط صورة لفلتر الراجع البخار :)

للفائدة
لو قدر الله ضعفت الطرمبة مستقبلا
ستلاحظ
ان الموتر عزمه ضعيف و مايستجيب لدوس الابنص

طيب

الريقيوريتر
سبق اني غيرته جديد ب200ريال
و اشتغل الموتر باول دقة
علما انه سابقا عيا يشتغل الموتر نهائيا
و فكه سهل جدا
عليه مشكبيه او تيله
و تاكد من اللي الصغير اللي راكب عليه من الاعلى
لايكون منفصل
جرب تغيره من موتر اخر حولك
او من ورشة او من التشليح

http://www.mekshat.com/vb/../pix/upload02/images76/mk53291_ntbbn3.jpg

موفق

[Magellan]

طيب ممكن يكون عندك تهريب في فتحة خزان البنزين
يعني غيّر الغطأ أوخذه من واحد قريب لك وجرّب
إن طلع منه أشتره أو رجعه لصاحبه

[سوبر VTC]

طيب ممكن يكون عندك تهريب في فتحة خزان البنزين
يعني غيّر الغطأ أوخذه من واحد قريب لك وجرّب
إن طلع منه أشتره أو رجعه لصاحبه

انت تقصد تهريب لي الدفع الى المكينة اللي فوق التانكي ؟؟
لو صار منه اتوقع يشم ريحة + الموتر ضعيف و يقطع بالممشى
لان البنزين مايوصل للبخاخات
لكن ممكن احتمال سدد بنفس اللي

[ltzf]

الاخوان سوبرفتك ومجلان اشكركم جزيل الشكر والله يعطيكم العافيه


الريقيوريتر لا يوجد في سيارتي والي فهمته من المنتدي انه 2005و2006 تغير فية نظام الوقود وتم استبعاد الريقيوريتر
حتي فلتر راجع البنزين شكله يختلف عن الصوره الموجوده انشالله احط صورته يا مشرفنا سوبر فتك وهذا رقم فلتر راجع البنزين 12573649 فكيته بس نسيت اصوره

[سوبر VTC]

حياك
ترى الريقيوريتر راكب على ماصورة البخاخات
تاكد منه :) بلف صغير

[ltzf]

غيرت غظاء البنزين بواحد جديد ابو مفتاح والمشكله موجوده


احترت مع هذا الجمس طفشني

[سوبر VTC]

انت متاكد من عدم وجود ريقيورتير !!!

هل فتحت السويتش 3مرات ؟؟؟
في كل مرة لازم تنتظر 4ثواني
في المرة الرابعة شغل ان اشتغل الموتر على طول
فالمشكلة من بلف الطرمبة ينسم سبرنق او رداد بنفس الطرمبة

من هو اللي قال لك غير الغطاء ؟؟؟
المعروف اذا فتحت غطاء التانكي و طلع هواء قوي يكون السبب
ان غطاء التانكي مقفل بوسطه بلف + سبرنق
تجيب مفك صغير و تلغي السبرنق و يصير مضبوط :good:
و هذي مطبقة عند احد الورش


عموما مر على ورشة عبدالرحمن الجميح ابو عدنان :good2:
ورشته بعد الوكالة حقت خريص على اليمين
يعني لف بعد الوكالة يمين وجهك جنوب تجيك الورشة على اليمين مباشرة
تراه يفتح فقط العصر و المغرب على حد علمي
و احتمال يفحص لك بلاش خبرة امريكي :good:
و هو يبرمج كمبيوترات لسيارات مرهمة للامريكان
يعني يتواصل معهم عن طريق النت
هو مهب سهل ما شاء الله عليه

+


هذي ورش من الاخ ماجلان

للجموس







عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...

والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه

وفي عندك صناعية ام الحمام ورشة القحطاني رقم 11 سوداني فلته في الكهرباء
موفق

موفق

[Magellan]

ياويلي ياسوبر فتك
إلى الحين عندك هالورش ...
ترى ماأدري عن اللبناني يمكنه أسلم الحين:D
المهم رد على رسالتي بالخاص يانحيف:mad: