ايهم اريح البرادو/الفورشنر

[شقير]

اتمنى من المكشاتيه يعطوني العلم وبدون تعصب لان حتى السيارات صار فيها تعصب وياحظ الوكيل المهم: انا معي هايلكس دفرنسين وابي موتر مريح مركب ومطب وعلى قد فليساتي برادو او فشنر ومحاتسيكم ظهره يوجعه والهلي كمل عليه
ملاحظه :لحد يقول الاندكروزر او السفاري اريح:mad:

[صحن قلابة]

انا جربت الفورنتشر 2006 فل كامل
راحته لابأس بها , اريح من الهايلكس بكثير لكن البرادو اريح

[ابومناحي]

البرادو 6 عزالله انه موتر

[يوسف عبدالله]

البرادو
الي فيه هيدروليك

[شقير]

ماقصرتوا يالربع وش الموديل الي فيه هودريلليك واي فئه من البرادو يااخي يوسف

[التعـ King ـديل]

برادو سته سلندر نص فل

ابعد عن الهيدرليك والجلد .. خذه فتحه وثلاجه ويفضل قير عادي ابو 6 نمر

اطلق موتر في تويوتا مع اني راعي نيسان الا اني احترم هالموتر

[قاهر التضاريس]

السلام عليكم
والله اخوي انصحك بالفورتشنر 6 سلندر
ماشاء الله قوي ومريح ان بغيته بر ابشر وان بغيته بلد ابشر وان بغيته بحر ممكن
لأن مكينته نفس مكينة الاند ال6 سلندر
وبعدين ميزة حجمه حلو لاهو كبير ولاهو صغير
اذا مفكر توكل على الله .
تحياتي

[خ الفياض]

خويك كان معي باث ثم لاند ثم برادو 6 نمر عايدي ثم برادو هيدروليك

الهيدروليك افضلهن ب الراحه وبالنسبه للجلد لا عليك ان شاء الله ما مضره

وبصراحه الموتر يطرب صحيح ان العايدي اقوى واحلى منه سته نمر لكن مابعد التماتيك ب البرادو وعلى فكره البرادو القير التماتيك متطور جدا خاص من موديل 2005 وانت طالع وب البر يعطيك مثل العايدي وتعاشيقه نااااااااااااااعمه

[أبوغيث 2003]

بالنسبه للراحة البرادو أريح

[شقير]

الله يكتب ويقسم الي فيه الخير ومشورتكم فوق الراس ومااخفيكم دراهمي تشتري فورشنر 2009 او برادو 2007 وناوي الامارات ارخص وازين مواصفات والله يوفق

[أطلال نجد]

رح الكويت إذا تبي برادو أو باجيرو
الأمارات إذا تبي لاندكروزر أو باترول
بالتوفيق

[أطلال نجد]

يتبع ..
فكر بالباجيرو
من موديل 2007م وفوق
6 سلندر محرك 3.8
سعر معقول جداً خصوصاً في الكويت
السيارة قمة في الفخامة والراحة والقوة

[ذيب الحرار]

يفيدوانك الاخوان

[سفاري959]

اذا معزم على هالموترين انا رأيي البرادو 6ىسلندر اريح اللي يقول الفوتشنر مريح مع احترامي له غلطان ممكن مريح بالمقارنه مع الهايلوكس مع واحد من الشباب فوتشنر 2009 مطبه قاسي

[شقير]

رح الكويت إذا تبي برادو أو باجيرو
الأمارات إذا تبي لاندكروزر أو باترول
بالتوفيق
اي افضل الكويت او الامارات افضل في المواصفات والسعر؟

[شقير]

يتبع ..
فكر بالباجيرو
من موديل 2007م وفوق
6 سلندر محرك 3.8
سعر معقول جداً خصوصاً في الكويت
السيارة قمة في الفخامة والراحة والقوة
السياره مريحه لاااااااااااااااااااااااااااااكن قطع الغيار نار

[أبوحمييد]

البرادو اريح ....

بس اذا على فوتشنر 2009 بتلقى جديد اصفار...

وبتلقى بعد برادو جدييد 2009 فانصحك لاتبعد عن الجديد...

والله يكتبلك الي فيه الخير ولاتنسى الاستخاره...

[redsea]

برادو 2006 او 2007 تماتيك 6 سلندر افضل من فورتشنر 2015 لو انه 12 سلندر

البرادو افضل بكل ناحية و2006 او 2007 راح تلقى لك برادو نظيف يمشيك 10 سنوات اقل شي بإذن الله

اما الفورتشنر انا بغيت اشتري موديل 2008 مستعمل تماتيك 6 سلندر

والله ذكرني بالهيلكس 88 من ناحية الراحة والغيت فكرة شرائه لهذا السبب اتمنى اني افدتك

[طير شلوى نجد]

عليك بالبرادوا وشرط هودرليك