مطلوب ورشة شكامين صاحيه في الرياض

[فصاص]

السلام عليكم

اخواني الغالين

مطلوب ورشة شكامين متخصصه في الرياض
عندهم امكانيات تركيب وتمدير مواصير الشكمان بدقه وبدون تنسيم

الموتر سييرا << ماله دخل الموتر بس مدري ليه كاتبه

اهم شي يكون راعي الشكامين فنان وياليت يكون عندهم مواصير معدن مو جديد

[بدوي جنوبي]

فصاص انت تدور على صوت طرب
ركب مواصير بورلا مع الدبات
او فلو ماستر اعتقد اسمها كذا

وتلقى سعرها مستعمل فى حدود 1000 او 1500

بالتوفيق

[فصاص]

السلام عليكم

اخوي بدوي جنوبي

الصوت مهوب مشكله صوته لحاله من غير شي طرب

انا شاك ان فيه تنسيم بس ماادري وين ,, وديته لكذا واحد بس كلهم بربسه في بربسه

ابي احد يضبط اموره

[TNT 11]

عندك ورشة الريان الحديثه باشراف قايد
ممتازه ولا تصلح الا بضمان والضامن الله



اتمنى اني افدتك

[فصاص]

عندك ورشة الريان الحديثه باشراف قايد
ممتازه ولا تصلح الا بضمان والضامن الله



اتمنى اني افدتك




اخوي TNT

ولا عليك امر وين موقع الورشه هذي وكم رقمهم اذا موجود عندك
حاولت ارسل لك رساله خاصه لكن انت مقفلها

جزاك الله خير ولاهنت يالغالي

[فصاص]

السلام عليكم

للرفع يااخوان

ياليت احد يفيدنا وين ورشة الريان الي ذكرها اخوي Tnt

للضروره القصوى

[(أبوزيـــــد)]

حياك الله اخوي فصاص..
بالنسبة للوصف ..
وانت بالدائري الجنوبي تجيك لوحة (طريق الخرج شمال) رح معها ثم ياطويل العمر ابتل وارق الكبري الاول واول ماتنزل منه تجيك اشاره اللي عندها السالم.. ابتل وبعد الاشاره بــ 400 متر تقريبا بيجيك مركز صحي على اليمين لوحته زرقا قبل الكوبري الثاني خذ بعده يمين.. بيجيك اول تقاطع رح يسار ابتل ثم يجيك اول تقاطع .تعداه . ثم بيجيك على اليسار لوحته(الريان) تراها صغيره مره وترا فوقها منارة مصلى.. محله صغير مره فتحه وحده..

وبالتوفيق اخوي..

واي خدمه انا حاضر..

[فصاص]

ابو زيد

جعلك في الجنه ووالديك يارب ماقصرت يالغالي


والي يعرف ورش ثانيه لايبخل علينا ,, لاهنتوا