سرقة جيب فكس ار

[جذع]

ياربع فزعتكم السيارة ودينها الي التلميع وبعد ماحضرنا نبغي نستلم السيارة في نفس الوقت الي حدده نساله نقوله وين السياره يقول اخوك جاني هنا وحاسب بعد ماضحكو عليه عن طريق الجوال دق علي حرامي مثله علي انه راعي السياره طبعا اعطاه المفتاح وراحت السياره الله يعوضنا ؟
جيب فكس ار
موديل 2007
الون ذهبي
جائزه من يحصله عشرة الاف ريلا

[هوايتي مكشات]

تاكد من المحل قبل كل شي وعسى الله يعوضك خير

[الشهم الاصيل]

ارسل الون ورقم الوحة

[باث2001]

الله يعوضكم خير , بس عطنا رقم لوحته ومواصفاته وهل فيه علامة بارزة نعرفه فيها ؟

ياليت صورة اذا امكن .

[هاوي البر]

ابلغ الشرطه وطلب التحقيق اول مع محل التلميع يمكن يكون اتفاق بينه وبين السارق
الدعوه سهل كل من جاه عطاه المفتاح

[جذع]

اشكركم ع اهتماكم
رقم الوحه 1001
ب أ د
خليجي السياره شد بلد اخوى الجديد قير تماتيك

[أبوعُمر]

حميد يستاهل كل خير

الله ييسر أمره و يرجع له ذاهبته .

[ابوتلين]

الله يعقلة ويرده لك يابودحيم

[خواع]

الله يرده لك سالم . ولكن كيف يروح من محل تلميع . وين اصرفها ذي المحل هو المسؤووووووووووول عنه . وهم الي يعوضونك عنه بعد الله . ليش يعطي المفتاح واحد ثاني . ذا صالون ماهو لعب والله يسهل امورك وتلقاه في القريب العاجل

[mr.end]

ياخوي
يعطونك اوصاف اللي اخذه
وان شاء الله المحل فيه كاميرا تصوير

[وسيع البنايد]

يعوضونك هل التلميع

[ابوعبدالله511]

الله يعوضك ان شاء الله

ويرده لك

[الاشهب1]

الله يعوضك ان شاء الله

ويرده لك

[الحر اللقيطي]

الله يعوضك .. وبأذن الله تحصلونها عآجل غير آجل


وخل العامل الي في التلميع يعطيك اوصاف الرجال ،،

وعسى ربي يردهآ لكم سآلمه وودي بالفزعه والله لاكن .. انا معكم بالدعاء ..

وجعــلكم تحصلونها اليوم قبل بكره ،،

[الإستراتيجي]

أخوي ما أدري كيف غابت عن بالكم


رقم جوال إلي أستلم السيارة لازم تسجل بياناته أو حاجة زي كذا



لأنه أنت تقول هو دق عليه على أنه أخوك ...

ولازم تتأكد من كلامه وتجيب الشرطة تسجل كل أقواله لأنه ما فيه حاجه إسمها دق علي وسلمته الموتر !!

على كذا سرقات السيارات بتتم من خلال مراكز التلميع بيتصل ويقول أخوه ويستلم بداله :mad:

[-عزيز-]

لاحولا ولا قوة إلا بالله ,,


لعب هي !!

موترك حاطه عندهم وعلى مسؤليتهم الكامله ويعوضونك غصبن عليهم ,,


رح للشرطة وقلهم الي صار ,,

وعندي ملاحظة قلهم رقم جوالي معكم والرقم الي دق مهوب لي وتأكدو منه بعدين ماقلتلكم يوم احط السيارة عندكم ان اخوي يبي يجي يستلمها ولو كنت بقولكم كنت دقيت من جوالي الي مسجل عندكم ولا جيت شخصياً ,,



والله يردهـ لك سالم

[mohamed555]

ياخوي تقدر تجيبه يالغالي

ارجع لرقم اللي اتصل على محل التلميع

واخذ الرقم واكتب خطاب للامارة والاماره ترفعه للشرطه

والشرطه ترفع خطاب رسمي للاتصالات

لو كان الرقم بأسم هندي يجيبوونه من خلال تتبع المكالمات الصادره من رقم الحرامي الي ارقام اخرى

بحيث تستدعي الشرطه احد اصاحب الارقام التي اتصل عليها الحرامي

وراح يعترف لمن الرقم

والطرقه هذي مجربه

وبالتوفيق اخوي

[ناصر الدهمشي]

فوضه هي
يستلم السيارة بدون فاتورة ولا سند استلام ولا شي

اي واحد يجيه ويعطيه الاسم بس علشان قال اخوه

والله لخليه ينق فلوسه ريال ريال

اهم شي يكون عندك اثبات انك مدخل السيارة عندهم

صار مثل هالموقف وبجيب لكن بمغسلة سيارات وقف سيارته يغسلها

وحط المفتاح عند اللي يغسل جاك واحد وقاله سيارة اخوي ودفع حق الغسيل

واخذ الموتر

وراعي المحطه جحده قاله ماحطيت سيارتك تغسلها انت كذاب

وبعد سبوع لقى سيارته مشلحه

والله يرجع سيارتك قريب ان شاء الله

[عاشق الفتك 20]

لاحول ولاقوه بس موقعك وين

[أبو لافي]

الله يردها لك ان شاءلله عليكم بالدعاء

[شمااااااااالي]

أخوي أسال االله انه يردلك سيارتك أخوي والله كل شي مقدر دور لا تيأس من روح الله

[جذع]

الموقع الرياض
لكن احب اشكر كل من تفاعل معنا
ولكم تحياتي جميعا

[صوت السراب]

الله يردها لك سالمه

[ساكن الشمال]

السلام عليكم
مساك وصباحك خير في خير والاخوه المكشاتية وكل قارئ
اخوي الله يخلف عليك
انشاء الله ترجع لك السيارة في اسرع وقت وسالمه
بس شف اخوي حقك لايضيع لاتروح تتعب ولا تدور اذاكان معك شي يثبت انك دخلت السيارة عندهم قدم شكواك واقعد لهم وطول بالك وحقك بتاخذه منهم غصب عنهم بالشرع بالقانون
واذا تحتاج فزعه ارسل لك رقم جوالي وانا اعلمك الطريقة اذا ودك بالفزعة وعلى فكرة سيكون الاتصال بيننا بالجوال لاني اعتقد انك بالرياض وانا بالجوف :good2: