لماذا شن الحرب على البيكال [الأرشيف]

العاير

20/03/2010, 01:32 PM

س/ لماذا نري الكثير يشن حرب ضروس على البيكال الروسية
ج/ لان البيكال يوجد منها تقليد وهو مصنع في اوكرانيا ايضا يوجد في تركيا وللعلم ياتي من تركيا شوازن مقلده ويكتب عليه ماركات السلاح العالميه مثل البنلي والبريتا والرمنقتون والبيكال
لاكن اذا كانت الصناعه روسيه اصليه فالسلاح يختلف تجد القوة والمتانه والتحمل انا معي البيكال ماوجدت فيها الا برودة الرمي وهذا يوجد في اكثر الشوازن التي ترمي ماغنوم وسوبر ماغنوم مثل البنلي وغيرها لاكن لقينا الحل
في تغيير تشوكاتها مثل 690 و660 مع العلم انه خطر مثل ماذكر الاخوان
ايضا نجد الكثير من الشباب مع الخير ياشقراء قالو بيكال طار في العجه قالو سوبر بنلي صار معهم مافيه احد ياخذ الشي عن قناعه تامه الا القليل من الشباب
مثال يوجد شباب في المنتدي كان يمدح ويثني على البيكال نتفاجئ بعد فترة له رد يسب فيها ويقطعها وكانه مافيه يوم من الايام ماستخدمه ومدحها الشي ماتحكم عليه الا بعد فترة من الوقت ايضا لابد انه يتحري ويحرص على الاصلي ويبتعد عن الغش الموجود

لصيد ناس

20/03/2010, 02:00 PM

يعطيك العافيه بس كيف اعرف الاصلي من تقليد

العاير

20/03/2010, 03:18 PM

يوجد رقم في الشوزن تاخذه وتضعه في موقع شركة البيكال ويعطونك برنت كامل عنها

kASER-999

20/03/2010, 08:32 PM

السلام عليكم
ياليت تعطيني موقع بيكاال وكيف معرفت مصدر البندق وكيف طريقة وضع الرقم
وشكرا

سسته

20/03/2010, 08:46 PM

س/ لماذا نري الكثير يشن حرب ضروس على البيكال الروسية

لان في السوق ماهوا افضل منها بكثير .... واقدم .... مثل البرتا :good2: والبنلي ... والبراونق ... عرفت ليه .. وهي مهب مسألة حرب ضروس ولا شي هي الحقيقة المره فقط وانا اخوك . يعني تبي تقنعني ان البيكال افضل من البرتا الاكستريما2 ؟؟؟؟ << ممكن تجاوب على السوال

الذيب ألاسحم

20/03/2010, 09:13 PM

السلام عليكم
هاذي أول مشاركه لي معكم وان شاالله على الدوم لاكن حبيت انشدكم عن الغاز بانسبه للبيكال انا عندي مشكله في الغاز وبا أشده لاكن المفك حقه ماهو معي لاكن حاولت بادات مشابهه له ومانفع لنه مصلب ودي انكم ترشدوني
وتقبلو تحياتي

مرهف

20/03/2010, 10:09 PM

لابديل للاصلي

العاير

20/03/2010, 10:27 PM

حى الله كل بسمه
اخ سسته ان ماجبت طاري اي من الى ذكرت بالعكس شركات كبيرات عريقات ولها مكانها لاكن مايكون على حساب غيرها من الصناعات كل شخص له ميوله وله مايرغبه والبيكال لها عشاقها

العاير

20/03/2010, 10:30 PM

بنسبه لموقع البيكال موجود في المنتدى لعل احد الاخوان يضع رابط الموقع

قنآص زهرآن

21/03/2010, 01:39 AM

والله انا هالشهرين ناوي اشتري بندق ام خمس..وقريت لين طلعت من اذاني الكلمات..وبصراحه نضرا لستخدامي قررت اشتري البيكال..بس انا خوفي اطيح بوحده مقلده..ولا اعرف حد ثقه يجيب لي روسيه..وجالس احوس وادور..لين الله يفرجها..وبالنسبه للبيكال انا مقتنع تماما ويكفي روسي يعني قوة وطناخه..مشكور على الموضوع

عقيد حرب

21/03/2010, 07:36 AM

كلام جمييل وواقعي ياخوي العاير وانا معك بكل الناقط الي ذكرت

اخوي سستة من جاب طاري النلبي وبعدييين يااغالي ابيك تقاارن بالسعر وتعرف مقصدي
البنلي الي تتكلم عنهاا مافيى اقل من 13 الف اذا تبي سوبر سبورت المذهبة المشهورة فوق 15 الف وين عاايشين ولا القهر انا بالبيكال ماتعدى 5 الاف وتقوم المقام وزود وقلت اعطال ومتانة فى الصنع
هذا الي يجعل الكثيرين يشنون الحرب عليهاا

عذرا على الاطالة عقيد حرب0000000000

العاير

21/03/2010, 11:34 AM

حياك الله ياقناص زهران استعن بالله وخذ وحده ركب عليها تشك 690 وابشر بالشحم باذن الله

العاير

21/03/2010, 11:35 AM

بارك الله فيك يا عقيد الحرب ومشكور على مرورك

سديراوي 13

21/03/2010, 02:30 PM

السلام عليكم
اخوي العاير وشلون نحصل تشك 690

جساس5

21/03/2010, 03:09 PM

http://www.youtube.com/watch?v=--GbVKwDfNU

العاير

21/03/2010, 04:47 PM

حياك ياسديراوي التشك موجود عند الشباب سعره من 400 الى 500
ان كانك تعرف احد بسوق الجردة بابريده تلاقي عندهم

العاير

21/03/2010, 04:48 PM

مشكور اخ جساس على مرورك والمقطع يكفي عن كثير من الكلام

سديراوي 13

21/03/2010, 08:37 PM

الله يعطيك العافيه اخوي العاير ما قصرت

ولد عم هتلر

21/03/2010, 08:52 PM

ياخوي كل واحد وعلى قد دراهمه مد لحافك على قد رجليك
لو اني راعي دراهم ماشتريت بيكال

ولد عم هتلر

21/03/2010, 08:57 PM

لاأقصد تعيبها بس لو اني معي دراهم بشتري من باب المهايط
بس الحين ليش اشتري لي سلاح بأكثر من 10 الاف
وفيه بديل مايتعدا5 الاف

الكركي الملكي

21/03/2010, 11:20 PM

وعليكم السلام:
هذا رابط شركة بيكال (http://www.baikalinc.ru/)
ياليت توضح لنا عن طريقة الإستفسار عن البرنت وأين يوضع الرقم في الموقع.

العاير

22/03/2010, 04:48 PM

حياك يا ولد عم هتلر كلامك صحيح ومشكور على مرورك

العاير

22/03/2010, 04:50 PM

هلا بالكركي الملكي ماقصرت على الرابط الصراحة يبيله واحد يعرف انجلينزي وتراه واضح مافيه غموض وشكرا

عاشق الفتك 20

22/03/2010, 05:56 PM

البيكاال قويه وتفي باا الغرض
لا كن الي بيشترري ام 14000 هاذا فسقاان
وكل واااحد وهوووااه لا 14000 قيمة سياااره
وش ابي اصيد قمري او قطاا اوو رهوو ليش اشتررري اطلق
سلاح

نباك

22/03/2010, 11:55 PM

هذولا العذال الي يسبون البيكال
البواردي عطه اي قطعه سلاح ويصيدبها حتا لوسلاح صيني
مهوب اذا طار الطير قال العيب بالباروده
وطبعا مانقدر نقول شي بمتانة السلاح وقلت الاعطال وعندك البيكال مذكورة بقلة الاعطال
واذا سمعنا اعطال (كلها الي يلعبون بمنضم الغاز وهم مهم عارفينله)
وجهت نضر

العاير

23/03/2010, 02:10 PM

حياك الله ياعاشق الفتك ومشكور على مرورك

العاير

23/03/2010, 02:10 PM

حياك الله يا بنباك ومشكور على مرورك وكلامك عين العقل

سسته

23/03/2010, 07:36 PM

عقيد حرب ... اللي ابي اقولة لك وللعاير . البيكال جيده لكنها ماتقارن بالبرتا والبنلي والبراونق ... اذا انا معي دراهم ولو شريت برتا اكستريما بقيمة 10.000 ريال وهذا ولاهوب ضارني اشتريها ليه لا ... ولا اشتري بيكال نظامها غاز ... ولو وصلت للاسعار اشتر ام حبة ب800 ريال .. يالله القميري الحين مهوب مثل اول اللي في كل شجرة ثلاث متصوبات جمب بعض ... يالله تلقى كل ساعه وحده . وانا عن نفسي رميت بالبيكال .. عقب مارميت باكستريما 2.. صح انها ترمي وصدنا فيها وكل شي ...لكن دريت ان البيكال دردعه بندق ... لكن لو والله فرقت معي الخمسة الالف ... ذيك الساعه اقول ازين شوزن البيكال صناعة روسية و... و.... و... .

وبالعربي ابعطيك وجه مقارنة .. ليه اللكزس اغلى من الكامري ... ليه ... وهي كلها سيارات تروح وتي وفيها مكيف وتعبيها نفس البنزيم ... وتغير الزيت فيها ... ليه صارت الكزس اغلي ...<< ودي تجاوب على السوال والله يكفيني

وفي الاخير / اللي مايطول العنب .. حامض عنه يقول .

ابوفيصل201011

24/03/2010, 12:24 AM

السلام عليكم الي يخبر روسيه للبيع اواكستريما 2 مستخدمه

حياتي البحر

24/03/2010, 09:42 AM

الله يعطيكم العافية على المعلومات والحوار الجميل

العاير

24/03/2010, 10:52 AM

حياك الله اخ سسته يظهر لي ان نكك له نصيب منك سسته قاسي شوي
التعصب هو اصل المصيبه عندنا ليش ترجعنا لدوامه خلصنا منها ماجبنا طاري البرتا والبنلي والبراوونق وسبق واني عطيتك رايي فيها انها من افضل الشوازن ولاتقل البيكال عنها وكل الانواع الى ذكرتها فيها عيوب مثال احد الاصدقاء معه السوبر بنلي مايمدح رميها ابد يطيح الصيد صويب وفيه غيره نفس الشي لاكن هذا مايقلل من السوبر بالعكس صناعتها وتحملها قوي لاكن انت مانت مجبور على البيكال ولاتجبر غيرك والكل له وجهت نظر وعلى الطرفين احترام الثاني انت لك نظر في الاكستريما ونعم الاختيار وعساك على القوة لاكن لاتجعل الاسعار هي المقياس عندك واعتقد ان المقارنه بالسيارات مايتوافق مع بنادق الصيد لكل شئ له خاصيته
وعلى قولتك الى مايطول العنب يقول حامض
انت تعلم ان الذي يهواى الصيد راح يوفر لنفسه ويجمع اي شي يخص الصيد حتي لو حمل نفسه مالايطيق
كل الشوازن عنب في حلاوتها لاكن فيه منه الاحمر والاصفر والاخضر هذه الانواع وكل شخص ياخذ الى يبيه

العاير

24/03/2010, 10:57 AM

حياك يابو فيصل ومشكور على مرورك وبنسبه للبيع هذا ممنوع من قبل المشرفين وشكرا

العاير

24/03/2010, 10:58 AM

حياك الله يا حياتي البحر ومشكور على مرورك وانت الى مجمل الحوار وشكرا

mmrdass

24/03/2010, 08:16 PM

العاير

26/03/2010, 10:49 PM

حياك الله يا mmrdass المشكلة في منظم الغاز انت محركه او غيرك اوزن الغاز وتظبط عندك موضوع اخونا المصري عن البيكال يفيدك

mmrdass

26/03/2010, 11:25 PM

يعطيك العافيه يا العاير . بس ارمي اكثر شيء بضغط 36 غرام . و لاحظت اول مارميت فيها كان الفارغ الفشق يبعد حول المترين او اقل . و الوزن يكون هل هو باتجاه light loads او heavy loads؟؟؟

crozman

27/03/2010, 12:18 PM

السلام عليكم ورحمة الله و بركاته
انا من ملاك و معجبين البيكال و اشتريت وحده ورميت فيها بتشوك الفل الوكالة و صراحه رميها يطرب .
ولكن بعد رمي ثلاث دستات صارت الفشقة تلك او بمعنى تنشب الفشقه بعد الرمي و لا تطلع خارج و لازم اسحب الفشقه . ورميت فيها انواع كثيرة من الفشق و مازالت المشكلة حتى الان من بعد تغيرت نظرتي عن البيكال مع انها جديدة .
ساعدوني ياجماعة الخير و الا ابيعها و اشوف غيرها .

يعطيك العافيه يا العاير . بس ارمي اكثر شيء بضغط 36 غرام . و لاحظت اول مارميت فيها كان الفارغ الفشق يبعد حول المترين او اقل . و الوزن يكون هل هو باتجاه light loads او heavy loads؟؟؟

اخوي لاتغير في منضم الغاز شيء
فك البندق ونضف ماصورة المخزن من برى والمنضم اللي راكب على الماصوره
ببنزين( انتبه على القطع البلاستيكيه) لين يروح السواد اللي بالماصوره وحط زيت خفيف وجرب بعدها وادع لي

عقيد حرب

27/03/2010, 01:41 PM

انا الحقيقة اتعجب منك ياخوي سستة ومن المفارقات الي تذكرها وتنقل النقاش الي مرحلة التصنيف بدون سبب لكن سبحان الله العقول تخلتف في الفهم والادراك

وابي اقول شي انت قلت

عقيد حرب ... اللي ابي اقولة لك وللعاير . البيكال جيده لكنها ماتقارن بالبرتا والبنلي والبراونق ... اذا انا معي دراهم ولو شريت برتا اكستريما بقيمة 10.000 ريال وهذا ولاهوب ضارني اشتريها ليه لا ... ولا اشتري بيكال نظامها غاز ... ولو وصلت للاسعار اشتر ام حبة ب800 ريال
ابي اقول شي واعلمك انك ماعندك سالفة ترى البراونق الي تتكلم عنهاا الجديد منهاا كلة نظام غازي البرتا اكستريما2 غازية بعد واناا اجزم ان سلاحك ام صتمة واكبر دليل انك يوم جيت تقارن قلت لي الكامري ومدري ايش ومسوي ولد نعمة عندنااا هههههههههههههههههه
على العموم بكبر عقلي ولاني مكمل

اخوي العااير موضوع جميل وانت الاجمل بردودك تقبل مرور اخوك عقيد حرب

يدوي الشرق

27/03/2010, 01:44 PM

مدري مدري

تحياتي ,,,,

العاير

27/03/2010, 01:58 PM

حياك الله ياعقيد الحرب
الله يضحك سنك ههههههه وسع بالك يا عقيد
بعض الاخوان ينقل عن كلام الناس والى يسمعه مايجيب شي عن تجربه
مشكورر على الرد والمرور

mmrdass

27/03/2010, 02:53 PM

اخوي لاتغير في منضم الغاز شيء
فك البندق ونضف ماصورة المخزن من برى والمنضم اللي راكب على الماصوره
ببنزين( انتبه على القطع البلاستيكيه) لين يروح السواد اللي بالماصوره وحط زيت خفيف وجرب بعدها وادع لي
مشكور ياخوي وماقصرت . و انحلت المشكلة بخيت زيت و نظفت . و لفيت وزن الغاز ربع لفة باتجاه light loads و اصبحت الامور 100%100 :good2::good2::good2:
البيكال و بس ( توفير دراهم ) و ( متانه) و ( و متوفره بكل مكان ) :D:D:D