المساعد الشخصي الرقمي

مشاهدة النسخة كاملة : مشكلة الفرامل يعلق في السفاري 99 وش السبب ....؟؟؟ تكفون المساعده


كرم القلوب
20/03/2010, 07:58 PM
السلام عليكم


الله يحييكم جميعا


هاذي مشكله في الفرامل للباترول سوبر سفاري 99 فيه Abs
بس مدري وش فيه المتر سليم 100/100

بس اذا زدت على الفرامل ووصل حد التفحيط (الانزلاق ) يعلق الفرامل الي ورى الخلفي لحد ما يوقف الموتر ثم يفك الفرامل من نفسه سوى دبلت له او لا مدري وش السبب



ياليت تخدموني في حل لهلمشكله


وشكرا لكم
wwwns
20/03/2010, 09:15 PM
وعليكم السلام ورحمة الله وبركاته
اهلا بك اخي

قبل ما تصلح شي

فك هوبات ورى اذا فيها تهريب زيت صلحة

واهم شي غير الاقمشة لا تنظفهن غيرهن جدد

حصلت معي بجمس صالون والحمدلله زانت الفرامل

والله يسهل امرنا وامرك
كرم القلوب
21/03/2010, 04:52 PM
السلام عليكم


الموتر ما فيه شي والفرامل سليم تقريباً انا رحت لم ورشه وشحمت الكليبرات واما الغيرها فهو شليم وباقي فيه نس عمر واكثر بعد


بس انا متورط مع هالفرامل مدري وش اسوي به وديته لواحد يقول ماله غير الوكاله
عاااااد انتم تعرفون سالفة الوكاله والنهب المستمر الى الان


ياليت احصل طريقه اعرف وش هاالمشكله
_دربيل_999
21/03/2010, 07:03 PM
أخوي اللي يستمر ماسك هل هي الفرامل..ولا الدعسة تستمر محلها ما ترجع وتضغط ع الفرامل..وضح الله يحييك عشان يفيدونك الربع..
محمد النيساني
21/03/2010, 07:44 PM
صارت لي بباترول موديل 2000 فيه abs
واكتشفت وقت المشكله ان الفرامل مايعلق الا اذا فرملت في اسفلت عليه تراب او فيه مويه يعني الوقت الي من المفترض يشتغل فيه ال abs طبعا الفرامل تمسك لحاله ولا تفك حتى يوقف الموتر

طبعا المشكله في ال abs و الحل انك تستغني عنه وتفصل فيوزه من مكانين المكان الأول من علبة الفيوز الي تحت الكبوت والمكان الثاني علبة الفيوز الي تحت الدركسون طبعا الفيوز الي تحت الكبوت لونها زهري مستطيله والي تحت الدرسكون فيوز عاديه حدد موقعها من الغطاء
اي سؤال انا موجود
بدوي جنوبي
21/03/2010, 10:59 PM
ترا المشكله اللى عندك خطيره
وتقلب السياره لا سمح الله

لازم توديها ورشة متخصصه فى الا abs
لان اللى واضح انه يبقي معلق ما يفك الفرامل

جرب حل الاخ محمد افصل الفيوز الabs
اذا راحت التعليقه اعرف ان الخلل منه

بالتوفيق
كرم القلوب
24/03/2010, 05:49 PM
جزاكم الله خير


والله ما قصرتوا يالربع والله يستر عليكم ويوفقكم ولا يوريكم مكروه

محمد النيساني (http://www.mekshat.com/vb/member.php?u=79104) كفيت ووفيت بس وش الحل لهلمشكله نستغني عن الــA B S

او وش الدبره ..؟؟؟ ما استفيد من الموتر وهو فل كامل ..؟؟؟

واما عن الفيوز ابي اجرب اليوم والله يعين ....

ومشكور ولا قصرت ...........................................




بدوي جنوبي (http://www.mekshat.com/vb/member.php?u=32037) صدقت المشكله خطيره خصوصا اذا مسكت فرامل مفاجئ وانت مسرع يبتل الموتر يفحط لميييين يوقف


لكن ان شاء الله احصل حل لهالمشكله ....



جزيتم خيرا ....
محمد النيساني
26/03/2010, 03:33 AM
حياك الله اخوي
بالنسبه للحل اتوقع بتغيير جهاز ال abs وتلاقيه بالتشاليح كثيير بس قيمته غاليه ولا تدري يظبط او لا
الموتر للحين عندنا وابشرك فرامله من احسن مايكون
كرم القلوب
29/03/2010, 07:23 PM
السلام عليكم


اخوي محمد النيساني


شكرا لك وياليت لو تحط صوره للفيوز لو تكرمت ...

وهل اللمبه الي بالطبلون تشتغل او لا



وشكرا لك مره اخرا
محمد النيساني
29/03/2010, 09:29 PM
طبعا اخوي المبة الي في الطبلون راح تولع ولكن حلها فك الطبلون وافصلها
بالنسبه للفيوز الي تحت الكبوت هذي صورة غطاها ومحدد عليها الفيوز الي من المفترض انك تشيلها وعددها اثنين .

http://store0.up-00.com/Mar10/wWy87019.jpg (http://www.up-00.com/)

بعد مافصلتها روح لصندوق الفيوز الي تحت الدركسون وفك الغظاء ودور موقع فيوز abs وافصلها طبعا فيوز صغيره عاديه ماهي زي الي فصلتها فوق .
بالتوفيق
كرم القلوب
30/03/2010, 02:32 PM
جزاك الله كل خير والله يحفظك من كل شر


كفيت ووفيت الله يجزاك كل خير ويرزقك على قد نيتك كان احرجتني بطيبك ....


لك دواتي بالتوفيق والسداد



شكرا جزيلا لك اخي العزيز
محمد النيساني
30/03/2010, 05:47 PM
على الرحب والسعه اخوي ماسوينا الا الواجب