حب الوطن
20/03/2010, 10:00 AM
السلام عليكم ورحمة الله وبركاته
للمقناص لذه لا يختلف عليها اثنان ومن لذة المقناص العناد بين الاخوه القنوص وخاصه بفعل الطيور الي يقول انا طيري بيفعل وانت طيرك عشاه من الثلاجه
والثاني يقول لا ولله الى طيري هو الي عليه العلم وشيخ الطيور ووووو
هذا العضو القديم ( تواق ) الله يحفظه الشخص هذا ولا تقصيرا بالباقين اعتبره مدرسه في الصقاره لا من علومه ولا من الاشخاص الي هو عايشهم في جيله الله يرحم من رحل ويحفظ من بقاء
تواق له نظره في الطيور مثله مثل اي صقار مولع باالصقور روح تواق للرياض يبي يشتري له حر وكان نيته بقرناس يشوق من شافه ويكفي تواق للمواسم الجايه لن في باله ان طيره هذا بيصقره سنين ان شاءالله
الوكاد يوم جاء تواق للسوق يدور ويدور للطير الي راسمه في باله القرناس الي ما بعده اليوم الاول ويتردد للسوق قرابت الاسبوع ويوصي الصقاقير الي بالسوق تكفون لا عينتو القرناس الابيض الي وصفه كذا وكذا
احجزوه عندكم وانا جايكم ان شاءالله وهو طالع من السوق وقلبه يفز لفرخ فرخ داهيه ويشيله تواق ويقلبه ويفرع عنه برقعه لا والله الطير الي مابعده راسه كاشف تقول فنجال
افجح ساقه قصيره عينه تبشر بالخير مناكبه وساع ظهره جنيه ذهب الوكاد الطير على مايحب صقاره غير عليه فكرة القرناس واشتراه تواق على طول
وعلى رجعته قنص بالطير شمال المملكه :
وكان هناك سجال بين خالي وتواق وهم رايحين للمقناص
خالي : تواق تبي تقنعني ان فرخك هذا بيجاري القرانيس الي معنى
تواق : والله ياخال الطير فرخ ولكن ان شاءالله انه على هقوتي فيه
خالي : ههههههه لا ابشرك طيرك لا هديته بيضرب الحصاه وبيخلي الارنب
تواق : افا ياخال فرخي هذا ان قاله الله ليخليك تعاف طيورك كلها
خالي : نشوف لا نفجت من قدام خشمك وش بيسوي فرخك
وصلو المقناص وقال خالي لتواق انا بنزل اقص برجلي وانت خلك في الموتر ونزل خالي وعلى كفه طيره وقام يقص ويقص لاهي نافجه من قدامه
وعلى طول فرع عن طيره وطلب ومع الارنب ومعها ومره اه بيقربه وتحوص الارنب ويرتفع ويحول وينشها والارنب راصه عمرها وتلوعب
الحين تواق في صراع نفسي بينه وبين نفسه اهد بفرخي ولا لا المهم فرع عن طيره ( سطام ) وهو في الموتر وهو يمد رقبته ويمدها وهو يطلب ويتل سبقه من دس تواق وقلب تواق يقول روووووح قلبي معك في اول هدد لك فعلي ياسطام
يالله عسى في الامر خير الوكاد طياره طيب وخالي على رجله مادرا الى والفرخ راصن عمره وشاطفه وعينه على الارنب ويوم وصل عند الارنب وهو يضربها ضربه وحده لا الارنب مثل الكوره قدامه وهو يرتفع وينزل على الرنب
ويمسكها مع رقبتها ويبتعد عنها بجسمه وماسكها بيده ويصيح :) فرخ مايعرف الى الحين
المهم تواق ترك الموتر وقام يعدي من الفرحه وبعدها خالي مايقارش طيور تواق ابد ليومك
بالنسبه للفرخ رجع تواق من المقناص وجابه لجدي محيسن وعلى طول اخذه جدي واهداه للامير سعود بن عبد المحسن حفظه الله
هذي سالفه حبيت اشارككم فيها اتمنى تنال على استحسانكم
اخوكم حب الوطن
للمقناص لذه لا يختلف عليها اثنان ومن لذة المقناص العناد بين الاخوه القنوص وخاصه بفعل الطيور الي يقول انا طيري بيفعل وانت طيرك عشاه من الثلاجه
والثاني يقول لا ولله الى طيري هو الي عليه العلم وشيخ الطيور ووووو
هذا العضو القديم ( تواق ) الله يحفظه الشخص هذا ولا تقصيرا بالباقين اعتبره مدرسه في الصقاره لا من علومه ولا من الاشخاص الي هو عايشهم في جيله الله يرحم من رحل ويحفظ من بقاء
تواق له نظره في الطيور مثله مثل اي صقار مولع باالصقور روح تواق للرياض يبي يشتري له حر وكان نيته بقرناس يشوق من شافه ويكفي تواق للمواسم الجايه لن في باله ان طيره هذا بيصقره سنين ان شاءالله
الوكاد يوم جاء تواق للسوق يدور ويدور للطير الي راسمه في باله القرناس الي ما بعده اليوم الاول ويتردد للسوق قرابت الاسبوع ويوصي الصقاقير الي بالسوق تكفون لا عينتو القرناس الابيض الي وصفه كذا وكذا
احجزوه عندكم وانا جايكم ان شاءالله وهو طالع من السوق وقلبه يفز لفرخ فرخ داهيه ويشيله تواق ويقلبه ويفرع عنه برقعه لا والله الطير الي مابعده راسه كاشف تقول فنجال
افجح ساقه قصيره عينه تبشر بالخير مناكبه وساع ظهره جنيه ذهب الوكاد الطير على مايحب صقاره غير عليه فكرة القرناس واشتراه تواق على طول
وعلى رجعته قنص بالطير شمال المملكه :
وكان هناك سجال بين خالي وتواق وهم رايحين للمقناص
خالي : تواق تبي تقنعني ان فرخك هذا بيجاري القرانيس الي معنى
تواق : والله ياخال الطير فرخ ولكن ان شاءالله انه على هقوتي فيه
خالي : ههههههه لا ابشرك طيرك لا هديته بيضرب الحصاه وبيخلي الارنب
تواق : افا ياخال فرخي هذا ان قاله الله ليخليك تعاف طيورك كلها
خالي : نشوف لا نفجت من قدام خشمك وش بيسوي فرخك
وصلو المقناص وقال خالي لتواق انا بنزل اقص برجلي وانت خلك في الموتر ونزل خالي وعلى كفه طيره وقام يقص ويقص لاهي نافجه من قدامه
وعلى طول فرع عن طيره وطلب ومع الارنب ومعها ومره اه بيقربه وتحوص الارنب ويرتفع ويحول وينشها والارنب راصه عمرها وتلوعب
الحين تواق في صراع نفسي بينه وبين نفسه اهد بفرخي ولا لا المهم فرع عن طيره ( سطام ) وهو في الموتر وهو يمد رقبته ويمدها وهو يطلب ويتل سبقه من دس تواق وقلب تواق يقول روووووح قلبي معك في اول هدد لك فعلي ياسطام
يالله عسى في الامر خير الوكاد طياره طيب وخالي على رجله مادرا الى والفرخ راصن عمره وشاطفه وعينه على الارنب ويوم وصل عند الارنب وهو يضربها ضربه وحده لا الارنب مثل الكوره قدامه وهو يرتفع وينزل على الرنب
ويمسكها مع رقبتها ويبتعد عنها بجسمه وماسكها بيده ويصيح :) فرخ مايعرف الى الحين
المهم تواق ترك الموتر وقام يعدي من الفرحه وبعدها خالي مايقارش طيور تواق ابد ليومك
بالنسبه للفرخ رجع تواق من المقناص وجابه لجدي محيسن وعلى طول اخذه جدي واهداه للامير سعود بن عبد المحسن حفظه الله
هذي سالفه حبيت اشارككم فيها اتمنى تنال على استحسانكم
اخوكم حب الوطن