يا شباب وش الفرق بين الاندكروزر السعودي والخليجي؟؟ محتار

[رومنسي سعودي]

انا اريد اشتري جيب وكل ما قلت لواحد قال لا تشتري غير لاندكروزر سعودي وأبعد عن الخليجي وما ادري ليه يقولون تبلش في قطع الغيار غير طلبية من قطر والأمارات وزي كذا
وانا ما ادري عن صحة الكلام
ياليت تفيدوني وأيش تنصحوني آخذ سعودي ولا خليجي :r :r :r

[MaRBooSh]

ترى الفرق بالشكل
خط-شبك-جنوط-مواصفات
بس الخليجي ارغب للشعب
وليه ما تركب قطع الغيار السعودي على الخليجي
كل هالسيارات طالعه من مصنع واحد

[رومنسي سعودي]

الله يعطيك العافية أخوي واللي عنده زود لا يبخل علينا

[راعي المواتر]

خطوط وشبك ومرايات تباع عند البازعي ماعندك مشاكل بالنسبه لها أما الباقي نفس السعودي والمسجل والكمبرورسر والجناح والبقي كله عند البازعي ..ز

[جساس5]

سوف تجد ماتريد على الرابط



http://www.rwwwr.com/vb/t37751.html

[عقاب 01]

افادك اخووي جساس


بالنسبه لي لو اني مكانك اشتري خليجي بدون كلام

من ناحيتي شفت الرابط حق جساس

وطلع مواصفات غيير

والخليجي افضل بالنظر لي

اما قطع الغيار وذي مالي فيهاا شي

اما الموااصفات الخليجي يتفوق على السعودي

[قرهود]

اخي الرومانسي طابت اوقاتك انت والاعضاء الكرام حقيقة انقطعت علاقتي مع اللاندكروزر الخليجي منذ 2003وسبق ان امتلكت بريمي 1994 ولاحظت الفرق بينه وبين السعودي (وارد جميل )واصبحت من عشاق ومستخدمي اليوكون 0اما عن القطع كنت اركب قطع لكزس 2003 من تويوتا علما اني ذهبت للامارات الاسبوع الماضي وشرينا للوالد الله يحفظه 2009 من دبي في اكس ار 1 (يالرومانسي خلك رومانسي واستمتع بالحياة والعالم اصبح قرية صغيرة ولا يستطيع احد ان يحتكر شي كما كان في الماضي الامارات قريبه وعلى سما 230 ريال)

[Hsawi]

السلام عليكم ورحمة الله وبركاته
انا انصحك تاخذ خليجي من عند البازعي
لأن مواصفاته أفضل بكثيييييير
عبداللطيف يتميز عن البازعي في الاكسسوارات يعني أشياء بسيطة جدا

[modi151]

هههههههههههههههههههههههههههههههه قرهود

بس ماادري يالرومانسي قصدك بالخليجي يعني وارد الامارات او قطر والا خليجي يعني وكيله اليحيى او البازعي
لأن اللي يجيك وارد أغلبه يحطون عليه رشة تمنع الصدأ يجيك لونها أصفر هذا اللي يكره الشعب عندك في الوارد

تحياتي للجميع ,,,,

[عرين نجد]

اشتر خليجي وانت مغمض وانحش عن السعودي

[frnas2010]

انت اشتر موتر خليجي ولا سعودي لايجي الشتاء الجاي وانت قاعد تسوم سيارات الناس ولا ترد ياخي إذا هونت رد على الرجال؟؟؟ يالرومانسي؟؟؟؟؟؟؟؟؟:BUTT1:

[رومنسي سعودي]

تريدني أرد على واحــد ما يعـرف موتره هو سعودي ولا خليجي

والله ناس

تسلمون يا جماعة الربع يعني السعودي ما اشترية ,,

[frnas2010]

تريدني أرد على واحــد ما يعـرف موتره هو سعودي ولا خليجي

والله ناس

تسلمون يا جماعة الربع يعني السعودي ما اشترية ,,



من قالك خليجي؟؟؟ قلتلك سعودي وانا ماني شفق على بيعتة؟؟؟ بس انت اشغلتني كل شوي مكلمني واحد من طرفك يسأل على بالك ذكي وبعدين مواعدني بتجي تشوف الموتر وانا قايلك اني بروح للبر وعشانك جلست بس الصراحة لاتعليق بس حبيت اوضح للي يردون ويتعبون يريحون انفسهم والله لانتاب شاري ولو بعد عشر سنين

[رومنسي سعودي]

أقــول اتق الله في نفسك
انا ما وعدتك اني أجيك وأشوفه
وأصلا كيف أوعدك وانت في منطقة غير منطقتي
يالحبيب تراك مشبه وأنا ما أرسلت أحد لك تراك غلطان

ولك تحياتي

[frnas2010]

أقــول اتق الله في نفسك
انا ما وعدتك اني أجيك وأشوفه
وأصلا كيف أوعدك وانت في منطقة غير منطقتي
يالحبيب تراك مشبه وأنا ما أرسلت أحد لك تراك غلطان

ولك تحياتي


منت في القصيم وبعدين ما دخلت احد الاعلانات تقول من يعرف رقم فرناس 2010 على العموم انا والله الموضوع عايدي والله يرزقك اللي في بالك بس كل القصد انك ترد لي وتقول مالي نظر والله يستر عليك وعل اللي في الموقع تحياتي والمعذرة

[رومنسي سعودي]

أقول يالغالي أنا من الجوف
وشكل واحد من القصيم متصل عليك ومشبه علي

تقبل تحياتي