المساعد الشخصي الرقمي

مشاهدة النسخة كاملة : تكفـــــــــون أفزعوا يالنشامى


أبو شيبة
20/03/2010, 09:55 AM
السلام عليكم ورحمة الله وبركاته

يا أخواني مشكلتي هي المراوح حقت التبريد وطبعاً الموتر باترول 2001 , وأنا آخذ فكرة إن الباترول ما يحتر ولكن لاحظت إن حرارة موتري تتعدى الخط الأول بشوي .
يوجد مروحتين تبريد , الأولى تعمل عند تشغيل المكيف على طول .
والثانية تعمل بعد ما ترتفع الحرارة فوق الخط الأول .
السؤال / هل هذا طبيعي وهل يمكن ترهيم مراوح بدل شد البلد بحيث تكون أفضل وأقوى .

أخيراً / أرجوا الإفادة بارك الله فيكم .
ناصر الدهمشي
20/03/2010, 10:00 AM
تتعدى الخط الاول بشوي عاديه

ونصيحتي لك لاترهم شي خلك الموتر وكالة افضل لك

وبعدين صيخ الراديتر وشيك على المراوح وقوة دورانها

وشيك على الليات والراديتر يمكن تهريب ولا شي

والترهيم نصيحة لاتفكر فيه مراوح سوبارو ومكسيما ومدري ايش

خل الموتر وكالة افضل ومع الاجواء الحاره والزحمه ( كانك بالرياض )
توصل الحراره للنص عادي ترى

لكن انها ماتطول

وجانا الصيف مشاكل الحرارة والقلق جت معه والحمد لله على كل حال
هواوي تعديل
20/03/2010, 12:08 PM
وايضا شيك على تماتيك المروحه حقت المكينه
والخط الاول جدا طبيعي
سوبر VTC
20/03/2010, 01:16 PM
اخوي
الباترول م2001 و تحت
يركبون مرواح سوبارو 2 بدل مروحة السير
و الفايدة عند الوقوف
المكيف ثلاجة :good2:
لانهن يشتغلن مع اشتغال الكمبرسور
و سرعتهن و هو واقف اسرع من مروحة السير
الجمس الصالون و الدينالي مانجح
الا يوم ركبوا له مرواح كهرب شد بلد بدل مرواح السير
و اصبح مكيفه ثلاجه :good:
لانهن يبردن اديتر المكيف + اديتر الماء
و اذا برد اديتر المكيف فان الكمبرسور يثلج
اليوكن م2007 و طالع مرواح كهرب
الدينالي م2004 و طالع مرواح كهرب
اللي ركبوا مرواح كهرب للجمس خصوصا م94 و طالع
طلع المكيف ثلوج و نسوا الحرارة
لان الجمس بعد 10دقائق من الوقوف في عز الحر
توصل الحرارة النص
أبو شيبة
20/03/2010, 05:02 PM
أخواني الأعزاء

ناصر الدهمشي و هواوي تعديل وسوبر Vtc , لكم جزيل الشكر والإمتنان وأشكركم على مروركم الكريم .

أسأل أخي الكريم / سوبر Vtc وين أقدر أركب مراوح سوبارو هاذي ويعطيك ربي العافية .
سوبر VTC
20/03/2010, 09:06 PM
لاهنت
وين موقعك ؟؟؟
الاهم قبل تركيب المرواح
غسل السلندر و الاديتر
اذا كان موسخ او كان هناك طين
و وضع محلول جالون تويوتا و الباقي مقطر
اذا كان الاديتر المنيوم
اما اذا كان نحاس يحط جالون اخضر ايسي ديلكو و الباقي مقطر
عشان يكون شغلك تعب لمرة واحدة شغل قوة :good:
و ماتتعب بعدين و ترتفع الحرارة
بسبب انسداد رصات الاديتر المجاري
أبو شيبة
21/03/2010, 07:55 AM
تسلم أخوي سوبر Vtc
وموقعي حفظك الله الرس .